Health Tips: कमी झोप आरोग्यासाठी हानिकारक; हृदयावरही होतात 'हे' परिणाम

Health Tips : जर तुम्ही 8 तासांपेक्षा कमी झोप घेत असाल तर ते तुमच्या आरोग्यासाठी हानिकारक आहे.

Lack of sleep

झोप पूर्ण न झाल्याने आपली रोगप्रतिकारशक्ती कमकुवत होते, अशक्तपणा देखील येतो हे अनेक अभ्यासात सिद्ध झालं आहे.

सातत्याने कमी झोपेमुळे दाहक विकार वाढतात आणि हृदयाशी संबंधित आजार वाढतात.रोज उशिरा झोपणं किंवा अपुरी झोप मिळणं यामुळे हृदयरोगाचा धोका वाढतो.

न्यूयॉर्कच्या कार्डिओव्हस्कुलर रिसर्च इन्स्टिट्यूटच्या संचालकांनी एका अभ्यासात असं म्हटलं आहे की, कमी झोप हृदयासाठी आणि विशेषतः निरोगी हृदयासाठी योग्य नाही.

संशोधनातून असे समोर आले की, निरोगी हृदयासाठी 8 तासांची झोप आवश्यक आहे. झोप न झाल्यास शरीरात विविध विकार उद्भवतात.

तज्ज्ञांच्या मते, चांगली आणि पुरेशी झोप घेणाऱ्यांच्या तुलनेत अपुरी झोप घेणाऱ्या व्यक्तींमध्ये मृत्यूचं प्रमाण जास्त असतं.

पुरेशी झोप न मिळाल्यामुळे व्यक्तीमध्ये नैराश्याची लक्षणं दिसू लागतात. झोप न मिळाल्यामुळे नैराश्य वाढू शकतं.

पुरेशी झोप न मिळाल्यामुळे गोष्टी व्यवस्थित समजून घेऊन त्यावर योग्य निर्णय घेणं कठीण जातं. काही परिस्थितीत निर्णय घेण्याची क्षमता देखील कमी होते.

शरीर आणि मेंदूला आराम मिळण्यासाठी पुरेशी झोप गरजेची असते. पुरेशी झोप घेतल्यामुळे मन ताजतवानं होतं, मेंदू अधिक कार्यक्षम बनतो. त्यामुळे निरोगी आरोग्यासाठी रात्रभर न जागता शांत आणि पुरेशी झोप घेतली पाहिजे.