PHOTO : विरुष्काची लेक वामिका झाली 6 महिन्यांची; सेलिब्रेशनच्या फोटोंची चाहत्यांमध्ये चर्चा

विराट अनुष्काची मुलगी वामिका

बॉलिवूड अभिनेत्री अनुष्का शर्मा आणि भारतीय क्रिकेट संघाचा कर्णधार विराट कोहली यांनी मुलगी वामिका 6 महिन्यांची झाली आहे. अशातच अनुष्का शर्मानं इंस्टाग्रामवर मुलीचे काही खास फोटो शेअर केले आहेत. विराट-अनुष्कासह वामिकाचे फोटो सध्या सोशल मीडियावर वेगानं व्हायरल होत आहेत.

पहिल्यांदाच मुलीसोबत खेळतानाचे विराटचे फोटो समोर आले आहेत. अशातच चाहत्यांना विराट आणि वामिकाचे हे फोटो आवडले असून हा फोटो सोशल मीडियावर व्हायरल होत आहे.

त्यासोबतच अनुष्काने आपले फोटोही वामिकासोबत शेअर केले आहेत. दरम्यान, कोणत्याही फोटोमध्ये वामिकाचा चेहरा दिसणार नाही याची विराट आणि अनुष्कानं काळजी घेतली आहे.

त्यासोबतच विराट अनुष्काने वामिका 6 महिन्यांच्या झाल्यामुळे सेलिब्रेशन केलं.

फोटो शेअर करत अनुष्कानं लिहिलं की, "तिच्या एका हास्यानं आमचं संपूर्ण जग बदलू शकतं. मी आशा करते की, ज्या प्रेमानं तू आमच्याकडे पाहतेस, आम्ही जग जिंकतो. आम्हा तिघांनाही सहा महिन्यांच्या शुभेच्छा!"

यापूर्वीही अनुष्काने हा फॅमिली फोटो शेअर करत मुलीच्या नाव्याची घोषणा केली होती. दरम्यान, सर्व चाहते वामिकाची एक झलक पाहण्यासाठी उत्सुक आहेत.

विराट कोहलीने Women's Day च्या दिवशी अनुष्का आणि वामिका यांचा एक फोटो शेअर केला होता. जो सोशल मीडियावर व्हायरल झाला होता.