Happy Birthday Siddharth Jadhav | मराठमोळा सुपरस्टार सिद्धूचा आज वाढदिवस, वाचा त्याच्याविषयी खास गोष्टी!

(Photo:siddharth23oct/IG)

मराठी रंगभूमी असो, सिनेमा असो किंवा हिंदी कॉमेडी शोज, सिद्धार्थने स्वत:चं एक वेगळं स्थान निर्माण केलं आहे.

गोलमाल, गोलमाल रिटर्न्स, सिम्बा अशा सुपरहिट बॉलिवूड सिनेमांमध्ये त्याने अभिनय केला आहे पण त्यांचे पहिले प्रेम म्हणजे मराठी चित्रपट, टीव्ही आणि स्टेज असल्याचे तो ठामपणे सांगतो.

मिथुन चक्रवर्ती मुख्य भूमिकेत असणार्‍या अमी सुभाष बोलची नावाच्या बंगाली चित्रपटातही जाधव याने अभिनय केला आहे.

सिद्धार्थने आपल्या अभिनय कारकीर्दीची सुरुवात अगदी लहान वयातच केली होती आणि 1996 मध्ये रविकिरण बालनाट्य स्पर्धा येथे सर्वोत्कृष्ट अभिनेत्याचा पुरस्कार मिळवला होता.

सिद्धू सध्या तरुणांचा स्टाईल आयकॉन बनला असून, अनेक जण त्याच्या स्टाईल स्टेटमेंट फॉलो करत आहेत. या सर्वाचं श्रेय तो त्याची स्टायलिस्ट श्वेता शिंदे आणि पत्नी तृप्ती हिला देतो.

लोकांसमोर उत्तम प्रकारे स्वत:ला सादर करण्यामध्ये बायको तृप्ती आणि त्याची स्टायलिस्ट श्वेता, मेकअपमन बिपीन आणि त्याचा सहाय्यक राजू यांचा महत्त्वाचा वाटा असतो, असं तो सांगतो.

रंगभूमीपासूनदेखील सिध्दार्थ मागे राहिलेला नाही. त्याचे 'गेला उडत' हे नाटक माय-बाप रसिक प्रेक्षकांनी डोक्यावर घेतले होते. त्या नाटकातील भूमिकेसाठी सिध्दार्थला प्रचंड कसरत करावी लागत होती. त्याच्या त्या उर्जेसाठी प्रेक्षक नेहमीच नाट्यगृहात टाळ्यांचा कडकडाट करत असायचे.

नेहमीच वेगवेगळ्या भूमिका सिध्दार्थ निवडत असतो. कधी सिनेमा, कधी नाटक तर कधी छोटा पडदा तो गाजवतो. तो करत असलेले निखळ मनोरंजन प्रेक्षकांना कायम भावते.

आपला सिध्दू हा सिध्दार्थ जाधवच्या हॅशटॅगची चर्चा सिध्दार्थच्या चाहत्यांमध्ये दिसून येत आहे. त्याच्या सोशल मीडियावरील फोटोवर तो टाकत असलेल्या कॅपशनची चर्चा चांगलीच होत असते.