South Horror Movies On OTT : धडकी भरवणारे हॉरर चित्रपट, ओटीटीवरही एकट्याने पाहण्यासाठी लागेल मोठी हिंमत...

South Horror Movies On OTT: अॅक्शन चित्रपटांप्रमाणे आता हॉरर चित्रपटांचीही क्रेझ वाढत चालली आहे. तुम्हालाही हॉरर चित्रपटांची आवड असेल तर हे दाक्षिणात्य चित्रपट नक्की पाहा...

South Horror Movies On OTT

या यादीत पहिलं नाव अवल या चित्रपटाचे आहे. सिद्धार्थ आणि अँड्रिया जेरेमियाह यांची मुख्य भूमिका आहे. या चित्रपटात दोन गोष्टी आहेत. एक आई आणि तिच्या मुलीची गोष्ट आणि दुसरी गोष्ट ही सिद्धार्थ आणि त्याच्या पत्नीची गोष्ट आहे. या दोन गोष्टींचा संबंध काय, हे चित्रपट पाहिल्यावर समजेल. हा चित्रपट तुम्ही नेटफ्लिक्सवर पाहू शकता.

'पिझ्झा' हा चित्रपट 2012 रोजी रिलीज झालेला चित्रपट आहे. या चित्रपटात विजय सेतुपती आणि कार्तिक मुख्य भूमिकेत आहेत. चित्रपटात एका पिझ्झा डिलिव्हरी बॉयची गोष्ट आहे. हा चित्रपट ओटीटी प्लॅटफॉर्मवर पाहू शकता.

पिसासू चित्रपटात नागा, राजकुमार पिचुमणी, अश्वत इत्यादी आदी सेलिब्रिटी महत्त्वाच्या भूमिका आहेत. चित्रपटाची कथा एका मुलाची असून हा मुलगा व्हायोलिन वाजवतो आणि अपघातात जखमी झालेल्या मुलीला रुग्णालयात नेतो, पण तिचा मृत्यू होतो. हा चित्रपट हॉटस्टारवर उपलब्ध आहे.

'माया' चित्रपटात अमजथ खान, प्रिया चंद्रमौली आदींची मुख्य भूमिका आहे. चित्रपटाची कथा मायावनम नावाच्या गावाची आहे. हे गाव शहरापासून खूप दूर आहे. या गावात एक वाईट शक्ती वास्तव्य करत आहे असा त्यांचा विश्वास असतो. प्राइम व्हिडिओवर तुम्ही चित्रपट पाहू शकता.

इजरा हा मल्याळम भाषेतील सुपरनॅच्यु्रल थ्रिलर चित्रपट आहे. या चित्रपटात प्रिया आनंद आणि सुकुमारन आहे. इजरा हा हिंदीमध्ये Dybbuk नावाने रिलीज करण्यात आला होता. हा चित्रपट हॉटस्टारवर पाहता येईल.

गेम ओव्हर हा सायकोलॉजिकल थ्रिलर आणि पॅरानॉर्मल अॅक्टिव्हीटी, हॉरर अॅक्टिव्हीटी असणारा चित्रपट आहे.अंगावर काटा आणणारा हा चित्रपट तुम्ही नेटफ्लिक्सवर पाहू शकता.

अनुष्का शेट्टीची मुख्य भूमिका असलेला 'भागमती' हा थरारक, हॉरर चित्रपटांपैकी एक समजला जातो. या चित्रपटाने प्रेक्षकांची भीतीने घाम फुटला होता. या चित्रपटात भूमी पेडणेकरदेखील आहे. हा चित्रपट युट्युबवर पाहू शकता.