Lok Sabha Elections Celebrities voting : तुम्ही मतदान केलं का? मराठी कलाकारांनी बजावला मतदानाचा अधिकार

चौथ्या टप्प्यात राज्यात लोकसभेच्या 11 जागांवर मतदान होत आहे. यामध्ये नंदूरबार, जळगाव, रावेर, जालना, मावळ, पुणे, शिरुर, अहमदनगर, शिर्डी, बीड या जागांसाठी मतदान सुरू आहे.

Lok Sabha Elections 2024 Celebrities cast their votes

उर्मिला निंबाळकर - अभिनेत्री उर्मिला निंबाळकरने आपल्या मतदानाचा हक्क बजावला. आपल्या हातात काय आहे?” या सतत पडणाऱ्या प्रश्नाचे उत्तर आहे “मतदान”! सारासार विचार करुन, तटस्थपणे आपण चुकीचे influence तर होत नाही ना याची खातरजमा करत, निष्कर्षाला पोहोचले आणि माझा अधिकार आणि कर्तव्य पार पाडून आले असे अभिनेत्री उर्मिला निंबाळकरने सांगितले.

गायत्री दातार - मतदान करणे हा हक्कच नव्हे तर जबाबदार नागरिकाचे कर्तव्य असल्याचे अभिनेत्री गायत्री दातारने म्हणत मतदानाचे आवाहन केले.

जुई गडकरी - अभिनेत्री जुई गडकरीने रायगड जिल्ह्यातील कर्जत तालुक्यातील आपल्या गावी मतदानाचा अधिकार बजावला.

सोनाली कुलकर्णी : अभिनेत्री सोनाली कुलकर्णीने मतदान आज आई-वडिलांसह मतदान केले. इन्स्टावर तिने फोटो पोस्ट करत कर्तव्य आणि अधिकार - नाण्याच्या दोन बाजू. कर्तव्य पार पाडल्या शिवाय अधिकार मिळत नाही अशी कॅप्शन देत मतदान करण्याचे आवाहन केले.

आर्या आंबेकर - गायिका आणि अभिनेत्री आर्या आंबेकर हीनेदेखील आपल्या मतदानाचा अधिकार बजावला. every vote matters! अशी कॅप्शन देत फोटो सोशल मीडियावर पोस्ट केला.

श्रृती मराठे - अभिनेत्री श्रृती मराठेने आपल्या आई-बाबांसह मतदानाचा अधिकार बजावला.

सुबोध भावे - लोकशाहीचा हा उत्सव साजरा करूया,मतदान करूया अशी कॅप्शन देत अभिनेता सुबोध भावे याने मतदान करण्याचे आवाहन केले. सुबोधने पत्नी मंजिरीसोबत सकाळीच मतदानाचा अधिकार बजावला.

नेहा महाजन - अभिनेत्री नेहा महाजनने मतदान केल्यानंतर इन्स्टाग्राम अकाउंटवर फोटो पोस्ट करत मतदान करण्याचे आवाहन केले आहे. Please Vote. Keep the Democracy alive अशी कॅप्शन तिने दिली आहे.