परदेशातील नोकरी सोडून चहाचा व्यवसाय, आज तरुण करतोय कोट्यावधी रुपायंची उलाढाल

नितीन सलुजा (Nitin Saluja) या तरुणाने अमेरिकेतील मोठ्या पगाराची नोकरी सोडून चहाचा व्यवसाय सुरु केला. आज ते 2000 कोटी रुपयांची उलाढाल करत आहेत.

Success Story of Nitin Saluja (PC : Chaayos Twitter)

अलिकडच्या काळात अनेक तरुण चांगल्या पगाराच्या नोकऱ्या (Job) सोडून शेतीत किंवा व्यवसायात नवनवीन प्रयोग करताना दिसत आहेत.

एका अशाच युवा उद्योजकाची यशोगाथा आज आपण पाहणार आहोत. नितीन सलुजा (Nitin Saluja) असं या उद्योजकाचं नाव आहे.

अमेरिकेतील मोठ्या पगाराची नोकरी सोडून सलुजा यांनी चहाचा व्यवसाय सुरु केला. आज ते 2000 कोटी रुपयांची उलाढाल करत आहेत.

आपण आज चायोसचे (Chaayos) सह-संस्थापक नितीन सलुजा यांची यशोगाथा पाहणार आहोत. चायोस हे देशातील एक मोठे नाव आहे आणि त्यांचे देशभरात आउटलेट आहेत.

नितीन सलुजा यांनी कठोर परिश्रम आणि प्रबळ इराद्याच्या जोरावर हे स्थान मिळवले आहे.

नितीन सलुजा यांनी त्यांचा मित्र राघव वर्मा यांच्यासोबत ही यशोगाथा लिहिली. दोघांनी 2012 मध्ये चायोस सुरू केले. भारतातील हाय-एंड आउटलेट्सद्वारे चहा विकण्याचा हा एक अनोखा उपक्रम होता, ज्यामध्ये दोन्ही मित्रांना प्रचंड यश मिळाले.

नितीन सलुजा यांनी आयआयटीमधून मेकॅनिकल इंजिनीअरिंग केले. यानंतर ते एका मोठ्या अमेरिकन कंपनीत रुजू झाले. 5 वर्षे नोकरी केल्यानंतर एके दिवशी ते लाखो रुपयांची नोकरी सोडून व्यवसाय करण्यासाठी भारतात आला.

चहा हे भारतात मोठ्या प्रमाणावर वापरले जाणारे पेय आहे. त्याद्वारे नितीन आणि राघव यांनी चायोस ब्रँडची स्थापना केली.

चायोसच्या वेबसाइटवर उपलब्ध माहितीनुसार, जुलै 2022 पर्यंत, Chaayos चे देशभरात 200 आउटलेट आहेत. त्याचवेळी, येत्या काही वर्षांत कंपनीला चायोस कॅफेचा हा आकडा 1000 पर्यंत नेण्याची इच्छा आहे.