Sovereign Gold Bond Scheme: सरकार विकतंय स्वस्तात सोनं, संधी सोडू नका; पण कसं खरेदी करणार? शेवटची तारीख काय?

Sovereign Gold Bond Scheme: 11 सप्टेंबर ते 15 सप्टेंबर दरम्यान रिझर्व्ह बँक स्वस्तात सोनं खरेदी करण्याची सुवर्णसंधी देत आहे. सॉवरेन गोल्ड बॉन्ड योजनेअंतर्गत स्वस्तात सोनं खरेदी करता येतं.

Sovereign Gold Bond Scheme

Sovereign Gold Bond Scheme: सोन्यात गुंतवणूक करण्याकडे भारतीयांचा नेहमीच कल असल्याचं पाहायला मिळतो. परंतु, बदलत्या काळासोबतच सोन्यात गुंतवणूक करण्याची पद्धतही बदलल्याचं पाहायला मिळत आहे. सरकारकडून वेळोवळी सॉवरेन गोल्ड बॉन्ड स्कीम जाहीर केली जाते.

आज सोमवारी म्हणजेच, 11 सप्टेंबर 2023 रोजी सॉवरेन गोल्ड बॉन्ड स्कीम (Sovereign Gold Bond Scheme) ची दुसरी सीरिज सुरू करण्यात आली आहे.

या योजनेतंर्गत गुंतवणूक केल्यानंतर तुम्हाला बाजार भावाच्या तुलनेत स्वस्त सोनं खरेदी करण्याची संधी मिळते.

या योजनेतंर्गत तुम्ही सॉवरेन गोल्ड बॉन्ड स्कीममध्ये 11 सप्टेंबर 2023 पासून 15 सप्टेंबर 2023 पर्यंत गुंतवणूक करु शकता.

सॉवरेन गोल्ड बाँडमध्ये, गुंतवणूकदार 24 कॅरेट शुद्धतेच्या सोन्यात गुंतवणूक करतात म्हणजेच 99.9 टक्के शुद्ध सोन्यात गुंतवणूक करता येते.

तुम्ही या SBG योजनेत ऑनलाईन आणि ऑफलाईन दोन्ही प्रकारे गुंतवणूक करू शकता. ऑनलाईन गुंतवणूक केल्यावर तुम्हाला प्रति ग्रॅम 50 रुपये सूट मिळेल.

तुम्ही ऑफलाईन खरेदी केल्यास तुम्हाला प्रति 10 ग्रॅम 5,923 रुपये मोजावे लागतील. तर ऑफलाईन शॉपिंगसाठी तुम्हाला 5,873 रुपये शुल्क द्यावं लागेल.

या योजनेंतर्गत गुंतवणूकदारांनी सोन्यात गुंतवणूक केल्यास, लोकांना सहामाही आधारावर निश्चित किंमतीवर 2.50 टक्के व्याज दिलं जाईल.

सॉवरेन गोल्ड बाँडचा मॅच्युरिटी पीरियड 8 वर्षांचा आहे आणि पाच वर्षांनंतर, ग्राहकांना निवड रद्द करण्याचा पर्याय असेल.

सार्वजनिक व्यावसायिक बँकांव्यतिरिक्त, तुम्ही काही पोस्ट ऑफिस, NSE, BSE, क्लियरिंग कॉर्पोरेशन ऑफ इंडिया लिमिटेड (CCIL) इत्यादींद्वारे हे सुवर्ण रोखे खरेदी करू शकता.