Twitter Trends 2021 : 'हे' हॅशटॅग ठरले सर्वाधिक ट्रेंडिग

Most Tweeted Hashtags on Twitter 2021 : ट्विटरवर वेगळे हॅशटॅग (Hashtag) वापरुन नेटकरी आपली मतं एकत्र मांडतात.

Twitter

Most Tweeted Hashtags on Twitter 2021 : ट्विटरवर वेगळे हॅशटॅग (Hashtag) वापरुन नेटकरी आपली मतं एकत्र मांडतात. जेव्हा लोक हॅशटॅगसह ट्विट करतात तेव्हा ते संभाषणाचा एक भाग बनतात. कोरोनाच्या चिंतेत गेलेले 2021 वर्ष संपत आले आहे. कोरोना संसर्गाच्या लाटेत ट्विटर (Twitter) द्वारे अनेकांना संपर्क साधण्यासाठी आणि प्रतिक्रिया देण्यासाठी चांगलं व्यासपीठ उपलब्ध झाले. या काळात अनेक हॅशटॅगद्वारे भारतीयांनी आपली मते मांडली. 2021 वर्ष संपत असताना, भारतात ट्विटरवर वर्चस्व गाजवणारे हॅशटॅग जाणून घ्या.... 

1. #Covid19 : 2021 मध्ये #Covid19 हा सर्वाधिक वापरण्यात आलेल्या हॅशटॅग आहे. 2021 च्या सुरुवातीच्या महिन्यांतच, भारताला COVID-19 च्या दुसऱ्या लाटेचा फटका बसला यामुळे लोक अस्वस्थ झाले. नागरिकांनी माहितीच्या शोधात ट्विटरची मदत घेतली. लोकापर्यंत सुविधा शोधण्यासाठी, मदत गोळा करण्यासाठी आणि लोकांना #ऑक्सिजन, रुग्णालयातील बेड आणि वैद्यकीय पुरवठा यांच्याशी जोडण्यासाठी ट्विटरवर #covid19 हॅशटॅगचा वापर केला गेला. त्यामुळे लोक ट्विटरद्वारे जोडले गेले.

2. #FarmersProtest : 2021 मधील ऐतिहासिक शेतकरी आंदोलन ट्विटरवरील ट्रेंडचा भाग बनले. #FarmersProtest बद्दल 2020 पासून 2021 पर्यंत अनेक ट्विट करण्यात आले. राजकारणी, सेलिब्रिटी, नागरिक आणि आंदोलक शेतकरी यांनी ट्विटरवर मते मांडली. त्यामुळे #FarmersProtest ट्विटरवर सर्वाधिक वापरला गेलेला दोन नंबरचा हॅशटॅग ठरला.

3. #TeamIndia : 2021 हे भारतीय खेळासाठी व्यस्त वर्ष होते. पुरुष क्रिकेट संघाच्या गाब्बा येथील ऐतिहासिक विजयापासून ते ऑलिम्पिक आणि पॅरालिम्पिकमध्ये अभूतपूर्व विजयापर्यंत, ट्विटरवरील क्रीडा चाहत्यांनी खेळ, सामने आणि स्पर्धांमध्ये #TeamIndia चा हॅशटॅग वापरला. 

4. #Tokyo2020 : भारताने ऑलिम्पिकमध्ये एकूण सात पदके आणि पॅरालिम्पिकमध्ये 19 पदकांची कमाई केली. यामुळे, #Tokyo2020 गेम्स ट्विटरवर चर्चेत होते. लोकांनी गेम्समध्ये त्यांच्या आवडत्या खेळाडूंना पाठिंबा देण्यासाठी ट्विट करत भारताच्या प्रत्येक विजयाचा आनंद साजरा केला.

5. #IPL2021 : भारताच्या आवडत्या खेळांपैकी एक सर्वात प्रलंबीत कार्यक्रम - #IPL2021 चे पुनरागमन विशेष होते. COVID-19 च्या व्यत्ययांमुळे मिडवे ऑफ कॉल केल्यानंतर, #CricketTwitter ने ऑक्टोबरमध्ये दुसऱ्या टप्प्यासाठी श्वास रोखून वाट पाहिली - IPL ला महिनाभर चालणाऱ्या स्पर्धेपासून सहा महिन्यांच्या स्पर्धेत बदलले. आश्चर्याची गोष्ट नाही की, यामुळे ते भारतातील वर्षातील शीर्ष संभाषणांपैकी एक बनले.

6. #IndVEng : या वर्षी इंग्लिश मैदानावरील पाच कसोटी सामन्यांच्या मालिकेत भारताच्या रोलरकोस्टर-राइडमध्ये भारतीय क्रीडा चाहते त्यांच्या आसनांच्या टोकावर होते आणि ट्विटरवर चिकटलेले होते. मालिका संपली नसताना, शार्दुल ठाकूर (Shardul Thakur) आणि ऋषभ पंत (Rishabh Pant) यांच्या ओव्हलवरील भागीदारीमुळे भारतीय संघाने (Team India) दोन सामने जिंकले आणि भारतीय चाहत्यांना ट्विटर (Twitter) वर आनंद साजरा करण्याचे आणखी एक कारण दिले.

7. #Diwali : दिवाळी हा केवळ भारतात साजरा होणारा  मोठा सण नाही, तर तो ट्विटरवर सर्वाधिक चर्चेत असलेला सण ठरला आहे. भारतीयांनी दिवाळीची तयारी आणि आनंद  ट्विटरवर ट्विट करत त्यांच्या मित्र आणि कुटुंबीयांसोबत संपर्क साधला.

8. #Master : तमिळ सिनेमा मास्टर ट्विटरवर वर्चस्व गाजवत चित्रपट ठरला आहे. #Master हा चित्रपट 2020 मधील सर्वाधिक चर्चेत असलेला चित्रपट बनला आणि 2021 मध्ये प्रदर्शित झाल्यानंतरही त्याचा ट्विटर ट्रेंड कायम राहिला. अभिनेता विजय (@actorvijay) च्या चित्रपटाला यावर्षी पुन्हा एकदा ट्विटरवर चाहत्यांकडून भरभरुन प्रेम मिळाले. 2021 च्या सर्वाधिक ट्विट केलेल्या हॅशटॅगच्या यादीत त्याचे स्थान आहे.

9. #Bitcoin : या वर्षी ट्विटरवर क्रिप्टोकरन्सी आणि डिजिटल मालमत्तेशी संबंधित संभाषणाला गती मिळाली. Twitter हे क्रिप्टो संदर्भातील संभाषणासाठी व्यासपीठ बनले. #Bitcoin ने वर्षातील सर्वाधिक वापरलेल्या गेलेल्या ट्विटच्या यादीत स्थान मिळवले आहे.

10. #PermissionToDance : दक्षिण कोरियाच्या (South Korea) बॉय बँड बीटीएस (BTS) च्या या गाण्याला जगभरातील चाहत्यांकडून भरभरुन प्रेम मिळाले. कोरियन पॉप (K-Pop) हा सध्या अधिकाधिक लोकप्रिय संगीत प्रकार बनत आहे आणि भारतासह जगभरातील चाहत्यांच्या हृदयावर आणि चार्टवर राज्य करत आहे.

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha