एक्स्प्लोर
Advertisement
![metaverse](https://cdn.abplive.com/imagebank/metaverse-top.png)
190 किलो वजनाच्या दहा वर्षीय चिमुरड्या आर्यवर शस्त्रक्रिया
![190 किलो वजनाच्या दहा वर्षीय चिमुरड्या आर्यवर शस्त्रक्रिया 10 Year Old Indonesian Boy Weighs 190 Kg Due To Junk Food Addiction Latest News 190 किलो वजनाच्या दहा वर्षीय चिमुरड्या आर्यवर शस्त्रक्रिया](https://static.abplive.com/wp-content/uploads/sites/4/2017/05/25102358/Indonesia-boy-190-kg.jpg?impolicy=abp_cdn&imwidth=1200&height=675)
जकार्ता : जंक फूड आणि आहाराच्या वाईट सवयींमुळे तुमच्या चिमुरड्यांवर काय परिणाम होऊ शकतो, याचा विचार करण्याची वेळ आली आहे. इंडोनेशियामधील अवघ्या दहा वर्षांच्या चिमुरड्याचा लठ्ठपणा प्रमाणाबाहेर वाढला आहे. आर्यचं वजन थोडं-थोडकं नव्हे, तर तब्बल 190 किलो झालं आहे. आर्यवर शस्त्रक्रिया करण्यात आली.
सॉफ्ट ड्रिंक्स आणि नूडल्ससारखे अरबट-चरबट पदार्थ खाण्याचा नाद, मुख्य म्हणजे जंक फूड खाण्याचा पोरांचा हट्ट पुरवण्याची पालकांची सवयच आर्यच्या अंगलट आली आहे. दिवसातून पाचवेळा भात, नूडल्स आणि मांस खाऊनही आर्यची भूक भागत नसल्याचं पालकांच्या लक्षात आलं आणि त्यांनी डॉक्टरांकडे धाव घेतली.
गलेलठ्ठ आर्यला पाहून डॉक्टरही अवाक झाले. त्यांनी आर्यसाठी सक्तीचा डाएट प्लान आखून दिला. मात्र त्यांचे हे प्रयत्न व्यर्थ ठरले, कारण चिमुरड्याचं वजन जराही कमी झालं नाही. अखेर पोटाचा ढेर कमी करण्यासाठी त्यांनी शस्त्रक्रियेचा पर्याय निवडला.
सर्जरीनंतर आर्यचं वजन 16 किलोंनी कमी झालं. नंतरच्या कालावधीत हे वजन आणखी दोन किलोंनी घटलं आहे. वर्षभरात आर्यचं वजन शंभर किलोच्या आत आणण्याचा डॉक्टरांचा मानस आहे. भूकेशी संबंधित हार्मोन्सवर नियंत्रण मिळवल्याने त्याची भूक आटोक्यात येईल, अशी आशा डॉक्टरांना आहे.
आर्यवर मेक्सिकोमध्ये उपचार सुरु आहेत. जगातील सर्वात लठ्ठ पुरुष असलेल्या जुआन पेड्रो फ्रँको याच्यावरही मेक्सिकोतच शस्त्रक्रिया झाली होती. काहीच महिन्यांपूर्वी जगातील तत्कालीन सर्वात लठ्ठ महिला इमान अहमदवरही मुंबईत सर्जरी झाली होती.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
क्राईम
नाशिक
भारत
क्रिकेट
Advertisement
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)
सिद्धेश ताकवलेप्रतिनिधी
Opinion