Video Viral : इथे ओशाळली माणुसकी..! अपघातानंतर तो विव्हळत रस्त्यावर पडला होता, लोकांनी पाहिली गंमत, पण मदतीस कोणीही नाही

Video Viral : माणुसकी खरोखरच ओशाळली आहे का? हा व्हिडीओ पाहिल्यानंतर नेटकऱ्यांकडून तीव्र संताप व्यक्त होतोय.

Video Viral marathi news man got accident in aurangabad

Video Viral : जर एखादी व्यक्ती संकटात (Humanity) असेल तर त्याला मदत केली पाहिजे. हीच माणुसकी आहे. आजच्या काळात माणुसकी ओशाळली आहे का? असा प्रश्न निर्माण होतो. लोक एकमेकांना मदत करू इच्छित नाहीत. माणसाला वेदना होत असतील तरी लोक त्याच्याकडे दुर्लक्ष करतात. ही मानवतेला लज्जास्पद बाब आहे. आजकाल असाच एक व्हिडीओ (Viral Video) सोशल मीडियावर (Social Media) व्हायरल होत आहे, जो पाहिल्यानंतर तुम्ही नक्कीच म्हणाल, की माणुसकी खरोखरच ओशाळली आहे. हा व्हिडीओ पाहिल्यानंतर नेटकऱ्यांकडून तीव्र संताप व्यक्त होतोय.

 

India: Man gets crushed in accident. No one stops to help pic.twitter.com/Fr2JgIO7RX

— CrimeReportIndia (@CrimeReportInd1) December 7, 2022

 

तो वेदनेने विव्हळत रस्त्यावर पडला होता... त्याच्या मदतीला कोणीही आले नाही
याबाबत माहिती अशी की, एका व्यक्तीचा रस्त्यावर अपघात झाला. त्याला एका कारने जोरदार धडक दिली, त्यामुळे तो खाली पडला. यानंतर त्यांची प्रकृती खूपच खराब झाली. तो वेदनेने विव्हळत रस्त्यावर पडलेला होता, पण त्याला मदत करायला कोणीही थांबले नाही, काही सेकंदात अनेक वाहने निघून गेली, पण तो जिवंत आहे की मेला? हे तपासण्यासाठी कोणीही थांबले नाही, 

माणुसकीला लाजवेल असा हा व्हिडीओ 

व्हायरल व्हिडीओमध्ये तुम्ही पाहू शकता की बरीच वाहने जात आहेत, त्यादरम्यान दोन लोक रस्ता ओलांडण्याचा प्रयत्न करत आहेत. दरम्यान, एक वेगवान मिनी ट्रक येतो आणि एका व्यक्तीला जोरदार धडक दिल्यानंतर त्याच वेगाने निघून जातो. त्यानंतर तो व्यक्ती रस्त्यावर पडतो, आजूबाजून वाहने जातात, परंतु कोणीही त्याला मदत करण्यास थांबले नाही, कोणीही त्याला दवाखान्यात नेण्याची तसदी घेतली नाही, परिणामी त्याचा वेदनेने मृत्यू झाला.

माणुसकीला काळीमा फासणारी ही घटना
माणुसकीला काळीमा फासणारी ही घटना महाराष्ट्रातील औरंगाबाद जिल्ह्यातून समोर येत आहे. हा व्हिडीओ पाहिल्यानंतर तुमचे मन हेलावून जाईल. त्याचा व्हिडीओ सोशल मीडियावर मोठ्या प्रमाणात व्हायरल होत आहे. ट्विटरवर व्हायरल झालेला हा व्हिडीओ आतापर्यंत हजारो वेळा पाहिला गेला आहे.

इतर बातम्या