![metaverse](https://cdn.abplive.com/imagebank/metaverse-top.png)
WhatsApp लवकरच नवीन आकर्षक फीचर्स लॉन्च करणार, काय खास असणार?
व्हॉट्सअॅपकडून लवकरच यूजर्सना अॅपचा कलर बदलण्याचं आकर्षक फीचर मिळणार आहे. या फीचरद्वारे यूजर चॅट बॉक्सचा आणि टेक्स्टचा रंग बदलू शकतील.
![WhatsApp लवकरच नवीन आकर्षक फीचर्स लॉन्च करणार, काय खास असणार? these whatsapp features may be launch soon whatsapp WhatsApp लवकरच नवीन आकर्षक फीचर्स लॉन्च करणार, काय खास असणार?](https://feeds.abplive.com/onecms/images/uploaded-images/2021/05/30/4b0663d5ca9cf14204f63641a0f39f3e_original.jpg?impolicy=abp_cdn&imwidth=1200&height=675)
जगातील सर्वात लोकप्रिय मेसेजिंग अॅप व्हॉट्सअॅप सध्या आपल्या नवीन प्रायव्हसी पॉलिसीवरून वादात अडकलं आहे. दरम्यान व्हॉट्सअॅप यूजर्ससाठी अनेक उत्तम फीचर्स लॉन्च करण्याच्या तयारीत आहे. व्हॉट्सअॅपचे हे नवीन फीचर्स चॅटिंगचा अनुभव आकर्षक बनवू शकतात. सध्या या फीचर्सची टेस्टिंग घेण्यात येत असून येत्या काही आठवड्यात हे यूजर्ससाठी उपलब्ध करुन देण्यात येणार आहे. या नवीन फीचर्सवर एक नजर टाकूया.
अॅपचा रंग बदलणे शक्य होणार
लवकरच व्हॉट्सअॅपकडून यूजर्सना अॅपचा कलर बदलण्याचं आकर्षक फीचर मिळणार आहे. या फीचरद्वारे यूजर चॅट बॉक्सचा आणि टेक्स्टचा रंग बदलू शकतील. यामुळे चॅटिंगचा अनुभव आणखी चांगला होणार आहे. हे फीचर टेस्टिंग मोडमध्ये आहे आणि लवकरच सुरू केले जाऊ शकते. याशिवाय व्हॉट्सअॅपकडून वेळोवेळी इमोजी आणि स्टिकर्स अपडेट केले जातात.
चॅटिंगमध्ये मिळणार स्टिकर्सचं सजेशन
व्हॉट्सअॅपने आणखी एक चांगले फीचर लॉन्च करण्याची तयारी केली आहे, ज्याचा वापर करून चॅट दरम्यान यूजर स्टिकर वापरू शकतील. सोप्या भाषेत, जेव्हा यूजर्स चॅटिंग दरम्यान एखादं वाक्य लिहितील तेव्हा व्हॉट्सअॅपकडून त्यानुसार स्टिकरचं सजेशन मिळेल. त्यामुळे शब्दांऐवजी स्टिकर पाठवून चॅटिंग आणखी आकर्षक बनवू शकाल.
'या' फीचर्सवर काम सुरु
व्हॉट्सअॅप इतर अनेक फीचर्सवरही काम करत आहे, जे यूजर्ससाठी खूप उपयुक्त ठरतील. व्हॉट्सअॅप लवकरच एक फीचर लॉन्च करण्याच्या तयारीत आहे, ज्याद्वारे यूजर्स त्यांच्या अकाऊंटमधून लॉग आउट करू शकतील. तसेच एकाच वेळी एकाहून अधिक डिव्हाइसवर व्हॉट्सअॅप वापरता येईल.
इतर महत्त्वाच्या बातम्या
- कमाल आहेत WhatsApp चे हे तीन फिचर्स, तुम्ही पाहिले का?
- गूगल पुढच्या महिन्यात Google Photos सेवा बंद करणार, तुमचे खास फोटो डाऊनलोड करुन घ्या
- Smartphones : 20 हजारपेक्षा कमी किमतीचे लेटेस्ट 5G स्मार्टफोन, पाहा किंमत आणि स्पेसिफिकेशन्स
- ज्या कंपन्या स्वतःला सोशल मीडिया मानत नाही त्यांनी यामागील कारण द्या, असे मंत्रालयाकडून विचारण्यात आले आहे.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)