Sanjay Gaikwad:...तरीही ज्या शिवभक्तांच्या भावना दुखावल्या त्यांची मी दिलगिरी व्यक्त करतो; वादग्रस्त विधानावर संजय गायकवाड यांची दिलगिरी
Sanjay Gaikwad: आमदार संजय गायकवाड यांनी केलेल्या वादग्रस्त विधानावर दिलगिरी व्यक्त करत विरोधक माझ्या शब्दाच्या अर्थाचा अनर्थ करत असल्याचे सांगत आपल्या वादग्रस्त विधानावर स्पष्टीकरण दिलं आहे.
Sanjay Gaikwad अकोला : त्रिभाषा सूत्राच्या प्रश्नावर शिवसेनेचे आमदार संजय गायकवाड (Sanjay Gaikwad) यांनी छत्रपती संभाजी राजे व छत्रपती शिवराय यांच्या बद्दल असभ्य शब्दांचा वापर करून प्रतिक्रिया दिली होती. यामुळे संपूर्ण राज्यात शिवभक्तांच्या भावना दुखावून वाद निर्माण झाला होता. त्यावर आज संजय गायकवाड यांनी दिलगिरी व्यक्त करत विरोधक माझ्या शब्दाच्या अर्थाचा अनर्थ करत असल्याचे सांगत आपल्या वादग्रस्त विधानावर स्पष्टीकरण दिलं आहे.
....तर मी माझे शब्द मागे घेतो व मी दिलगिरी व्यक्त करतो
माझ्या शब्दाचा अर्थाचा अनर्थ विरोधकांनी केला, मी शिवभक्त असून माझं शिवप्रेम संपूर्ण जगाला माहिती आहे. त्यामुळे माझ्या वाक्याचा अनर्थ झाल्यामुळे ज्या शिवभक्तांची भावना दुखावली असेल तर मी माझे शब्द मागे घेतो व मी दिलगिरी व्यक्त करत आहे असं म्हणत आमदार संजय गायकवाड यांनी दिलगिरी व्यक्त केली आहे.
संजय गायकवाड काय बरळले?
यावेळी बोलताना संजय गायकवाड म्हणाले की, "तुम्हाला जगात टिकायचं असेल तर सगळ्या भाषा शिकल्या पाहिजेत. संभाजी महाराजांनी 16 भाषा शिकल्या, मग ते काय मूर्ख होते का? छत्रपती शिवाजी महाराज, ताराराणी, येसुबाई सगळ्यांनीच हिंदीसह अनेक भाषा शिकल्या, ते लोक काय मूर्ख होते का? भाषेवरुन असे वाद करणे, मतांचं राजकारण करणं चुकीचं आहे."
मुंबईत राज ठाकरे आणि उद्धव ठाकरे हे एकत्र आल्यानंतर त्यांच्यावर टीका करताना शिंदेंच्या शिवसेनेचे आमदार संजय गायकवाड यांची जीभ घसरली. मराठी भाषेच्या मुद्द्यावर बोलताना आणि ठाकरेंवर टीका करताना त्यांनी छत्रपती संभाजीराजे आणि शिवरायांबद्दलही अपशब्द वापरले. संजय गायकवाड यांच्या या वक्तव्यानंतर विरोधी पक्षातून आणि विविध स्तरातून त्यांच्यावर टीका केली जात आहे. दरम्यान, पहिल्यांदा बरळल्यानंतर आता संजय गायकवाड यांनी त्यावर सारवासारव करण्याचा प्रयत्न केला.
संजय गायकवाड यांच्या प्रतिमात्मक फोटोला चपलेने मारलं, डोंबिवलीत मनसे आक्रमक
शिवसेना शिंदे गटाचे आमदार संजय गायकवाड यांच्या वक्तव्यानंतर डोंबिवलीत मनसे आक्रमक झाली आहे. डोंबिवली पूर्वेतील इंदिरा चौकात मनसे पदाधिकारी , कार्यकर्त्यांनी संजय गायकवाड यांच्याविरोधात आंदोलन केलं. यावेळी संजय गायकवाड यांच्या प्रतिमात्मक फोटोला गाढवाचे तोंड लावून चपलेने मारत फोटोला जोडे मारत आंदोलन केलं. खऱ्या अर्थाने सत्ताधाऱ्यांनी संजय गायकवाड यांचा राजीनामा घेतला पाहिजे अशी मागणी देखील यावेळी महाराष्ट्र नवनिर्माण सेनेच्या कार्यकर्त्यांनी केली त्याचबरोबर महापुरुषांबद्दल अपमानास्पद वक्तव्य केल्यास संजय गायकवाड यांना डोंबिवलीत फिरू देणार नाही डोंबिवलीत आला तर त्यांच्या गाड्या फोडणार असा इशारा देखील मनसेने दिला.
ही बातमी वाचा:
महत्त्वाच्या बातम्या
