मला शत्रूकडून अपेक्षाच नाही, माझ्यासाठी माझे दिलदार दोस्तच पुरेसे, विशाल पाटलांचं संजयकाकांना प्रत्युत्तर

तदान प्रक्रिया पार पडल्यानंतर आणि निकालाची उत्सुकता असताना या दोन नेत्यांच्या एकमेकांवरील आरोपाच्या सत्रामुळे सांगलीचे वातावरण अजूनही तापलेलं दिसून येत आहे.

Vishal Patil- Sanjay Kaka Patil

सांगली : सांगली लोकसभा निवडणुकीच्या (Sangli Lok Sabha Election) मतदानानंतर भाजपचे उमेदवार संजयकाका पाटील (Sanjay Kaka Patil)  आणि अपक्ष उमेदवार विशाल पाटील (Vishal Patil) यांची एकमेकांवर टीका-टिप्पणी सुरुच आहे. दुसरीकडे दोघांनीही आपल्याच विजयाचा दावा केलाय. मात्र हा दावा करत असताना दोघांनीही एकमेकांवर टीका करण्याची संधी सोडली नाही. कपटी मित्रापेक्षा दिलदार शत्रू कामाला आला, असं संजयकाका पाटील म्हणाले होते. त्यावर आम्ही विरोधकांकडून अपेक्षा ठेवत नाही कारण माझा दोस्त दिलदारच आहे, असं उत्तर विशाल पाटील यांनी दिलं.  त्यामुळे मतदान प्रक्रिया पार पडल्यानंतर आणि निकालाची उत्सुकता असताना या दोन नेत्यांच्या एकमेकांवरील आरोपाच्या सत्रामुळे सांगलीचे वातावरण अजूनही तापलेलं दिसून येत आहे.

सहानभुतीच्या जोरावर निवडणूक खेळता येते पण केवळ सहानभुतीवर लोक मतदान करत नाहीत असे म्हणत सांगलीचे महायुतीचे उमेदवार संजय काकांनी अपक्ष उमेदवार विशाल पाटील यांना टोला लगावला होता. यावर विशाल पाटील यांनी  मावळते खासदार म्हणून संजय काका पाटलांचा उल्लेख करत संजय काका पाटील महिन्याभरापासून वैफल्यग्रस्त होते. त्याचा राग मतदानानंतर देखील अधिकच वाढलेला दिसून येतोय असं म्हणत संजयकाका पाटील यांना आपला पराभव दिसू लागलाय असे विशाल पाटील यांनी म्हटले आहे.  

संजयकाका पाटील, विशाल पाटलांकडून विजयी होण्याचा दावा 

कपटी मित्रापेशा दिलदार शत्रू कामाला आला असे म्हणत आपल्याला जिल्ह्यातील काही नेत्यांनी मदत केल्याचं एक प्रकारे संजयकाकानी बोलताना मान्य  केले होते. यावर बोलताना विशाल पाटील म्हणाले,   काही लोकाकडून आम्ही या निवडणुकीत कुठलीही अपेक्षा ठेवलेली नाही. आम्ही विरोधकांकडून अपेक्षा ठेवत नाही कारण  माझा दोस्तच दिलदार आहे, त्यामुळे मला शत्रूकडे बघायला लागत नाही.  शत्रूकडून अपेक्षा ठेवावी लागत नाही.  माझे दिलदार मित्र हे माझ्या मदतीला येणार होते आणि आलेले आहेत हे तुम्हाला चार तारखेला दिसेल.  आमची ही दोस्ती तुटायची नाही हे आम्ही स्पष्ट सांगितलेलं आहे. ही  आमची एकीची एक्सप्रेस मला दिल्लीला घेऊन जाईल. माझं विमान दिल्लीला आमचे पायलट विश्वजित कदम यांनी लँड केलेलं आहे. 

संजयकाका वैफल्यग्रस्त झाले आहेत,  विशाल पाटील

तसेच संजयकाका एवढे वैफल्यग्रस्त झालेले आहेत की ते आता काँग्रेसच्या नेत्यांवर सुद्धा टीका करू लागलेले आहेत असेही विशाल पाटील म्हणालेत. 

हे ही वाचा :