सांगली : विक्रीला ठेवलेल्या फ्रीजमधील सिलिंडरचा स्फोट अन् क्षणात अवघं कुटुंब उद्ध्वस्त, हसत्या खेळत्या कुटुंबाचा सत्यानाश

Sangli Fire: सुरुवातीच्या काळात कमी प्रमाणात वाटणारी आग आसपासच्या लोकांनी विझवण्याचा प्रयत्न केला. परंतु, बघता बघता या आगीने रौद्र रूप धारण केले होते

Sangli Fire

सांगलीच्या विट्यात इलेक्ट्रॉनिक साहित्य विक्री करणार्‍या दुकानात फ्रिजच्या सिलेंडरचा स्फोट झाला.

या भीषण दुर्घटनेत एकाच कुटुंबातील चौघे जागीच ठार झाल्याची घटना घडली.

यामध्ये 2 पुरूष, 1 महिला आणि एका लहान मुलीचा समावेश आहे.

या भीषण आगीत दुकानमालक विष्णू पांडुरंग जोशी (वय 47), त्यांची पत्नी सुनंदा विष्णू जोशी (वय 42), मुलगी प्रियांका योगेश इंगळे (वय 25) आणि नात सृष्टी योगेश इंगळे ( वय 2) या चौघांचा होरपळून मृत्यू झाला.

दुकानमालक मयत विष्णू पांडुरंग जोशी यांचे विट्यात जुना वासुंबे रस्त्यावर स्टिल व इलेक्ट्रॉनिक साहित्य विक्रीचे दुकान आहे.

खाली दुकान असून मयत हे पहिल्या मजल्यावर राहण्यास होते. कुटुंबातील मनीष जोशीचे लग्न अवघ्या सहा दिवसांनी म्हणजे 16 तारखेला होते.

दुकानात विक्रीसाठी ठेवलेल्या फ्रिजमधील सिलेंडरचा अचानक स्फोट झाला.

स्फोट इतका भीषण होता की यामध्ये संपूर्ण इमारत जळून खाक झाली.

या घटनीची माहिती मिळताच अग्नीशमन दलाने घटनास्थळी धाव घेतली.

परंतु यामध्ये चौघांना होरपळून मृत्यू झाल्याचे समोर आले. या घटनेमुळे विट्यात हळळळ व्यक्त होत आहे.