Sinhagad Road Flyover: पुण्यातील उड्डाणपुलांच्या रचनेवरून अजित पवारांचा संताप; इंजिनियर्सवर तीव्र नाराजी, दादांच्या कारकिर्दीत उभारण्यात आलेल्या पुलावरच हातोडा
Sinhagad Road Flyover: कोट्यवधी रुपये खर्च करून उभारले जाणारे हे उड्डाणपूल नेमक्या कोणाच्या जबाबदारीत येतात? रचना चुकली असेल, तर त्याला जबाबदार कोण? हा प्रश्न आज पुणेकर विचारत आहेत.
पुणे: पुण्यातील चुकलेल्या उड्डाणपुलांच्या रचनेवरून राष्ट्रवादी काँग्रेस पक्षाचे अध्यक्ष आणि राज्याचे उपमुख्यमंत्री अजित पवार (Ajit Pawar) यांनी इंजिनियर्सवर यांनी तीव्र नाराजी व्यक्त केली आहे. पुणे शहरात गेल्या काही वर्षांत उभारण्यात आलेल्या बहुतांश उड्डाणपुलांची रचना चुकीची असल्याचा आरोप होत आहे. पाटील इस्टेटचा उड्डाणपूल असो, हडपसरचा उड्डाणपूल असो, किंवा नॉन-स्टॉप उड्डाणपूल असो, या सर्व पुलांबाबत नागरिकांकडून सातत्याने तक्रारी येत आहेत. इतकंच नव्हे तर पुणे सावित्रीबाई फुले विद्यापीठासमोरील उड्डाणपूल आणि ई-स्क्वेअर चौकातील उड्डाणपूल हे देखील चुकीच्या नियोजनामुळे पाडण्याची वेळ आली होती. महत्त्वाची बाब म्हणजे हे सर्व उड्डाणपूल उपमुख्यमंत्री अजित पवार (Ajit Pawar) यांच्या कारकिर्दीतच उभारण्यात आले होते. मागील वीस वर्षांपासून अजित पवार पुणे जिल्ह्याचे पालकमंत्री आहेत, असं असताना आज या सर्व चुकांचं खापर फक्त इंजिनियर्सवर फोडलं जातंय का, असा सवाल उपस्थित केला जातोय. कोट्यवधी रुपये खर्च करून उभारले जाणारे हे उड्डाणपूल नेमक्या कोणाच्या जबाबदारीत येतात? रचना चुकली असेल, तर त्याला जबाबदार कोण? हा प्रश्न आज पुणेकर विचारत आहेत.(Pune News)
अजित पवारांनी सिंहगड पुलासंदर्भात नाराजी व्यक्त केली आहे, कारण हा पूल मेट्रो मार्गासाठी ६६ ठिकाणी तोडण्याचा प्रस्ताव आहे, ज्यामुळे पुन्हा वाहतूक कोंडी होईल. यावरून ते अधिकाऱ्यांवर संतापले आहेत आणि पुलाच्या नियोजनावर प्रश्नचिन्ह उपस्थित केले आहे. यापूर्वी याच पुलाचे उद्घाटन अजित पवारांच्या हस्ते झाले होते, पण आता मेट्रोसाठी तोडण्याच्या प्रस्तावामुळे नाराजी आहे.
Sinhagad Road Flyover: नेमकं काय प्रकरण?
पुण्यातील सिंहगड रस्त्यावरील उड्डाणपुल सप्टेंबर (Sinhagad Road Flyover) महिन्यात ११८ कोटी रुपये खर्च करुन उभारण्यात आला होता, तो आता मेट्रोच्या कामासाठी ६६ ठिकाणी तोडावा लागणार आहे. त्यासाठी २६ कोटी रुपये खर्च येणार आहे आणि पुणेकरांना पुन्हा एकदा वाहतूक कोंडीचा (Sinhagad Road Flyover) सामना करावा लागणार आहे. उड्डाणपुलाच्या आणि मेट्रोच्या कामाला एकत्रित परवानगी न घेता स्वतंत्रपणे परवानग्या देण्यात आल्याने ही वेळ ओढवली आहे. (Sinhagad Road Flyover)
पुण्यातील सिंहगड रस्त्यावर राजाराम पुल ते फन टाईम या दोन किलोमीटरच्या उड्डाणपुलाचे लोकार्पण सप्टेंबर महिन्यात मुख्यमंत्री देवेंद्र फडणवीस यांच्या हस्ते झाले. २०२१ मधे या पुलाला महापालिकेने मान्यता दिली होती. त्यावेळी या रस्त्यावर मेट्रो प्रकल्प सुरु होणार आहे का अशी विचारणा पालिकेने मेट्रोकडे केली होती. मात्र मेट्रोने त्यावेळी नकारात्मक उत्तर दिले होते. मात्र त्यानंतर काहीच दिवसांत या मार्गावर खडकवासला पर्यंत मेट्रोला परवानगी देण्यात आली. परंतु तोपर्यंत उड्डाणपुलाचे काम सुरु झाले होते. त्यामुळे आता मेट्रोचे खांब उड्डाणपुलाच्या मधोमध येणार असल्याने उड्डाणपुलाची रुंदी दोन्ही बाजुंनी एक मीटरने कमी होणार आहे. तरीही या पुलाच्या विद्युत रोषणाई साठी दीड कोटींचा खर्च करण्यात येणार आहे.(Sinhagad Road Flyover) दरम्यान, खडकवासला ते हडपसर या नियोजित मेट्रो प्रकल्पाला केंद्र सरकारने अलीकडेच मंजुरी दिली आहे. नियोजित मेट्रो मार्ग सिंहगड रस्त्यावरूनच जाणार असल्याने उड्डाणपुलाच्या दोन्ही बाजूंच्या रॅम्पमध्ये मेट्रोच्या पिलरची उभारणी करण्यात आली आहे. मात्र, उड्डाणपुलादरम्यान येणाऱ्या मेट्रो पिलरसाठी उड्डाणपूल ६६ ठिकाणी फोडला जाणार आहे. हे कामही पुढील काही महिन्यांत सुरू होणार आहे.
महत्त्वाच्या बातम्या
