Ajit Pawar: 'कोणीही कामात आडवं आलं तर त्याच्यावर 353...', अजित पवारांनी हिंजवडीतील घेतली अधिकाऱ्यांची शाळा, पहाटेच ऑन फिल्ड, नेमकं काय घडलं?
Ajit Pawar: काही दिवसांपूर्वी अजित पवारांनी हिंजवडीतील याच बांधकामांची पाहणी केली होती. त्यावेळी मेट्रो प्रशासन आणि पीएमआरडीए प्रशासनाला सुधारणा करण्याचे आदेश दिले होते.
पुणे: दोन आठवड्यानंतर पुणे जिल्ह्याचे पालकमंत्री आणि उपमुख्यमंत्री अजित पवार (Ajit Pawar) हे आज पुन्हा एकदा हिंजवडीत पाहणी दौरा करत आहेत. दोन आठवड्यापूर्वी अधिकाऱ्यांना दिलेल्या सूचनांचा पालन करत त्यांनी विकास कामांना सुरुवात केली की नाही याची त्यांनी पाहणी सुरू केली आहे. हिंजवडी परिसरातील वाहतूक कोंडी रस्ते आणि इतर नागरी समस्या बाबत अजित पवार (Ajit Pawar) आक्रमक झाल्याचं बघायला मिळतंय. त्यांनी सुचवलेल्या कामांपैकी मागील दोन आठवड्यात हिंजवडीतील वाहतूक कोंडीला कारणीभूत ठरणारे 166 बांधकामे जमीन दोस्त करत प्रशासन देखील कामाला लागल्याचे चित्र आहे.
अजित पवार पहाटेच पहाणीसाठी हिंजवडीत
उपमुख्यमंत्री अजित पवार (Ajit Pawar)पहाटेच हिंजवडीत पहाणी करण्यासाठी पोहोचले आहे. मेट्रो लाइन थ्री ची पाहणी करणार आणि सोबतच बाकी मेट्रोच्या कामाची देखील ते पाहणी करणार आहे. काही दिवसांपूर्वी अजित पवारांनी हिंजवडीतील याच बांधकामांची पाहणी केली होती. त्यावेळी मेट्रो प्रशासन आणि पीएमआरडीए प्रशासनाला सुधारणा करण्याचे आदेश दिले होते. त्या सुधारणा करण्यात आल्या आहेत का? हे पाहण्यासाठी अजित पवार पुन्हा आले आहेत. यावेळी त्यांनी पुन्हा एकदा अधिकाऱ्यांना धारेवर धरलं.
कोणीही मध्ये आलं तर त्यावर....
अजित पवारांनी पहाटेच घेतली अधिकाऱ्यांची शाळा घ्यायला सुरूवात केली. आपलं असं ठरलंय कामाच्यामध्ये कोणी आला तर त्यावर 353 दाखल करा.तो कोणीही असेल तरी करा.अजित पवार जरी मध्ये आला तरी 353 दाखल करायचा. बाकीचं कोणाचं काय ठेवायचंच नाही. 353 लावायचा कारण त्याच्याशिवाय हे काम होणार नाही. नाही प्रत्येक जण माझं हे करा माझं ते करा असं करत राहिलं,आपल्याला संपूर्ण काम करून टाकायचं आहे, असंही पुढे अजित पवारांनी म्हटलं आहे.
अजित पवारांनी सरपंचालाही सुनावलं
कामाची पाहणी करत असताच अजित पवारांनी हिंजवडीचे सरपंच गणेश जांभुळकर यांना देखील सुनावल्याचं दिसून आलं. ते सरपंच अजित पवारांशी बोलत असताना ते म्हणाले, अहो असू द्या हो असू द्या हो साहेब, धरण करताना मंदिर जातातच की नाही. तुम्हाला सांगायचं ते सांगा मी ऐकून घेतो, पण मी काय करायचं तेच करतो...आपलं वाटोळं झालंय, हिंजवडीचं सगळं आयटी पार्क बाहेर चाललाय...माझ्या पुण्यातून महाराष्ट्रातून बाहेर....बेंगलोरला हैदराबादला ...काय तुम्हाला पडलं नाही....कशाला मी सहा वाजता पाहणी करायला येतो इथं, मला कळत नाही माझी माणसं नाहीत...हे केल्याशिवाय गत्यंतर नाही... असं म्हणत उपमुख्यमंत्री अजित पवार यांनी हिंजवडीचे सरपंच गणेश जांभुळकर खडेबोल सुनावले आहेत.
महत्त्वाच्या बातम्या
