एक्स्प्लोर
एक्सप्रेस वेवरील आयआरबीचा टोल तातडीने बंद करा: विवेक वेलणकर यांची मागणी

पुणे: मुंबई-पुणे एक्स्प्रेस वेवर अपेक्षित रकमेची वसुली झाल्यानं, हा टोल तातडीनं बंद करावा अशी मागणी सामाजिक कार्यकर्ते विवेक वेलणकर यांनी केली आहे. ते आज पुण्यात एबीपी माझाशी बोलत होते. माझाशी बोलताना ते म्हणाले की, ''पुणे-मुंबई एक्स्प्रेस वेवर 2869 कोटी रुपये टोलवसुली होणं अपेक्षित होतं. त्यासाठी 2019 ची डेडलाईन आयआरबीला देण्यात आली होती. मात्र ही रक्कम 31 ऑक्टोबरलाच वसूल झाली आहे. त्यानंतरही पुढचे आठ दिवस आयआरबीनं बिनदिक्कत टोलवसुली केली. ज्यामुळं त्यांना अधिकच्या 7 कोटी रुपयांचा फायदा झाला. ज्याची माहिती कंत्राटदारानेच एमएसआरडीसीच्या वेबसाईटवर दिली आहे.'' त्यामुळं कंत्राटदाराला यापुढं टोलवसुलीची मुभा देणं लोकांच्या हक्कांवर आणि अधिकारांवर गदा आणण्यासारखं आहे. त्यामुळं हा टोल तातडीनं बंद करावा अशी मागणी जोर धरु लागली आहे. एक्सप्रेस-वे वरील एकूण टोल वसुली
| वर्ष | अपेक्षित टोलवसुली | प्रत्यक्ष टोलवसुली |
| 2004 | 97 कोटी रुपये | 28.5 कोटी रुपये |
| 2005 | 120 कोटी रुपये | 54.2 कोटी रुपये |
| 2006 | 101 कोटी रुपये | 61.20 कोटी रुपये |
| 2007 | 106 कोटी रुपये | 148 कोटी रुपये |
| 2008 | 132 कोटी रुपये | 187 कोटी रुपये |
| 2009 | 139 कोटी रुपये | 200 कोटी रुपये |
| 2010 | 145 कोटी रुपये | 214 कोटी रुपये |
| 2011 | 180 कोटी रुपये | 200 कोटी रुपये |
| 2012 | 189 कोटी रुपये | 275 कोटी रुपये |
| 2013 | 198 कोटी रुपये | 294 कोटी रुपये |
| 2014 | 246 कोटी रुपये | 360 कोटी रुपये |
| 2015 | 258 कोटी रुपये | 433 कोटी रुपये |
| 2016 | 271 कोटी रुपये | 413 कोटी रुपये |
| 2017 | 335 कोटी रुपये | |
| 2018 | 352 कोटी रुपये | |
| एकूण | 2869 कोटी रुपये | 2867 कोटी रुपये |
आणखी वाचा
महत्त्वाच्या बातम्या
महाराष्ट्र
राजकारण
राजकारण
राजकारण























