Pune Hit And Run: पुण्याच्या बालेवाडीत हिट अँड रन; सात वर्षीय मुलाचा मृत्यू, आजोबा अन् छोटा भाऊ जखमी, चालक फरार
Pune Hit And Run: काल (बुधवारी) घडलेल्या अपघात प्रकरणी रात्री उशिरा गुन्हा दाखल झाला आहे. बावधन पोलीस फरार चालकाचा शोध घेत आहेत.
पुणे: पुण्याच्या बालेवाडी परिसरात हिट अँड रनची (Hit And Run) घटना घडल्याची माहिती समोर आली आहे. या अपघातात सात वर्षीय मुलाचा (Death) दुर्दैवी मृत्यू झाला आहे. तर पाच वर्षीय भाऊ आणि आजोबा जखमी झाले आहेत. अपघातानंतर टेम्पो चालक फरार झाला आहे. अनुराग चांदमारे असं मृत्यू झालेल्या मुलाचं नाव होतं. तर पाच वर्षीय भाऊ अभिनव चांदमारे आणि आजोबा बंडू वावळकर यांच्यावर उपचार सुरु आहेत. बुधवारी घडलेल्या अपघात प्रकरणी रात्री उशिरा गुन्हा दाखल झाला आहे. बावधन पोलीस फरार चालकाचा शोध घेत आहेत. (Hit And Run)
Hit And Run: काही दिवसांपूर्वी हिंजवडीमध्ये डंपरच्या धडकेत बापलेकीची ताटातूट, लेकीचा मृत्यू
हिंजवडी आयटी परिसरात अवजड वाहनांच्या अपघातांचे सत्र सुरूच आहे. सोमवारी दि.१७ दुपारी डम्परच्या धडकेत चाकाखाली चिरडल्याने हिंजवडीतील एका २० वर्षीय युवतीचा दुर्दैवी मृत्यू झाला. तन्वी सिद्धेश्वर साखरे (वय २०, रा. फ्लॅट नं. ०४, मुक्तानंद हाइट्स, गावठाण रस्ता, हिंजवडी) असे अपघातात मृत्यू झालेल्या तरुणीचे नाव आहे. डंपरचालक अजय अंकुश ढाकणे (वय २०, रा. जांबे) याला पोलिसांनी ताब्यात घेतले.
मृत तरूणी तन्वी ही आपल्या वडिलांसोबत दुचाकीवरून (एमएच- १४, केव्ही- ३८८३) जांबे येथील आर-१६, कोलते पाटील, न्यू सर्कल परिसरातून मारुंजीच्या दिशेला जात होती. यावेळी पाठीमागून आलेल्या डंपरच्या धडकेत (एमएच- १४, एचयू- ९८५५) चाकाखाली येऊन तन्वीचा मृत्यू झाला. अपघातात तिचे वडील जखमी झाले आहेत. मिळालेल्या माहितीनुसार, तन्वी फॅशन डिझायनरचा कोर्स करत होती. तिला एक लहान बहीण असून, वडिलांचा टूर्स अँड ट्रॅव्हल्सचा व्यवसाय आहे. (Hinjewadi Accident News)
Hit And Run: अपघात झाल्यानंतर डंपर चालक हा फरार झाला
आयटी नगरी हिंजवडी परिसरात वारंवार होणाऱ्या अपघातामुळे नागरिकांचा संताप वाढतोय, बेदरकारपणे चालवल्या जाणाऱ्या एका डंपर खाली वीस वर्षे तरुणी तन्वी साखरे हीचा चिरडून नाहक बळी गेला, हा अपघात झाल्यानंतर डंपर चालक हा फरार झाला होता मात्र सायंकाळच्या सुमारास फरार आरोपी अजय ढाकणे याला पोलिसांनी बेड्या ठोकले या अपघातानंतर आता हिंजवडी पोलिसांना जाग आली असून पोलिसांकडून डंपर असेल किंवा रेडमी मिक्स वाहनांवर कडक कारवाई सुरू केली आहे,वारंवार होणाऱ्या या अपघातांच्या मालिकेला हिंजवडीतील रस्ते वाहतूक कोंडी आणि कोणते निर्बंध नसलेले जड वाहनाच्या वाहतूक नेमका याला कोण कारणीभूत आहे या सगळ्या प्रश्नांकडे पिंपरी चिंचवड पोलीस दलातील वाहतूक विभागाकडून का लक्ष दिला जात नाही अशा अनेक प्रश्न या निमित्ताने उभे राहिलेत(Hinjewadi Accident News)
महत्त्वाच्या बातम्या
