Guillain-Barre Syndrome outbreak in Pune : गाव धोक्यात आहे, पाहणी केल्याशिवाय पळून जावू नका; संतप्त ग्रामस्थांचा केंद्रीय पथकाला घेराव घालत आक्रोश
Guillain-Barre Syndrome outbreak in Pune : नागरिकांनी घेराव घालत गावातील लहान मुलांचा जीव धोक्यात असून पाण्याची पाहणी करा, अशी मागणी लावून धरली. गाव धोक्यात पळून जावू नका, पाहणी करा अशी मागणी केली.
Guillain-Barre Syndrome outbreak in Pune : गुइलेन-बॅरे सिंड्रोमचा (GBS) पुण्यात उद्रेक झाल्याने (Guillain-Barre Syndrome outbreak in Pune) जिल्ह्यातील बाधित गावांचा आक्रोश सुरु आहे. आज (29 जानेवारी)बाधित गावांची पाहणी करण्यासाठी गेल्यानंतर पाहणी न करताच परतून जात असलेल्या केंद्रीय पथकाला बाधित झालेल्या गावातील गावकऱ्यांनी घेराव घालत एकच आक्रोश केला. यावेळी गावकऱ्यांनी बाधित झालेल्या पाणवठ्यांची पाहणी करा, म्हणत प्रश्नांची सरबत्ती केली.
गाव धोक्यात पळून जावू नका, पाहणी करा
जीबीएस फैलाव मोठ्या प्रमाणात झाल्याने पुण्याच्या मध्यवर्ती भागातही शिरकाव झाला आहे. नांदेडमधील नागरिकांनी घेराव घालत गावातील लहान मुलांचा जीव धोक्यात असून पाण्याची पाहणी करा, अशी मागणी लावून धरली. गाव धोक्यात पळून जावू नका, पाहणी करा अशी मागणी केली. यावेळी मनपा पथकासमवेत मनपा कर्मचारी होते. दरम्यान, गावकऱ्यांनी घेराव घालताच केंद्रीय पथकातील अधिकाऱ्यांनी आमच्याकडे आता काहीच माहिती नसून माहिती घेतल्यानंतर सविस्तरपणे सांगू अशी प्रतिक्रिया दिली. दरम्यान, 9 जानेवारी रोजी पुण्यातील रूग्णालयात दाखल झालेल्या रूग्णाची चाचणी GBS पॉझिटिव्ह आली, ही पहिलीच केस होती. पुण्यातील सक्रिय रुग्णांची संख्या शंभरी पार गेली आहे.त्यापैकी 19 रुग्ण हे 9 वर्षांपेक्षा कमी वयाचे आहेत. 50-80 वयोगटातील 23 रुग्ण आहेत.
केंद्राने महाराष्ट्राच्या मदतीसाठी टीम पाठवली
केंद्र सरकारने जीबीएसच्या बाबतीत मदत करण्यासाठी एक उच्चस्तरीय तज्ज्ञ टीम पाठवली आहे. आरोग्य मंत्रालयाने 7 सदस्यांची टीम पाठवली आहे. एजन्सीच्या म्हणण्यानुसार, संशोधन आणि इतर विभागातील तज्ज्ञ पथके काम करत आहेत.
बॅक्टेरिया हे सिंड्रोमचे मुख्य कारण
दुसरीकडे, सिंड्रोमचा पहिला रुग्ण 9 जानेवारी रोजी आढळला होता. त्याच्या नमुन्यांमध्ये कॅम्पिलोबॅक्टर जेजुनी बॅक्टेरिया असल्याचे चाचण्यांमधून समोर आले. हा जीवाणू जगभरातील एक तृतीयांश GBS प्रकरणांमध्ये आढळला आहे. जीबीएसच्या वाढत्या प्रकरणांच्या पार्श्वभूमीवर अधिकाऱ्यांनी रविवारी पुण्यात पाण्याचे नमुने घेतले होते. येथे कॅम्पिलोबॅक्टर जेजुनी बॅक्टेरिया सापडल्याबद्दल कोणतीही माहिती नाही. पुण्यातील मुख्य जलसाठा असलेल्या खडकवासला धरणाजवळील विहिरीत ई कोलाय या जीवाणूची पातळी खूप जास्त असल्याचे त्यांनी सांगितले. विहिरीचा वापर सुरू आहे की नाही हे स्पष्ट नाही. अधिकाऱ्यांनी लोकांना पाणी उकळून प्यावे आणि थंड अन्न खाणे टाळावे असा सल्ला दिला आहे. फक्त गरम अन्न खा, असेही आवाहन करण्यात आलं आहे. आरोग्य विभागाच्या म्हणण्यानुसार आतापर्यंत 25,578 घरांचे सर्वेक्षण करण्यात आले आहे. साधारणत: एका महिन्यात फक्त 2 जीबीएस रुग्णांची नोंद होते. तथापि, अचानक ही संख्या वाढली आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
