एक्स्प्लोर

Devendra Fadnavis: उद्धव ठाकरेंनी मोदींवर टीका करणं म्हणजे सूर्याकडे थोबाड करुन थुंकण्याचा प्रकार; सोलापुरात पाऊल ठेवताच देवेंद्र फडणवीस कडाडले

Maharashtra Politics: पंतप्रधान नरेंद्र मोदी यांनी सध्या महाराष्ट्रात सभांचा धडाका लावला आहे. आज आणि उद्या या दोन दिवसांत मोदी महाराष्ट्रात एकूण सहा सभा घेणार आहेत. राम सातपुते यांच्या प्रचारासाठी सोलापूरमध्ये सभा.

Written By : आफताब शेख, एबीपी माझा | Edited By: Rohit Dhamnaskar | Updated at : 29 Apr 2024 12:13 PM (IST)

Devendra Fadnavis slams Uddhav Thackeray at Solapur before PM Modi rally Devendra Fadnavis: उद्धव ठाकरेंनी मोदींवर टीका करणं म्हणजे सूर्याकडे थोबाड करुन थुंकण्याचा प्रकार; सोलापुरात पाऊल ठेवताच देवेंद्र फडणवीस कडाडले

Uddhav Thackeray & Devendra Fadnavis

Source : Uddhav Thackeray & Devendra Fadnavis \ Facebook

सोलापूर: उद्धव ठाकरे यांनी पंतप्रधान मोदी यांच्यावर टीका करणे म्हणजे सूर्याकडे थोबाड करुन थुंकण्याचा प्रकार आहे, अशी जळजळीत टीका राज्याचे उपमुख्यमंत्री देवेंद्र फडणवीस यांनी केली. पंतप्रधान नरेंद्र मोदी (PM Modi) आज भाजपचे उमेदवार राम सातपुते यांच्या प्रचारासाठी सोलापूरमध्ये येणार आहेत. या सभेपूर्वी देवेंद्र फडणवीस (Devendra Fadnavis) आणि चंद्रशेखर बावनकुळे यांचे सोलापूरमध्ये आगमन झाले. सोलापूरमध्ये पाऊल ठेवताक्षणीच देवेंद्र फडणवीस यांनी आक्रमक भाषेत उद्धव ठाकरे (Uddhav Thackeray) यांच्यावर हल्ला चढवला.

पंतप्रधान मोदींनी सोलापूरमध्ये आले पाहिजे, अशी लोकांची इच्छा होती. त्यानुसार आम्ही मोदींना विनंती करताच त्यांनी आज सोलापूरमध्ये सभा दिली. मोदी सोलापूरमध्ये येणार असल्याने या परिसरात प्रचंड उत्साह आहे. आजची सभा खूप भव्य होणार आहे, असा विश्वास देवेंद्र फडणवीस यांनी व्यक्त केला.

उद्धव ठाकरे फक्त तोंडातून वाफ काढतात, त्यांचं भाषण मी जसंच्या तसं म्हणून दाखवेन; देवेंद्र फडणवीसांचा टोला

फडणवीसांची उद्धव ठाकरेंवर जोरदार टीका

नरेंद्र मोदी आणि भाजपला मत म्हणजे विनाशाला आमंत्रण असे वक्तव्य उद्धव ठाकरे यांनी रत्नागिरीच्या सभेत केले होते. याविषयी देवेंद्र फडणवीस यांना विचारले असता त्यांनी म्हटले की, उद्धव ठाकरे यांना उत्तर द्यायची आम्हाला गरज नाही. कारण, देश पंतप्रधान मोदींनी केलेला विकास पाहत आहे. उद्धव ठाकरे यांनी त्यांनी केलेलं विकासाचं एक काम सांगावे. संपूर्ण जीवनात उद्धव ठाकरेंनी एकतरी विकासकाम केलेले मला दाखवावे. अडीच वर्षे उद्धव ठाकरे मुख्यमंत्रीपदी होते, पण त्यांनी विकासाचं कुठलंच काम केले नाही. त्यामुळे उद्धव ठाकरे यांनी मोदींबद्दल बोलणे म्हणजे सूर्याकडे थोबाड करुन थुंकण्याचा प्रकार आहे, असे फडणवीस यांनी म्हटले. संजय राऊत ही व्यक्ती कोण आहे, ते मला माहिती नाही. पण ठाकरेंनी ते म्हणजे महाराष्ट्र आहे, या मानसिकतेमधून बाहेर आलं पाहिजे, असे देवेंद्र फडणवीसांनी म्हटले.

तसेच ठाकरेंकडून भाजपकडून सुरु असलेल्या धार्मिक प्रचाराबाबत केलेल्या टीकेविषयीही फडणवीसांना विचारण्यात आले. आम्ही 'राम राम' करतो याचा शिवसेनेला इतका राग का येतो? भारतामध्ये 'राम राम' करायचे नाहीतर पाकिस्तानात करायचे का? आम्ही 'राम राम' म्हणणारच, असेही फडणवीसांनी ठणकावून सांगितले. यावर आता उद्धव ठाकरे काय प्रत्युत्तर देतात, ते पाहावे लागेल.

आणखी वाचा

मोदीजी मंगळसूत्राचं महत्त्व तुम्हाला कधीपासून कळायला लागलं? : उद्धव ठाकरे

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 29 Apr 2024 12:13 PM (IST)

Tags :

Solapur News PM Modi Rally Devendra Fadnavis Devendra Fadnavis PM Modi Uddhav Thackeray #uddhav Thackeray