Ajit Pawar : लाईट बील तर भरायचा प्रश्नच नाही, पण आता आकडे टाकायचं बंद करा, मेहरबानी करा; अजितदादांचे आवाहन

Ajit Pawar, काटेवाडी  : "लाईट बील तर भरायचा प्रश्नच नाही, पण आता आकडे टाकायचं बंद करा, मेहरबानी करा. कनेक्शन वगैरे व्यवस्थित घ्या. आज बिरोबा मंदिरात गेलो तेव्हा एकजणाने सांगितलं,"

Photo Credit - abp majha reporter

Source : ABPLIVE AI

Ajit Pawar, काटेवाडी  : "लाईट बील तर भरायचा प्रश्नच नाही, पण आता आकडे टाकायचं बंद करा, मेहरबानी करा. कनेक्शन वगैरे व्यवस्थित घ्या. आज बिरोबा मंदिरात गेलो तेव्हा एकजणाने सांगितलं, ट्रान्सफॉर्मर बघा मी ते अधिकाऱ्यांना दाखवलं. सर्व गोष्टी सुरक्षित कशा राहितील यासाठी आपण प्रयत्न केले पाहिजेत", असे आवाहन उपमुख्यमंत्री अजित पवार (Ajit Pawar) यांनी केले. ते बारामतीमध्ये (Baramati) बोलत होते. 

मी अधिकाऱ्यांच्या संपर्कात आहे, उजनी धरण 90 टक्के भरले आहे

अजित पवार म्हणाले, पाऊस पडतो आहे. मी अधिकाऱ्यांच्या संपर्कात आहे. उजनी धरण 90 टक्के भरले आहे. नदी काठी आम्ही लक्ष देऊन आहोत. लोकांचे कसे नुकसान होणार नाही याची खबरदारी घेतो. डॉक्टर आणि कर्मचारी यांचे हे निवासस्थान इथे होणार आहे. खूप मोठा निधी केंद्र आणि राज्य सरकार कडून आणतो आहे. लाडकी बहिण योजना सगळ्या महिलांसाठी आहे. फक्त त्यांचे उतपन्न अडीच लाखांच्या आत पाहिजे.

आपण खराब पाणी रोखण्यासाठी प्रयत्न करतो आहे

शेतकऱ्यांचे वीज बिल माफ केलं. एका वर्षानंतर शेतकऱ्यांना दिवसा लाईट देण्याचा आमचा प्रयत्न आहे. काही जण आमच्यावर टीका करतात हा चुनावी जुम्ला आहे, पण हे खोटं आहे. इथे पाण्याचा प्रश्न आहे. दोन जिल्ह्याचे खराब पाणी येत. त्यासाठी आपण खराब पाणी रोखण्यासाठी प्रयत्न करतो आहे. मोठा निर्णय घ्यायचा म्हटलं तर कारखाने बंद करावे लागतील. सरकारमध्ये नसतो तर वीज माफी करता आले नसती. अनेक घटकांना न्याय देण्याचा प्रयत्न आम्ही करतोय. दुधाला 5 रूपये अनुदान द्यायचा निर्णय घेतला आहे. आम्ही विद्यार्थी आणि विद्यार्थ्यना आधार लिंक केलं तर 5 लाख विद्यार्थी बोगस होते, असंही अजित पवार यांनी स्पष्ट केलं. 

आम्ही फाशीची मागणी केली होती पण राष्ट्रपती यांनी मागणी मान्य केली नाही

पुढे बोलताना अजित पवार म्हणाले, दुधात भेसळ केली जाते. काहींनी सांगितले की या विरोधात कडक कायदा आणा. 
आम्ही फाशीची मागणी केली होती पण राष्ट्रपती यांनी मागणी मान्य केली नाही. दूध भेसळ करणाऱ्यांवर आम्ही मोका लावणार. मी महाराष्ट्र दौऱ्यावर निघालो आहे. मी फक्त विकासाच्या मुद्द्यावर बोलणार आहे. फाफट पसारा सांगणार नाही, पण आता कोण कुणाला ढेकूण म्हणत आहेत. एकमेकांचे कपडे काढायचं बाकी ठेवतात. सत्ताधारी आणि विरोधकांनी लक्ष घालण्याची गरज आहे.

इतर महत्वाच्या बातम्या