एक्स्प्लोर
तक्रार केल्याने पोलिसाचा संताप, मित्राच्या अंगावर गाडी घातली
ठाणे : पोलिसाची तक्रार करणं ठाण्यातील एका युवकाला चांगलंच महागात पडलं आहे. आर्थिक वादानंतर संबंधित तरुणाने तक्रार केल्यामुळे चिडलेल्या पोलिसाने चक्क आपली गाडीच त्याच्या अंगावर घातली. सुदैवाने तक्रारदार या हल्ल्यातून बचावला आहे. मित्रासोबत झालेल्या बाचाबाचीनंतर पोलिस कॉन्स्टेबलनं चक्क त्याच्या अंगावर गाडी घातली. मुंबई पोलिसांच्या स्पेशल क्राईम ब्रांचचे कॉन्स्टेबल रमेश आवटे यांनी अतुल पेठे यांना सरळ आपल्या गाडीखाली घातलं. 21 एप्रिलला ठाण्यातील पाचपाखाडी भागातल्या प्रशांत कॉर्नरच्या बाहेर घडलेली ही घटना सीसीटीव्हीत कैद झाली आहे. आवटेंनी पेठेंच्या अंगावर इनोव्हा घातली, मात्र पेठेंनी तात्काळ गाडीच्या बॉनेटवर झेप घेतल्यामुळे ते बचावले. यानंतर काही अंतर फरफटत गेलेल्या पेठेंना समोरुन येणाऱ्या एका भरधाव ट्रकनं चिरडलं असतं, मात्र लोकांनी आरडाओरडा केल्यानं पेठे थोडक्यात बचावले. पेठे यांचा आईस्क्रिमचा व्यवसाय असून आयपीएस परीक्षेची तयार करतात. पेठे आणि आवटे जुने मित्र असून आवटेनं पेठेंच्या आईकडून 3 लाख रुपये उधार घेतले होते. मात्र ही उधारी चुकवण्यास आवटेंनी नकार दिल्यानं त्यातून हा वाद घडला होता. यासंदर्भात नौपाडा पोलीस ठाण्यात गुन्हा दाखल करण्यात आला असून अजूनही या पोलिस कर्मचाऱ्याला अटक झालेली नाही.
Before You Go
Special Report Milk Rate Increased : दुधाच्या विक्री दरात दोन रुपयांची वाढ;११ ऑगस्टपासून नवे दर लागू
महत्त्वाच्या बातम्या
मुंबई
राज्यभरात विश्रांती घेतलेल्या पावसाची पुन्हा तीव्रता वाढणार; कुठेकुठे मान्सून सक्रिय होणार, A टू Z माहिती
मुंबई
तुकाराम मुंढे आता दारू आणि बिअरमधील भेसळ रोखणार; दारुच्या चवी संदर्भात मद्यपींचा मध्यरात्री FDA ला कॉल
मुंबई
व्यापाऱ्याचं कुटुंब संपवण्याचा प्लॅन, घरातील नोकरानेच कट रचला, पण चांगलाच फसला; इमारतीतील सुरक्षा रक्षकाची हत्येत चौघांना अटक
मुंबई
मनोज जरांगेंनंतर आता नरेंद्र पाटीलही आक्रमक; मराठा युवकांच्या जात प्रमाणपत्रावरुन अधिकाऱ्यांवर संताप
उमेश अलोणे, एबीपी माझा, अकोला
Opinion
