शिवसेना-भाजप युतीसाठी मी पुढाकार घेईन: आठवले

मुंबई: 'शिवसेना आणि भाजपने एकत्र येऊन अडीच-अडीच वर्ष महापौर पद वाटून घ्यावं. तसेच इतर समितीची पदंही दोघांनी वाटून घ्यावी. त्यामुळे शिवसेना-भाजप युतीसाठी मी पुढाकार घेईन.' असं केंद्रीय राज्यमंत्री रामदास आठवले म्हणाले. मी मुख्यमंत्री आणि उद्धव ठाकरेंना युतीसाठी आवाहन करणार आहे. तसेच भाजपच्या यशात आमचा मोठा वाटा आहे. असंही सांगायला आठवले विसरले नाही. दरम्यान, यावेळी बोलताना आठवलेंनी त्यांच्या शैलीत या सर्व राजकीय परिस्थितीवर एक कविताही केली. 'भाजपने केली कमाल, आता सेनेसोबत युती करून दोघांनी करावी धम्माल.' मुंबई महापालिकेत कुणाही एका पक्षाला सत्ता मिळाली नसल्यामुळे सत्तेचं त्रांगडं झालं आहे. त्यामुळे शिवसेना आणि भाजपकडून सत्तेसाठी जोरदार प्रयत्न सुरु झाले आहेत. मुंबईत शिवसेनेला पाठिंबा द्यायचा की नाही याबद्दल आज भाजपच्या कोअर कमेटीची बैठक होणार आहे. त्यानंतर युतीचा निर्णय घेतला जाईल. तर आज रात्री 10 वाजता मुख्यमंत्र्यांच्या ‘वर्षा’ या निवासस्थानी भाजप नेत्यांची बैठक होईल. या बैठकीला रावसाहेब दानवे,  सुधीर मुनगंटीवार, चंद्रकांत पाटील, आशिष शेलार उपस्थित राहणार आहेत. मुंबईत शिवसेनेसोबत युती करायची की महापौरपदावर दावा कायम ठेवायचा याविषयी बैठकीत रणनिती ठरणार आहे. तर शिवसेनेच्या वतीनं उद्या दुपारी 4 वाजता शिवसेना भवनात बैठक होणार आहे. संबंधित बातम्या: युती होणार का? आशिष शेलार म्हणतात… राज ठाकरेंच्या ‘सात’ची ‘साथ’ शिवसेनेला की भाजपला? तिसरा अपक्ष नगरसेवक शिवसेनेच्या गळाला, संख्याबळ 87 युतीबाबत अजून विचार केलेला नाही, उद्धव ठाकरेंचं स्पष्टीकरण

महापौरपदासाठी आक्रमक राहा, भाजपच्या दिल्ली मुख्यालयाचा मुंबईत फोन नोटाबंदीच्या निर्णयानंतरचा भाजपचा देशातला सातवा विजय सेना-भाजपला एकत्र येण्याशिवाय पर्याय नाही : गडकरी ‘सामना’तील लिखाणामुळेच शिवसेना-भाजपमध्ये दरी : गडकरी मुख्यमंत्र्यांनी दूत पाठवले, आमिषं दाखवली, पण मी शिवसैनिक : सुधीर मोरे