![ABP Premium](https://cdn.abplive.com/imagebank/Premium-ad-Icon.png)
सोमय्या पितापुत्रांना पोलिसांचं समन्स; आज हजर राहण्याचे निर्देश, राऊतांच्या आरोपानंतर सोमय्यांची चौकशी
Kirit Somaiya News Update : भाजप नेते किरीट सोमय्या आणि त्यांचे पुत्र नील सोमय्या यांना पोलीस ठाण्यात हजर राहण्याचं समन्स पोलिसांनी बजावलं आहे.
![सोमय्या पितापुत्रांना पोलिसांचं समन्स; आज हजर राहण्याचे निर्देश, राऊतांच्या आरोपानंतर सोमय्यांची चौकशी Police summons kirit Somaiya neil somaiya Instructed to be present today in mumbai police interrogation of Somaiya after Raut's allegation सोमय्या पितापुत्रांना पोलिसांचं समन्स; आज हजर राहण्याचे निर्देश, राऊतांच्या आरोपानंतर सोमय्यांची चौकशी](https://feeds.abplive.com/onecms/images/uploaded-images/2022/04/07/f54cb7c881289d546dd4ba981ea5a6cc_original.jpg?impolicy=abp_cdn&imwidth=1200&height=675)
Kirit Somaiya News Update : भाजप नेते किरीट सोमय्या आणि त्यांचे पुत्र नील सोमय्या यांना पोलीस ठाण्यात हजर राहण्याचं समन्स पोलिसांनी बजावलं आहे. आयएनएस विक्रांत बचावसाठी जमवलेल्या निधीप्रकरणी सोमय्या यांच्याविरोधात मुंबईतल्या ट्रॉम्बे पोलीस ठाण्यात गुन्हा दाखल करण्यात आला आहे. या प्रकरणात पोलिसांनी सोमय्या पितापुत्रांना समन्स बजावलं आहे. आज सकाळी 11 वाजता दोघांनाही पोलीस ठाण्यात हजर राहण्यास सांगण्यात आलं आहे. संजय राऊतांच्या आरोपानंतर सोमय्यांची चौकशी होणार आहे.
आयएनएस विक्रांतला वाचवण्यासाठीच्या मोहिमेत किरीट सोमय्यांनी 58 कोटी रुपये गोळा केले, राजभवनात जमाही केले नाहीत असा संजय राऊत यांचा आरोप आहे. यासंदर्भात किरीट सोमय्या म्हणाले होते की, आधी 58 कोटी रुपये गोळा केल्याचा पुरावा द्या, मी तर फक्त प्रतिकात्मक आंदोलन केलं. 35 मिनिटांत इतकी रक्कम कशी काय जमा होऊ शकते असा सवालही त्यांनी केला. मात्र त्यानंतर खासदार संजय राऊत यांनी सोमय्या यांच्या जुन्या ट्वीटचा आधार घेत 58 कोटींचा आरोप आता 140 कोटी रुपयांवरही नेऊन ठेवला आहे, असं म्हटलं होतं.
त्यामुळे आता या सगळ्या आरोपांचं नेमकं काय होणार, किरीट सोमय्या यांच्याविरोधात एफआयआर तर दाखल झाली असून आज पोलिस स्थानकात उपस्थित राहण्याचे आदेश ट्रॉम्बे पोलिसांनी दिले आहेत. पण ही एफआयआर ऐकीव माहितीच्या आधारावर असल्याचं सोमय्यांचं म्हणणं आहे. त्यामुळे या सगळ्या आरोपांतून आता पुढचं नाट्य कुठल्या दिशेने जाणार, पुढची लढाई कोर्टात लढली जाणार का, सोमय्यांना अटक होणार का या सगळ्या प्रश्नांची उत्तरं अजून बाकी आहेत.
पोलिसांनी दाखल केलेला एफआयआर हास्यास्पद
मुंबई पोलिसांनी दाखल केलेला माझ्याविरोधातील एफआयआर हा हास्यास्पद असल्याचे किरीट सोमय्या यांनी म्हटले. एका नागरिकाने वृत्तपत्रातील बातमीच्या आधारे ही तक्रार नोंदवली. त्यामध्ये कोणताही पुरावा नसल्याचे सांगितले. पोलिसांनी माझ्यावरील गुन्हा सिद्ध करावा असे आव्हान त्यांनी दिले.
संबंधित बातम्या :
सोमय्या म्हणतात, INS Vikrant साठी प्रतिकात्मक निधी जमवला, नेटकऱ्यांकडून 140 कोटींची जुनी पोस्ट व्हायरल
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)