एक्स्प्लोर

निवडणूक निकाल २०२४

(Source: ECI/ABP News/ABP Majha)

मुंबईकरांनो पाणी जपून वापरा, 'या' दोन दिवशी दहा टक्के पाणी कपात

Mumbai News Update : 9 मार्च 2023 रोजी सकाळी 10 वाजल्यापासून 11 मार्च 2023 रोजी सकाळी 10 वाजेपर्यंत मुंबईत 10 टक्के पाणी कपात होणार आहे.

By : वेदांत नेब | Edited By: धनाजी सुर्वे | Updated at : 04 Mar 2023 09:37 PM (IST)

Mumbai News Update 10 percent water cut in Mumbai from March 9 to March 11 मुंबईकरांनो पाणी जपून वापरा, 'या' दोन दिवशी दहा टक्के पाणी कपात

File Photo

Mumbai News Update : मुंबईकरांसाठी अतीशय महत्वाची बातमी आहे. 9 मार्च 2023 रोजी सकाळी 10 वाजल्यापासून 11 मार्च 2023 रोजी सकाळी 10 वाजेपर्यंत 10 टक्के पाणी कपात होणार आहे. बृहन्मुंबई महानगरपालिकेने याबाबतची माहिती दिली आहे.

ठाणे येथील कोपरी पुलाजवळ ठाणे महानगरपलिकेतर्फे नवीन पुलाचे काम सुरु आहे. त्यामुळे बृहन्मुंबई महानगरपालिकेच्या 2,345 मिलीमीटर व्यासाच्या ‘मुंबई 2’ जलवाहिनीला हानी पोहोचून पाणी गळती होत असल्याचे निदर्शनास आले आहे. ही गळती दुरुस्तीचे काम बृहन्मुंबई महानगरपालिकेतर्फे 9 मार्च 2023 रोजी सकाळी 10 वाजल्यापासून 11 मार्च 2023 रोजी सकाळी 10 या कालावधीत हाती घेण्यात येणार आहे. या दुरुस्ती कामामुळे या कालावधीत बृहन्मुंबई महानगरपालिका हद्दीतील पूर्व उपनगरे आणि शहर विभागातील काही परिसरात 10 टक्के पाणी कपात करण्यात येणार आहे. त्यामुळे या दोन दिवसांत मुंबईकरांना पाणी जपून वापरावं लागणार आहे. दुरूस्तीच्या कामामुळे पाणीपुरवठा बंद केला जाईल. यामुळे शहराच्या काही भागात कमी दाब निर्माण होऊ शकतो.

दरम्यान, यापूर्वी 2 आणि 3 मार्च रोजी देखील मुंबईतील काही भागात पाणीकपात करण्यात आली होती. यामध्ये भांडुप, विक्रोळी, कांजूरमार्ग, घाटकोपर (पश्चिम), पवई, लाल बहादूर शास्त्री मार्ग, रमाबाई आंबेडकर नगर, शास्त्री नगर, सुभाष नगर, आंबेवाडी, सर्वोदय नगर येथे पाणी कपात करण्यात आली होती. त्यानंतर आता 9 मार्च 2023 रोजी सकाळी 10 वाजल्यापासून 11 मार्च 2023 रोजी सकाळी 10 वाजेपर्यंत 10 टक्के पाणी कपात होणार आहे.