मुंबईत वांद्रे-वरळी सी-लिंकवर विचित्र अपघात; टोलनाक्यावर रांगेत उभ्या असलेल्या गाड्यांना मागून आलेल्या भरधाव गाडीची धडक, तिघांचा मृत्यू, 6 ते 7 जखमी

मुंबईतील वरळी-वांद्रे समुद्र सेतू अर्थात वरळी-वांद्रे सी लिंक हा मुंबईतील महत्त्वाच्या मार्गांपैकी एक. याच मार्गावर गुरुवारी रात्री विचित्र अपघात घडला. सहा वाहनांची एकमेकांना धडक बसल्यामुळे हा अपघात झाला आहे.

Mumbai Bandra Worli Sea Link Accident

Mumbai See Link Accident: मुंबईतील (Mumbai News) वांद्रे-वरळी सी-लिंकवर (Bandra - Worli Sea Link) मोठा अपघात झाला. वांद्रे-वरळी सी-लिंकवरील टोलनाक्यावर रांगेत उभ्या असलेल्या गाड्यांना मागून भरधाव वेगात आलेल्या गाडीनं जोरदार धडक दिली. चार गाड्यांच्या अपघातात तीन जणांचा मृत्यू झाला असून 12 जण जखमी झाल्याची माहिती मिळत आहे. जखमींना उपचारांसाठी रुग्णालयात दाखल करण्यात आलं आहे. दरम्यान, याप्रकरणी पोलिसांकडून अधिक चौकशी सुरू आहे.  

मुंबईतील (Mumbai Accident Updates) वरळी-वांद्रे समुद्र सेतू अर्थात वरळी-वांद्रे सी लिंक (Bandra - Worli Sea Link Accident) हा मुंबईतील महत्त्वाच्या मार्गांपैकी एक. याच मार्गावर गुरुवारी रात्री विचित्र अपघात घडला. सहा वाहनांची एकमेकांना धडक बसल्यामुळे हा अपघात झाला आहे. यामध्ये तीन जणांचा मृत्यू झाला असून सहाजण गंभीर जखमी झाले आहेत. जखमींवर मुंबईतील भाभा रुग्णालय आणि लिलावती रुग्णालयात उपचार सुरू आहेत.

नेमकं काय घडलं? 

वरळीहून (Worli) वांद्र्याच्या दिशेनं भरधाव वेगात इनोव्हा कार जात होती. इनोव्हा कारमधून सहा प्रवासी प्रवास करत होते. ही इनोव्हा कार सर्वात आधी सी-लिंकवर मर्सिडीज गाडीला धडकली. त्यानंतर सुसाट वेगानं तिथून निघून गेली. पुढे जाऊन या कारनं वांद्रे सीलिंकवरील टोलनाक्यावर टोल भरत असलेल्या इनोव्हा आणि क्विड गाडीला पाठीमागून जोरदार धडक मारली. इनोव्हा गाडीच्या पाठोपाठ होंडा सिटी कारनंही इनोव्हा गाडीला धडक देत, वांद्रा-वरळी सी लिंकवरील टोल नाका 11 आणि 10 वरुन जाणाऱ्या टॅक्सिला धडक दिली. अचानक झालेल्या विचित्र अपघातामुळे सर्वजण पुरते घाबरले होते. 

वांद्रे वरळी सी लिंकवर झालेल्या विचित्र अपघातानंतर तात्काळ टोलनाक्यावर उपस्थित कर्मचारी आणि पोलिसांच्या मदतीनं सर्व जखमींना जवळच्या रुग्णालयात नेण्यात आलं. तिथे तीन जणांना मृत घोषित करण्यात आलं. अपघातात हनिफ पिर, ,हमाबीबी पिर ,खतीजा हटिया या तिघांचा मृत्यू झाला आहे. तर, असीम सदर, ,हजरा सदर, बीबी सदर, राजश्री दवे, राकेश दवे, अशी जखमींची नावं आहेत. अद्याप सर्व जखमींची नावं कळू शकलेली नाही. सर्व जखमींवर मुंबईतील रुग्णालयांत उपचार सुरू आहेत. दरम्यान, याप्रकरणी पोलीस अधिक तपास करत असून चौकशी सुरू आहे.