Maharashtra Cabinet Meeting : केंद्राच्या UPS च्या धर्तीवर राज्य कर्मचाऱ्यांसाठी सुधारित पेन्शन योजना, राज्य मंत्रिमंडळाच्या बैठकीत 19 मोठे निर्णय

Maharashtra Cabinet Meeting : महाराष्ट्राच्या राज्यमंत्रिमंडळाच्या बैठकीत केंद्राच्या यूपीएसच्या धर्तीवर सुधारित राष्ट्रीय पेन्शन योजना राज्य कर्मचाऱ्यांना लागू करण्याचा निर्णय घेण्यात आला आहे.

एकनाथ शिंदे

Source : एबीपी माझा

मुंबई : मुख्यमंत्री एकनाथ शिंदे यांच्या अध्यक्षतेखाली आज झालेल्या राज्य मंत्रिमंडळाच्या बैठकीत विविध महत्त्वाचे निर्णय घेण्यात आले. सह्याद्री राज्य अतिथीगृह येथे झालेल्या या मंत्रिमंडळ बैठकीस उपमुख्यमंत्री देवेंद्र फडणवीस, उपमुख्यमंत्री अजित पवार यांच्यासह मंत्रिमंडळातील सदस्य उपस्थित होते. केंद्र सरकारनं काल कॅबिनेट बैठकीत केंद्रीय कर्मचाऱ्यांसाठी यूनिफाइड पेन्शन योजना लागू केली. ती योजना 1 एप्रिल 2025 पासून लागू होणार आहे. त्याच पार्श्वभूमीवर महाराष्ट्रात देखील राज्य सरकारी कर्मचाऱ्यांना केंद्राप्रमाणं सुधारित राष्ट्रीय निवृत्तीवेतन योजना लागू करण्यात येणार आहे. शेतकऱ्यांना दिवसा अखंडित वीज दिली जाणार आहे.  गटप्रवर्तकांच्या मानधनात चार हजार रुपयांची वाढ करण्यात आली आहे. 

मंत्रिमंडळ बैठकीतील निर्णय (संक्षिप्त) :

1)राज्य सरकारी कर्मचाऱ्यांना केंद्राप्रमाणे सुधारित राष्ट्रीय निवृत्तीवेतन योजना लागू करण्यात येणार आहे. मार्च 2024 पासून अंमलबावणी सुरु होईल. लाखो कर्मचाऱ्यांना याचा फायदा होणार आहे. 

2)राज्यातील जास्तीत- जास्त शेतकऱ्यांना दिवसा अखंडित वीज देणार. योजनेची व्याप्ती वाढवली

3)गटप्रवर्तकांच्या मानधनात ४ हजारांची भरीव वाढ

4)ऑलिंपिकवीर स्व. पै.खाशाबा जाधव कुस्ती संकुलाच्या कामास वेग देणार

5)थकीत देण्यांसाठी महावितरण कंपनीस कर्जाकरिता शासन हमी

6)पर्यायी खडकवासला फुरसुंगी बोगदा काढणार. पुणे परिसरास सिंचन, पिण्यासाठी अधिक पाणी उपलब्ध होणार

7)नार-पार-गिरणा नदी जोड प्रकल्प. ७ हजार १५ कोटीस मान्यता. नाशिक, जळगाव जिल्ह्याला सिंचनाचा मोठा फायदा

8)सहकारी साखर कारखान्यांना शासन हमीवरील कर्ज परतफेडीसाठी संपूर्ण संचालक मंडळावर जबाबदारी

9)शासकीय कर्मचाऱ्यांच्या बदल्या ३० ऑगस्टपर्यंत
 
10)ज्येष्ठ नागरिकांसाठी महामंडळ. सव्वा कोटी ज्येष्ठांना लाभ

11)ठाणे येथील महत्वाकांक्षी क्लस्टर योजनेसाठी #महाप्रित ५ हजार कोटी निधी उभारणार

12) 'बार्टी' च्या 'त्या' ७६३ विद्यार्थ्यांना अधिछात्रवृत्तीचा संपूर्ण लाभ

13)मुंबई महानगरात रखडलेल्या झोपडपट्टी पुनर्वसन योजना झपाट्याने पूर्ण करणार. विविध महामंडळे प्रकल्प राबविणार

14)कोल्हापूरचे वारणा विद्यापीठ समूह विद्यापीठ

15)कळंबोली येथील पशुवैद्यकीय रुग्णालयासाठी भाडेपट्टा, सेवाशुल्क माफ

16)चिपळूण, रामटेक, इचलकरंजी येथील जमिनीच्या आरक्षणात फेरबदल

17)श्रीमंत उदयनराजे भोसले यांच्या सरंजाम जमिनींना देण्यात आलेली सूट वंशपरंपरेने त्यांच्या वारसांना

18)पाचोऱ्यातील सहकारी सूत गिरणीस शासन अर्थसहाय्य

19)सहकार भवनासाठी सायन येथील म्हाडाची जमीन

इतर बातम्या :