टीम इंडियाचे माजी कर्णधार अजित वाडेकर यांचं निधन

भारताला परदेशात कसोटी मालिका जिंकून देणारे पहिले कर्णधार अजित वाडेकर यांचं दीर्घ आजारानं आज मुंबईतल्या जसलोक रुग्णालयात निधन झालं. ते 77 वर्षांचे होते.

मुंबई : भारताला परदेशात कसोटी मालिका जिंकून देणारे पहिले क्रिकेट कर्णधार अजित वाडेकर यांचं दीर्घ आजाराने निधन झालं. मुंबईतल्या जसलोक रुग्णालयात बुधवारी रात्री त्यांची प्राणज्योत मालवली. वयाच्या  77 व्या वर्षी वाडेकरांनी अखेरचा श्वास घेतला. अजित वाडेकर यांच्या नेतृत्त्वात भारताने 1971 साली वेस्ट इंडिज आणि इंग्लंड दौऱ्यात कसोटी मालिका जिंकण्याचा पराक्रम गाजवला होता. अजित वाडेकर यांच्या पश्चात पत्नी रेखा वाडेकर, दोन मुलं आणि भाऊ असा परिवार आहे. वाडेकरांच्या पार्थिवावर उद्या (शुक्रवारी) मुंबईत अंत्यसंस्कार होणार असल्याची माहिती त्यांचे भाऊ अशोक वाडेकर यांनी दिली. अजित वाडेकर यांची दोन्ही मुलं सध्या परदेशात आहेत. त्यामुळे ती परतल्यानंतरच त्यांच्यावर अंत्यसंस्कार करण्यात येतील. अजित वाडेकर यांचा अल्पपरिचय अजित वाडेकर यांचा जन्म 1 एप्रिल 1941 रोजी मुंबईत झाला. आपल्या मुलाने गणितात शिक्षण घेऊन, इंजिनिअर व्हावं, अशी अजित वाडेकरांच्या वडिलांची इच्छा होती. मात्र अजित वाडेकरांनी क्रिकेट हेच आपलं करिअर निवडलं. क्रिकेट कारकीर्द 1958 साली त्यांनी फर्स्ट-क्लास क्रिकेटमध्ये आगमन केलं, त्यानंतर 1966 साली त्यांनी आंतरराष्ट्रीय स्तरावर भारतासाठी खेळायला सुरुवात केली. 1966 ते 1974 या काळात ते आंतरराष्ट्रीय क्रिकेटमध्ये भारतासाठी खेळले. 13 डिसेंबर 1966 रोजी वेस्ट इंडिजविरुद्धच्या कसोटीतून त्यांनी पदार्पण केलं होतं. या पहिल्या सामन्यात त्यांनी आठ धावा केल्या होत्या. तेव्हाच्या वेस्ट इंडिज संघासमोर भारताचा या सामन्यात सहा विकेट्सने पराभव झाला होता. अजित वाडेकर यांनी 37 कसोटी सामन्यांमधील 71 डावांमध्ये 2113 धावा केल्या. 143 ही त्यांची सर्वोच्च खेळी आहे. या धावांमध्ये एक शतक आणि 14 अर्धशतकांचा समावेश आहे. तर दोन वन डे सामन्यांमध्ये त्यांच्या नावावर 73 धावा असून 67 ही सर्वोच्च खेळी आहे. ‘आक्रमक फलंदाज’ म्हणून वाडेकरांची ओळख होती. अजित वाडेकर त्यांच्या कारकीर्दीत तिसऱ्या क्रमांकावर फलंदाजीसाठी उतरत. ‘सर्वोत्कृष्ट स्लिप फिल्डर’ म्हणूनही त्यांनी आपली वेगळी ओळख निर्माण केली होती. परदेशात भारताला पहिली कसोटी मालिका जिंकून देणारे कर्णधार म्हणजे अजित वाडेकर. शिवाय भारताचे ते पहिले वन डे कर्णधार होते. कसोटी कारकीर्द - सामने – 37 - धावा – 2113 - शतक – 1 - अर्धशतकं - 14 सन्मान भारत सरकारने अजित वाडेकर यांना 1967 साली क्रीडा क्षेत्रातील सर्वोच्च पुरस्काराने अर्थात 'अर्जुन पुरस्कारा'ने गौरवलं, तर 1972 साली 'पद्मश्री' पुरस्काराने गौरवलं. अजित वाडेकरांना दिग्गजांकडून आदरांजली राष्ट्रपती रामनाथ कोविंद

Sad at the passing of Ajit Wadekar, one of Indian cricket’s finest left-handed batsman and captain during the iconic overseas test victories in 1971 in the Caribbean and England. Condolences to his family and to the cricket fraternity #PresidentKovind

— President of India (@rashtrapatibhvn) August 15, 2018

पंतप्रधान नरेंद्र मोदी

Ajit Wadekar will be remembered for his rich contribution to Indian cricket. A great batsman & wonderful captain, he led our team to some of the most memorable victories in our cricketing history. He was also respected as an effective cricket administrator. Pained by his demise.

— Narendra Modi (@narendramodi) August 15, 2018

मुख्यमंत्री देवेंद्र फडणवीस

Shocked to hear about the demise of Former Captain of the Indian Cricket Team Shri Ajit Wadekar! We lost a great cricket player, first Indian captain to achieve overseas wins, aggressive batsman and an all rounder. My deepest condolences to his family, friends and fans! pic.twitter.com/IENDsoEmfe

— Devendra Fadnavis (@Dev_Fadnavis) August 15, 2018

शरद पवार

भारतीय क्रिकेट संघाच्या विजयी सीमोल्लंघनाचे कर्ते कर्णधार अजित वाडेकर काळाच्या पडद्याआड गेले. जागतिक पातळीवर भारताच्या क्रीडा अस्तित्वाची यशस्वी मोहर उमटवणारा क्रिकेटविश्वाचा उमदा तारा निखळला. त्यांचे कर्तृत्व अजरामर राहील. अजित वाडेकर यांना भावपूर्ण श्रद्धांजली!

— Sharad Pawar (@PawarSpeaks) August 15, 2018

नितीन गडकरी (केंद्रीय मंत्री) :

Sad to hear about demise of former Indian Cricket team captain Ajit Wadekar. May his soul rest in peace.

— Nitin Gadkari (@nitin_gadkari) August 15, 2018

सुरेश प्रभू (केंद्रीय मंत्री) :

Sad to know of passing away of Ajit Wadekar, India’s successful crcket captain,after a prolonged illness. He led India to 1st-ever series wins in WI,Eng.His batting,leadership will always fondly remembered.Share grief with all cricket https://t.co/WnTgsQ14kN Shanti Om

— Suresh Prabhu (@sureshpprabhu) August 15, 2018

क्रिकेटपटू वीरेंद्र सेहवाग :

A rare Cricketer, Captain, Coach, Manager and Chairman of Selectors - a truly great servant of Indian Cricket. Heartfelt condolences to family and loved ones. Om Shanti Ajit Wadekar Sir ???????? pic.twitter.com/67UVcvJUK9

— Virender Sehwag (@virendersehwag) August 16, 2018

क्रिकेटर इरफान पठाण :

Deeply saddened by the demise of an iconic Indian cricketer Ajit Wadekar ji. Thoughts with his family and close ones. May his soul rest in peace.

— Irfan Pathan (@IrfanPathan) August 15, 2018

क्रिकेटर सुरेश रैना :

Extremely saddened by the news that former Indian cricket captain #AjitWadekar is no more. He led India to many historic victories! My condolences to the friends & family! RIP Sir, you will always be missed!

— Suresh Raina (@ImRaina) August 15, 2018

पंकजा मुंडे (ग्रामविकास मंत्री, महाराष्ट्र) :

My heartfelt condolences on sad demise of Indian cricket legend Ajit Wadekar, leaving behind a very fine legacy of overseas test victories for India. @BCCI

— PankajaGopinathMunde (@Pankajamunde) August 15, 2018

संग्रहित व्हिडीओ : जेव्हा अजित वाडेकर शेवटचे मैदानात उतरले होते...

संग्रहित व्हिडीओ (मे 2016) : माजी क्रिकेटर अजित वाडेकर यांच्या पंचाहत्तरीनिमित्त गौरवसोहळ्याचं आयोजन करण्यात आलं होतं. यावेळी मुख्यमंत्री देवेंद्र फडणवीस यांच्या हस्ते त्यांचा गौरव करण्यात आला. तेव्हा वाडेकर यांनी आपल्या कसोटी कारकीर्दीची सुरुवात कशी झाली याबद्दल सांगितलं होतं. लिटल मास्टर सुनील गावसकरही यावेळी उपस्थित होती. सुनील गावसकरांनी वाडेकरांच्या नेतृत्त्वात क्रिकेटमध्ये पदार्पण केलं होतं.