BMC : मुंबई महापालिकेची अंतिम प्रभाग रचना जाहीर; नकाशा आणि लोकसंख्या... असा असेल तुमचा वॉर्ड

मुंबई महापालिकेच्या अंतिम प्रभाग रचनेची अधिसूचना आज राज्य निवडणूक आयोगाच्या वतीनं जारी करण्यात आली आहे. 

बीएमसी

मुंबई: महापालिका निवडणुकीची नवीन वॉर्ड पुनर्रचनेसंबंधी अंतिम अधिसूचना जाहीर करण्यात आली आहे. मुंबई महापालिकेच्या निवडणुकांमध्ये आता 227 ऐवजी 236 वॉर्ड असणार आहेत. या अधिसूचनेत वॉर्डच्या नवीन सीमा जाहीर करण्यात आल्या आहेत.  

राज्य निवडणूक आयोगाने एक परिपत्रक जारी केलं आहे. प्रत्येक प्रभाग कसा असेल याची सविस्तर माहिती या परिपत्रकात देण्यात आली आहे. त्यामध्ये प्रभाग क्रमांक, त्या ठिकाणची एकूण लोकसंख्या जाहीर करण्यात आली आहे. त्यामध्ये अनुसूचित जाती आणि अनुसूचित जमाती प्रवर्गाची लोकसंख्या किती आहे हे देखील सांगितलं आहे. 

नवीन प्रभाग रचना पाहण्यासाठी या लिंकवर क्लिक करा.

नव्याने वाढणाऱ्या नऊ प्रभागांपैकी तीन प्रभाग शहर भागात, तीन पश्चिम उपनगरात व तीन पूर्व उपनगरात वाढले आहेत.  शहर भागातील तीन प्रभाग हे वरळी, परळ व भायखळामध्ये,  पश्चिम उपनगरात वांद्रे, अंधेरी, दहिसरमध्ये, पूर्व उपनगरात कुर्ला, चेंबूर, गोवंडीत नवे प्रभाग आहेत. वाढीव 9 वॉर्ड पैकी 6 वॉर्ड शिवसेनेचे बालेकिल्ले समजले जातात.

 

BMC Final Ward Formation 2022@CEO_Maharashtra @MaharashtraSEChttps://t.co/qMQrtyjTXb

— माझी Mumbai, आपली BMC (@mybmc) May 13, 2022

राज्य निवडणूक आयोगाने जाहीर केलेल्या मुंबई महापालिकेच्या प्रभाग रचनेत खालीलप्रमाणे आरक्षण असेल, 
आरक्षण
 
खुला प्रवर्ग - 219
एससी -15
एसटी - 2 

महिला जागा
एकूण
खुला प्रवर्ग - 118 
एससी - 8 
एसटी - 1

मुंबईतील वाढलेल्या 9 नव्या वॉर्डची यादी
वाढीव 9 वॉर्ड पैकी 6 वॉर्ड शिवसेनेचे बालेकिल्ले आहेत तर इतर 3 वॉर्डमध्ये भाजप आमदारांचं प्राबल्य आहे. कॉग्रेस, राष्ट्रवादी आमदारांच्या विभागात मात्र नवीन वॉर्ड नाहीत.

मुंबई शहर

F south - परळमध्ये - 1 वॉर्ड वाढला - येथे आमदार शिवसेनेचे अजय चौधरी

g south - वरळीत 1 वॉर्ड वाढला - येथे आमदार शिवसेनेचे आदित्य ठाकरे

E Word - भायखळा- 1 वॉर्ड- येथे आमदार शिवसेनेच्या यामिनी जाधव 

पश्चिम उपनगर- 

R north- दहिसर - 1 वॉर्ड वाढला- भाजपच्या आमदार मनिषा चौधरी

K east आणि H east  मिळून - अंधेरी पूर्व 1 येथे वॉर्ड - येथे आमदार शिवसेनेचे रमेश लटके 

R south- कांदिवलीत 1 वॉर्ड-  आमदार भाजपचे अतुल भातखळकर 
  
पूर्व उपनगरे

L word- कुर्ला- 1 वॉर्ड - येथे शिवसेनेचे आमदार मंगेश कुडाळकर 

N word - घाटकोपर मध्ये- 1 वॉर्ड वाढला- आमदार भाजपचे पराग शहा

M east- चेंबुर- 1 वॉर्ड- -येथे आमदार शिवसेनेचे प्रकाश फातर्पेकर