मुंबई रिझर्व्ह बँक धमकी प्रकरणी तीन जण मुंबई पोलिसांच्या ताब्यात, गुजरातमध्ये मुसक्या आवळल्या
खिलाफत इंडिया या ई-मेलवरून (Khilapat India) धमकी आली होती. या ईमेलमुळे मोठी खळबळ उडाली होती.
मुंबई : रिझर्व्ह बँक (Reserve Bank OF India) धमकी प्रकरणी मुंबई पोलिसांनी (Mumbai Police) कारवाई करत तिघांना ताब्यात घेतलं आहे. तिघांनाही गुजरातमधील बडोद्यातून ताब्यात घेतलं आहे. खिलाफत इंडिया या नावाने रिझर्व्ह बँकेला ईमेल आला होता. संशयित आरोपींची कसून चौकशी सुरू आहे. खिलाफत इंडिया या ई-मेलवरून (Khilapat India) धमकी आली होती. या ईमेलमुळे मोठी खळबळ उडाली होती.
मुंबईत एकूण 11 ठिकाणी बॉम्ब ठेवल्याची धमकी देणारा एक मेल मंगळवारी दुपारी आला होता. दुपारी दीड वाजता हे बॉम्ब ब्लास्ट होणार असल्याचं त्यात म्हटलं होतं. पोलिसांनी या सर्व ठिकाणी शोधमोहीम केली असता काहीही आक्षेपार्ह आढळून आले नाही. त्यानंतर एमआरए मार्ग पोलीस ठाण्यात गुन्हा दाखल करण्यात आला आहे.यानंतर मुंबई पोलीस त्याचबरोबर गुन्हे शाखा सतर्क झाले असून आरोपींचा शोध घेण्यासाठी विविध पथक तयार केले होते. 24 तासातच मुंबई पोलिसांनी कारवाई करत तिघांना ताब्यात घेतलं आहे. सध्या आता या संशयित आरोपींची चौकशी सुरू झाली असून हा मेल का केला होता आणि त्याच्या मागचा उद्देश काय होत आहे हे मुंबई पोलिसांकडून तपास केला जात आहे.
काय आहे प्रकरण?
रिझर्व्ह बँकेच्या ऑफिशिअल मेलवर बाँब ठेवल्याची धमकी देणारा मेल आल्यानंतर एकच खळबळ उडाली होती त्यानंतर आरबीआयने पोलिसांनी याची माहिती दिली. मुंबई पोलिसांनी त्यांच्या बाँब स्कॉडच्या मदतीने शोध सुरू केला. या मेलमध्ये अनेक गोष्टी नमूद करण्यात आल्या आहेत. त्यामध्ये अर्थमंत्री निर्मला सीतारमण यांनी जगातला सर्वात मोठा भ्रष्टाचार केल्याचा आरोप करण्यात आला आहे. तसेच त्यांनी भारतीय बँकांना लुटल्याचंही म्हटलं आहे. त्यामुळे त्यांच्यावर कारवाई करण्यात यावी अन्यथा आम्ही आमचं पाऊल उचलू अशी धमकी देण्यात आली आहे. मुंबई पोलिसांनी या प्रकरणाचा तपास सुरू केला आहे. मुंबई पोलिसांच्या कंट्रोल रूममध्ये अशा प्रकारचे धमकीचे मेल आणि फोन अनेकदा येतात. पण आरबीआयच्या संदर्भात मेल आल्याने पोलिसांनी वेगाने तपास सुरू केला आहे.
हे ही वाचा:
महत्त्वाच्या बातम्या
ट्रेंडिंग न्यूज
