![metaverse](https://cdn.abplive.com/imagebank/metaverse-top.png)
Weather Update : राज्यासह देशात थंडीचा कडाका वाढला! 'या' भागात मुसळधार पावसाची शक्यता
IMD Rain Prediction : राज्यासह देशात थंडीचा कडाका वाढला आहे. तर काही ठिकाणी पावसाची शक्यता भारतीय हवामान विभागाने वर्तवली आहे.
![Weather Update : राज्यासह देशात थंडीचा कडाका वाढला! 'या' भागात मुसळधार पावसाची शक्यता weather update today imd rain prediction maharashtra madhya maharashtra vidarbh kerala tamil nadu latest marathi news Weather Update : राज्यासह देशात थंडीचा कडाका वाढला! 'या' भागात मुसळधार पावसाची शक्यता](https://feeds.abplive.com/onecms/images/uploaded-images/2023/11/20/0433ff6efea7eb89e57417f24f496b8e1700445587358322_original.jpeg?impolicy=abp_cdn&imwidth=1200&height=675)
Weather Forecast Today : बंगालच्या उपसागरात (Bay of Bengal) कमी दाबाचा पट्टा निर्माण झाल्यामुळे देशातील हवामानात (Weather Update) बदल झाला आहे. राज्यासह (Maharshtra) देशात थंडीचा कडाका (Cold Weather) वाढला आहे. तर काही ठिकाणी पावसाची शक्यता भारतीय हवामान विभागाने वर्तवली आहे. केरळ, माहे, अंदमान आणि निकोबार बेटांवर आणि तामिळनाडू, पुद्दुचेरी आणि कराईकलवरील वेगळ्या ठिकाणी लक्षणीय पावसाची नोंद झाली आहे. केरळमध्ये कोझिकोड, तिरुवनथपुरम, कोट्टायम, इडुक्की, त्रिशूर तर तामिळनाडूमध्ये नागपट्टिनम, थुथुकुडी, कराईकल या भागात आजही पावसाची शक्यता आहे.
राज्यासह देशात तापमानात घट
राज्यासह देशात थंडीचा कडाका वाढताना दिसत आहे. मध्य महाराष्ट्रासह राज्यात इतर भागात गारवा वाढला आहे. महाराष्ट्र, मराठवाडा, विदर्भातील तापमान कमालीचं घसरलं आहे. मुंबई, ठाणेसह कोकण किनारपट्टीसह गोव्यात गारठा वाढला आहे. छत्तीसगड, तेलंगणा, रायलसीमा, किनारपट्टी आंध्र प्रदेश आणि यानाम आणि अरुणाचल प्रदेशात बहुतांश ठिकाणी कमाल तापमान सामान्यपेक्षा जास्त आहे. झारखंड आणि आसाम आणि मेघालयमध्ये अनेक ठिकाणी, मध्य प्रदेश, उत्तर प्रदेश, बिहार, कर्नाटकमध्ये काही ठिकाणी तसेच जम्मू-काश्मीर-लडाख-गिलगिट-बाल्टिस्तान-मुझफ्फराबाद, हिमाचल प्रदेश, उत्तराखंड, पंजाब, कोकण आणि गोवा, तामिळनाडू, पुडुचेरी आणि कराईकल, केरळ आणि माहे, ओडिशा, नागालँड, मणिपूर, मिझोराम आणि त्रिपुरा आणि उप-हिमालय पश्चिम बंगाल आणि सिक्कीम तापमान सामान्यपेक्षा कमी आहे.
चक्रीवादळाचा परिणाम पावसाची शक्यता
बंगालच्या उपसागरापासून आग्नेय द्वीपकल्पीय भारतापर्यंत तीव्र ईशान्येकडील वारे खालच्या उष्णकटिबंधीय पातळीवर वाहत आहेत. यामुळे बर्याच ठिकाणी हलका ते मध्यम पाऊस पडण्याची दाट शक्यता आहे. 20 ते 23 दरम्यान तामिळनाडू आणि केरळमध्ये पावसाचा अंदाज आहे. 21 रोजी आंध्र प्रदेश किनारपट्टी तसेच 22 आणि 23 नोव्हेंबर दरम्यान कर्नाटकमध्ये पावसाची शक्यता आहे. 22 आणि 23 नोव्हेंबरला केरळ आणि माहेमध्ये मुसळधार पावसाचा अंदाज आहे. काही ठिकाणी दाट धुक्याची चादरही पाहायला मिळणार आहे. 20 नोव्हेंबर 2023 रोजी सकाळी पूर्व आणि दक्षिण आसाम, मेघालय, नागालँड, मणिपूर, मिझोराम आणि त्रिपुरा या भागांमध्ये दाट धुके पडण्याची शक्यता आहे. देशाच्या उर्वरित भागात हवामानात लक्षणीय बदल होण्याची शक्यता नाही.
मच्छिमारांना धोक्याचा इशारा
तामिळनाडू आणि केरळमध्ये काही ठिकाणी मुसळधार पावसाची शक्यता आहे. चक्रीवादळाच्या पार्श्वभूमीवर मच्छिमारांना धोक्याचा इशारा देण्यात आला आहे. केरळ आणि माहेमध्ये वेगवेगळ्या ठिकाणी, तामिळनाडू, पुडुचेरी आणि कराईकलमध्ये विजांच्या कडकडाटासह गडगडाटी वादळासह पावसाची शक्यता आहे. नैऋत्य बंगालच्या उपसागरात आणि तमिळनाडू किनार्याजवळ वादळी वाऱ्याचा वेग 40-45 किमी ताशी 55 किमी प्रतितास होण्याची शक्यता आहे. मच्छीमारांना या भागात न जाण्याचा सल्ला देण्यात आला आहे.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)