कोरोनाचा वाढता प्रादुर्भाव लक्षात घेऊन मुंबईत इमारतींबाबत नवी नियमावली; रुग्ण आढळल्यास अख्खा मजला सील करणार
मुंबईत कोरोनाबाधितांचा आकडा वाढत असल्यामुळं इमारतींबाबत नवीन नियमावली जाहीर करण्यात आली आहे. एखाद्या मजल्यावर कोरोनाचा सक्रिय रुग्ण आढळला तर तो अख्खा मजला सील करण्यात येणार आहे
मुंबई : मुंबईतील कोरोनाबाधितांच्या संख्येत गेल्या काही दिवसांपासून झपाट्यानं वाढ होऊ लागलीय. याच पार्श्वभूमीवर नागरिकांना चिंतेत टाकणारी माहिती समोर आलीय. मुंबईत आज आठ हजारांहून अधिक रुग्णांची नोंद झालीय. कोरोनाच्या वाढत्या रुग्णसंख्येच्या पार्श्वभूमीवर मुंबईत पुन्हा एकदा कडक निर्बंध लागू केले जाण्याची शक्यता वर्तवली जात आहे. मुंबईत कोरोना रुग्ण इमारतीत जास्त वाढत असल्याने इमारती बाबत नवीन नियमावली जाहीर करण्यात आली आहे.
मुंबईसाठी जाहीर करण्यात आलेली नियमावली खालीलप्रमाणे :
- एखाद्या मजल्यावर सक्रिय रुग्ण आढळले तर तो मजला सील करण्यात येणार आहे.
- इमारतीत 10 पेक्षा अधिक रुग्ण आढळल्यास संपूर्ण इमारत सील केली जाणार आहे
- कोरोना रुग्ण सापडलेल्या मजल्यावर बाहेर येण्यास जाण्यास मज्जाव असणार आहे
- कोव्हिड रुग्ण वाढलेल्या मजल्याच्या खालील व वरील मजल्यावरील सर्व रहिवाशांना कोरोना चाचणी पाचव्या किंवा सातव्या दिवशी करावी लागेल.
- आरटीपीसीआर टेस्ट होत नाही तोपर्यंत इमारत उघडण्यात येणार नाही किंवा अशा इमारतीस सक्तीने 14 दिवस क्वारंटाईन करण्यात येणार आहे.
- रहिवाशी आरटीपीआर टेस्ट करत नाही तोपर्यंत इमारत उघडली जाणार नाही तर 14 कॉरन्टाईन केलं जाईल
मुंबईत आज 8 हजार 82 नवे रुग्ण आढळून आले आहेत. तर आज दोन मृत्यूची नोंद करण्यात आलीय. याशिवाय, 622 जणांनी कोरोनावर मात केलीय. ज्यामुळे राज्यातील बरे झालेल्या रुग्णांची संख्या 7 लाख 51 हजार 358 वर पोहचलीय. दरम्यान, बरे झालेल्या रुग्णांचा दर 93 टक्क्यांवर गेलाय. मुंबईत सध्या 29 हजार 829 रुग्ण सक्रीय आहेत. शहरातील रुग्ण दुप्पटीचा दर 138 दिवसांवर पोहचलाय. मुबंईत सध्या 37 हजार 274 रुग्ण सक्रीय आहेत.
मुंबईतील कोरोना रूग्णांची वाढती संख्या पाहता मुंबईतील पहिली ते आठवीच्या शाळा बंद करण्याचा निर्णय घेण्यात आला आहे. ऑफलाईन शाळा बंद असल्या तरी ऑनलाईन शिक्षण मात्र सुरू राहणार आहे. हा निर्णय फक्त मुंबई महापालिका अंतर्गत येणाऱ्या शाळांसाठी आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
हे देखील वाचा-
महत्त्वाच्या बातम्या
