Nashik Accident : दुर्दैवी! मुंबई-आग्रा महामार्गावर भीषण अपघात; चिमुकलीसह एकाच कुटुंबातील चौघांचा मृत्यू

Nashik Accident : मुंबई-नाशिक महामार्गावर इगतपुरीजवळ भीषण अपघात झाला आहे.

Mumbai Agra Accident

Nashik Accident : मुंबई-नाशिक महामार्गावर (Mumbai Nashik Highway) इगतपुरीजवळ भीषण अपघात (Major Accident) झाला आहे. दोन वाहनांच्या विचित्र अपघातात चार जणांचा जागीच मृत्यू झाल्याची धक्कादायक घटना घडली आहे. यात एका लहान मुलीचा समावेश असल्याने हळहळ व्यक्त करण्यात येत आहे. 

नाशिकसह (Nashik) जिल्ह्यात अपघातांचे सत्र सुरूच असून मुंबई आग्रा महामार्ग (Mumbai Agra Highway) मृत्यूचा सापळा बनला आहे. अशातच आज दुपारी चार वाजेच्या सुमारास इगतपुरीतील (Igtapuri) पंढरपुरवाडी समोर नाशिकहून (Nashik) मुंबईकडे (Mumbai) जाणारी अॅसेंट कार ही गाडी भरधाव वेगाने जात होती. परंतु, त्याचवेळी गाडीचा पुढील टायर फुटल्याने ही कार उडून थेट मुंबईहून नाशिककडे अपघातग्रस्त वॅगनर कार घेऊन जाणाऱ्या टोइंग व्हॅनवर जोरदार आदळली. या अपघातामध्ये चार जणांचा मृत्यू झाला आहे. तर एक जण गंभीर जखमी आहे. या भीषण अपघातात एकाच कुटुंबातील चार जण दगावले असून यात एका लहान मुलीचा समावेश आहे. 

इगतपुरी शहराजवळील पंढरपुरवाडी येथे हा भीषण अपघात झाला आहे. अपघात झाल्यानंतर तातडीने परिसरातील नागरिकांनी धाव घेतली. गाडी आदळल्यानंतर एकच आवाज झाल्याने रस्त्याने जाणाऱ्या अनेकांच्या काळजात धस्स झाला. दुपारी चार वाजेच्या सुमारास नाशिकहून मुंबईकडे भरधाव  वेगाने जात असताना गाडीचा पुढील टायर फुटल्याने कार दुसऱ्या बाजूने  मुंबईहून नाशिककडे अपघातग्रस्त वॅगनर कार घेऊन जाणाऱ्या टोइंग व्हॅनवर जोरदार आदळली. या भीषण अपघातात एकाच कुटुंबातील चौघांचा मृत्यू झाला असून एक लहान मुलगी, एक महिला व दोन पुरुष असा चौघांचा जागीच मृत्यू झाला. तर एक जण गंभीर जखमी (injured) झाला असून त्याच्यावर खाजगी रुग्णालयात (Hospital) उपचार सुरु आहेत. 

तसेच या घटनेचा पुढील तपास स्थानिक पोलिसांनी (Police) सुरु केला आहे. तर या अपघातामुळे महामार्गावर काही काळ वाहतूक विस्कळीत झाली होती. महामार्ग पोलिसांनी सर्व्हिस रोडने वाहतूक वळवली. दरम्यान इगतपुरी जवळ पंढरपूर वाडी समोर महामार्गावरच सर्वत्र गाडीच्या काचा आणि रक्तबंबाळ अवस्थेत अपघातग्रस्तांना पाहून अपघातस्थळी असलेल्या नागरिकांच्या अंगाला काटा आला. या भयंकर अपघातात एकाच कुटुंबातील चार जणांचा जागेवरच मृत्यू झाला आहे. तर एक जण गंभीर जखमी आहे या जखमी असलेल्या अपघातग्रस्ताला एका खाजगी रुग्णालयात उपचार करिता दाखल करण्यात आले असून उपचार सुरू आहेत.