Nanded News : माळेगाव यात्रेत दूषित पाण्यामुळं घोड्याचा मृत्यू, नांदेड जिल्हा परिषदेच्या ढिसाळ कारभारामुळं मृत्यू झाल्याचा पशुपालकांचा आरोप 

नांदेड जिल्ह्यातील माळेगावची यात्रा (Malegaon Yatra) ही दक्षिण भारतातील सुप्रसिद्ध यात्रा असते. या यात्रेत घोड्यांचा मोठा बाजार भरतो. या यात्रेत एका घोड्याचा मृत्यू झाल्याची घटना घडली आहे.

Nanded Horse Death News

Nanded Horse Death News : दरवर्षी नांदेड (Nanded) जिल्ह्यातील माळेगावमध्ये (Malegaon) श्री क्षेत्र खंडेराय देवस्थानची यात्रा भरते. माळेगावची यात्रा (Malegaon Yatra) ही दक्षिण भारतातील सुप्रसिद्ध यात्रा असते. या यात्रेत घोड्यांचा मोठा बाजार भरतो. यावेळी या यात्रेत दूषित पाण्याचा (contaminated water) प्रश्न ऐरणीवर आला आहे. दुषित पाण्यामुळं माळेगाव यात्रेत एका घोड्याचा दुर्दैवी मृत्यू झाल्याची घटना घडली आहे. नांदेड जिल्हा परिषदेच्या ढिसाळ कारभारामुळं या घोड्याचा मृत्यू झाल्याचा आरोप पशुपालकांनी केला आहे.

जिल्हा परिषदेच्या ढिसाळ कारभारामुळं घोड्याचा मृत्यू, पशुपालकांचा आरोप

माळेगावची यात्रा ही दक्षिण भारतातील सुप्रसिद्ध यात्रा आहे. श्री क्षेत्र खंडेराय देवस्थान माळेगाव हे घोड्याचे माळेगाव म्हणून देशभरात सुपरिचित आहे. यावर्षी माळेगांव यात्रेत घोड्याची वाताहात होत आहे. या यात्रेत दोन वर्षांच्या मारवाडी घोड्याचा दूषित पाणी पिल्यामुळं पोट फुगून दुर्दैवी मृत्यू झाल्याची घटना घडली आहे. या घोड्याचा मृत्यू हा नांदेड जिल्हा परिषद ढिसाळ कारभारामुळं झाल्याचा आरोप पशुपालकांनी केला आहे. जातीवंत, रुबाबदार, महागड्या घोड्याचा अचानकपणे मृत्यू झाल्यानं पशुपालकांमध्ये चिंतेचं वातावरण पसरलं आहे.

 घोडे व्यापारासाठी सारंगखेडानंतर माळेगाव प्रसिद्ध

दक्षिण भारतात घोडे व्यापारासाठी सारंगखेडानंतर माळेगाव प्रसिद्ध आहे. घोड्यांच्या व्यापारासाठी अनेक राज्यातून  किंमतीचे जातीवंत घोडे व्यापारी इथे घेऊन येतात. माळेगांव यात्रेत घोडे खरेदी-विक्रीचा व्यवसाय करतात. तर  काही शौकीन हौशी घराण्याची परंपरा म्हणून घोडा पाळतात. सायळ येथील सरपंच आण्णा पाटील पवार यांनी आपला घोडा खंडोबा यात्रेदिवशी माळेगावमध्ये नेला होता. मात्र, रात्री घोड्याचे अचनकपणे पोट फुगायला लागले. त्यानंतर घोड्यावर तेछील पशूवैद्यकीय दवाखान्यात उपचार केले. पण उपचारादरम्यान घोड्याचा मृत्यू झाला. 

यात्रेत सुविधा नसल्यानं अश्वपालकांमध्ये चिंतेचं वातावरण

सद्या माळेगाव यात्रेत घोडे, उंट दाखल झाले आहेत. या यात्रेत कोणत्याही प्रकारची सोई सुविधा नसल्यानं घोडे व्यापारासाठी आलेले अश्वपालकांमध्ये चिंतेचं वातावरण पसरलं आहे. पशुपालकांनी दिलेल्या माहितीनुसार, सदर घोड्यास दरोरोज जे खाद्य दिले जाते, तेच खाद्य या ठिकाणी घोड्याला दिले. मात्र पाणी पिल्यानंतर घोड्याचे पोट फुगले आणि घोड्याचा मृत्यू झाला. दरम्यान, मृत घोड्याच्या शवाची प्रयोग शाळेत तपासणी करून  संबधीत यात्रा व्यवस्थापन करणाऱ्या आधिकाऱ्यांवर कठोर कारवाई करावी अशी मागणी पशुपालकांनी केली आहे.

महत्त्वाच्या बातम्या: