Maharashtra Headlines 6th June : राज्यभरातील महत्त्वाच्या घडामोडींचा आढावा एका क्लिकवर, वाचा दुपारच्या बातम्या

राज्यातील दुपारच्या पाच महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील कोरोना संबंधित, राजकीय, सामाजिक, आर्थिक, तसेच इतर बातम्यांचे अपडेट्स मिळतील...

Afternoon Headlines

राज्यातील दुपारच्या पाच महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील कोरोना संबंधित, राजकीय, सामाजिक, आर्थिक, तसेच इतर बातम्यांचे अपडेट्स मिळतील...

Shivrajyabhishek Din 2023 : प्रभो शिवाजी राजा! आज शिवराज्याभिषेक दिन... राज्यभरातून शिवभक्त रायगडावर

आज तारखेनुसार छत्रपती शिवाजी महाराजांचा (Chhatrapati Shivaji Maharaj) शिवराज्यभिषेक सोहळा साजरा होत आहे. 6 जून 1674 रोजी म्हणजेच ज्येष्ठ शुद्ध त्रयोदशी या दिवशी विधीपूर्वक राज्याभिषेक होऊन शिवराय छत्रपती झाले. किल्ले रायगडावर न भूतो न भविष्यति असा झालेला ‘शिवराज्याभिषेक सोहळा’ पार पडला. (वाचा सविस्तर)

शिंदे-फडणवीस सरकारचा दुसरा मंत्रिमंडळ विस्तारही छोटेखानी? भाजपच्या सहा व शिवसेनेच्या चार जणांना स्थान मिळण्याची शक्यता 

 राज्यातील सत्तांतराला लवकरच पूर्ण होणार आहे. शिवसेनेतील (Shivsena) बंडखोरीनंतर महाविकास सरकार कोसळले आणि राज्यात शिंदे फडणवीस सरकार सत्तेत आले. मात्र,मंत्रिमंडळ विस्ताराला (Maharashtra Cabinet Expansion)  मुहूर्त काही मिळाला नाही. मात्र आता शिवसेनेच्या वर्धापन दिनाआधी राज्य मंत्रिमंडळाचा विस्तार होण्याची दाट शक्यता आहे. राज्य मंत्रिमंडळाचा होणारा विस्तार  हा छोटेखानी असेल अशी माहिती खात्रीलायक सूत्रांनी दिली. (वाचा सविस्तर) 

 मान्सूनपूर्वी 'बिपरजॉय' चक्रीवादळाचा धोका, वादळी वाऱ्यामुळे पाऊस लांबला 

एकीकडे मान्सूनची (Monsoon) प्रतिक्षा लागली असताना दुसरीकडे चक्रीवादळाचा (Cyclone) धोका पाहायला मिळत आहे. अरबी समुद्रात 'बिपरजॉय' चक्रीवादळ (Biparjoy Cyclone) निर्माण झाल्याने आता पाऊस (Rain Update) आणखी लांबला आहे. भारतीय हवामानशास्त्र विभागाने (IMD) दिलेल्या ताज्या माहितीनुसार, 5 जून रोजी दक्षिण पूर्व अरबी समुद्रात चक्रीवादळ तयार झालं. पुढील 24 तासांत याच प्रदेशात कमी दाबाचं क्षेत्र तयार होण्याची शक्यता आहे. (वाचा सविस्तर)

अशोक चव्हाणांच्या बालेकिल्ल्यात धडाडणार अमित शाहांची तोफ, 10 जून रोजी शाहांची नांदेडमध्ये सभा

आगामी लोकसभा निवडणुकीसाठी भाजपने (BJP) कंबर कसली असून, भाजपचे केंद्रीय नेते थेट मैदानात उतरले आहेत. माजी मुख्यमंत्री आणि काँग्रेसचे ज्येष्ठ नेते अशोक चव्हाणांच्या (Ashok Chavan)  बालेकिल्ल्यात थेट केंद्रीय गृहमंत्री अमित शाह (Amit Shah) यांच्या  सभेचे आयोजन करण्यात आले आहे. (वाचा सविस्तर)

अमृता फडणवीस यांना अनीक्षा जयसिंघानीची मोठी ऑफर, मुंबई पोलिसांच्या आरोपपत्रात दावा 

अमृता फडणवीस (Amruta Fadnavis ) यांना अनीक्षा जयसिंघानीची मोठी ऑफर होती असा दावा मुंबई पोलिसांच्या 793  पानांच्या आरोपपत्रात करण्यात आला आहे. मलबार पोलीस ठाण्यात बुकी अनिल आणि त्याची मुलगी अनीक्षा जयसिंघानींवर एफआयआर यापूर्वीच दाखल करण्यात आला आहे. बुकी जयसिंघानीवरील आरोप मागे घेण्यासाठी अमृता फडणवीसांना अनीक्षा जयसिंघानीनेही ही ऑफर दिली होती.  (वाचा सविस्तर)