लक्ष्मण हाकेंना चहाच्या टपरीवर पाहताच मराठा आंदोलक पुढे आले, हाकेंनी रस्त्यातच मांडली बैठक

ओबीसी नेते लक्ष्मण हाके (Laxman Hake) यांच्या विरोधात मराठा समाजातील कार्यकर्त्यांनी जोरदार घोषणाबाजी केल्याची घटना पुरंदर तालुक्यात घडली आहे.

Laxman hake Maratha Reservation News

Source : Getty Images

Laxman Hake : ओबीसी नेते लक्ष्मण हाके (Laxman Hake) यांच्या विरोधात मराठा समाजातील कार्यकर्त्यांनी जोरदार घोषणाबाजी केल्याची घटना पुरंदर तालुक्यात घडली आहे. ते नीरा येथून लोणंदच्या दिशेने जात असताना हा प्रकार घडला आहे. निरा येथे चहासाठी थांबले असता अचानक काही लोकांकडून हाके यांच्या विरोधात घोषणाबाजी देण्यात आली. यानंतर हाके यांनी या हल्लेखोरांसमोर रस्त्यावर बैठक मांडली. सोबत बंदोबस्तासाठी असणाऱ्या पोलिसांकनी परिस्थिती शांत करण्याचा प्रयत्न केला.  

 पोलिसांनी तातडीने धाव घेत या तरुणांना ताब्यात घेतलं.

पुरंदर तालुक्यातील निरा येथे ओबीसी नेते लक्ष्मण हाके यांच्या विरोधात जोरदार घोषणाबाजी करण्यात आली आहे. लक्ष्मण हाके हे निरा येथे आले असता एका हॉटेलमध्ये ते थांबले होते. याबाबतची माहिती तरुणांना मिळतातच हॉटेलच्या बाहेर येऊन तरुणांनी हाके यांच्या विरोधात जोरदार घोषणाबाजी केली. यानंतर पोलिसांनी तातडीने धाव घेत या तरुणांना ताब्यात घेतलं. मनोज जरांगे यांच मुंबईमध्ये मराठा आरक्षणासाठी आंदोलन सुरु आहे. त्या पार्श्वभूमीवर मराठा तरुण संतप्त आहेत. राज्य सरकारकडून जरांगेच्या आंदोलनाची दखल घेतली जात नाही त्यातच लक्ष्मण हाके हे मराठा आंदोलकांच्या विरोधात बोलत आहेत. यातूनच हाके यांच्या विरोधात ही घोषणाबाजी करण्यात आली असल्याचे सांगण्यात आले आहे.

 आम्ही कोणत्याही पद्धतीचा हल्ला केला नाही : मराठा आंदोलक 

दरम्यान, या घटनेवर मराठा आंदोलकांनी देखील प्रतिक्रियादिली आहे. आम्ही कोणत्याही पद्धतीचा हल्ला केला नसल्याचे मत मराठा आंदोलकांनी व्यक्त केले आहे. हाकेंवर हल्ला केल्याचं बोलत जात आहे, पण आम्ही हल्ला केला नाही. आम्ही फक्त त्यांना जाब विचारण्यासाठी गेलो होतो. आम्हाला आर७णाची गरज आहे. आमच्या आरक्षणासाठी मनोज जरांगे पाटील उपोषणाला बसले आहेत. मलाच नाहीतर प्रत्येक गरजवंत मराठ्याला आरक्षणाची गरज असल्याचे मराठा आंदोलक म्हणाले. आम्ही तिथे फक्त एक मराठा लाख मराठा अशी घोषणाबाजी केल्याची माहिती आंदोलकांनी दिली आहे. 

ओबीसी नेते लक्ष्मण हाके वारंवार मराठा आंदोलक मनोज जरांगे पाटील यांच्याविरोधात बोलत आहेत. तसेच ओबीसीमधून मराठ्यांना आरक्षण देण्याच्या विरोधात बोलत आहेत. त्यामुळं लक्ष्मण हाके यांच्या विरोधात ठिकठिकाणी मराठा तरुण आक्रमक होताना दिसत आहे. आजही मराठा आंदोलकांनी त्यांच्यासमोरच जोरदार घोषणाबाजी केल्याचं पाहायला मिळालं. 

महत्वाच्या बातम्या: