Goa Election Result 2022 : गोव्याचे मुख्यमंत्री प्रमोद सावंत यांना तीन अपक्षांचा पाठिंबा जाहीर, जाणून घ्या कोण आहेत ते..

Goa Election Result 2022 : प्रमोद सावंत (Pramod Sawant) यांना तीन अपक्षांचा पाठिंबा जाहीर केला आहे. कोण आहेत ते? 

Goa Election Result 2022 : Pramod Sawant

Goa Election Result 2022 :  गोवा विधानसभा निवडणुकीत  (Goa Assembly Election Result 2022) भाजप सर्वात मोठा पक्ष ठरला आहे. गोवा भाजपने आज संध्याकाळी राज्यपालांची भेट घेऊन सरकार स्थापनेचा दावा करणार असल्याचे सांगितले आहे. प्रमोद सावंत (Pramod Sawant) यांना तीन अपक्षांनी पाठिंबा जाहीर केला आहे. कोण आहेत ते? 

तीन अपक्षांना पाठिंबा जाहीर, कोण आहेत ते? 
गोव्याचे मुख्यमंत्री प्रमोद सावंत (Pramod Sawant) साखळी मतदारसंघात प्रमोद सावंत 500 मतांनी विजयी झाले. सुरुवातीच्या कलांमध्ये प्रमोद सावंत पिछाडीवर होते, परंतु त्यांनी जोरदार मुसंडी मारुन विजय मिळवला. विजयानंतर सावंत यांनी प्रतिक्रिया दिली आहे. यानंतर गोव्यात राजकीय घडामोडींना वेग आला आहे. गोव्यात मुख्यमंत्री प्रमोद सावंत यांनी अँटोनियो वास, चंद्रकांत शेट्ये आणि अॅलेक्स रेजिनाल्ड या तीन अपक्षांचा पाठिंबा जाहीर करून बहुमताचा दावा केला आहे. गोव्यातील 40 जागांवर आत्तापर्यंत भाजप 19 जागांवर (+6) आघाडीवर आहे. काँग्रेस 12 जागांवर आघाडीवर असून आठ जागांचे नुकसान झाले आहे. तृणमूल काँग्रेस आणि आम आदमी पक्ष प्रत्येकी तीन जागांवर आघाडीवर आहेत, तर इतर तीन जागांवर आघाडीवर आहेत. सावंत यांनी सोशल मिडियावर पोस्ट करत या निवडणुकीत जनतेने भाजपवर विश्वास ठेवल्याबद्दल जनतेचे आभार मानले.

 

Koo App

I would like to express my gratitude to the people of Goa for reposing their trust and love in BJP Goa and believing in Bharatiya Janata Party (BJP) & the leadership of PM Shri Narendra Modi ji.

View attached media content

- Dr Pramod Sawant (@DrPramodPSawant) 10 Mar 2022

2017 च्या निवडणुकीपेक्षा चांगली कामगिरी 

भाजपबद्दल बोलायचे झाले तर 2017 च्या निवडणुकीपेक्षा यावेळी पक्षाने चांगली कामगिरी केली आहे. 2017 च्या विधानसभा निवडणुकीत, काँग्रेसने गोव्यात 40 पैकी 17 जागा जिंकल्या होत्या आणि सर्वात मोठा पक्ष म्हणून उदयास आला होता, परंतु 13 जागा जिंकूनही, भाजपने लहान पक्ष आणि अपक्षांच्या मदतीने सरकार स्थापन करण्यात यश मिळवले.

अपक्षांना आम्ही सोबत घेऊन सत्ता स्थापन करणार

माझ्या विजयांचं श्रेय माझ्या कार्यकर्त्यांना, पार्टीला जातं. मी नसतानाही त्यांनी काम केलं. गोव्याच्या विकासासाठी जनतेचा कौल पुन्हा भाजपाला मिळाला आहे.  विजयानंतर अपक्षांना आम्ही सोबत घेऊन सरकार स्थापन करणार अशी प्रतिक्रिया भाजपाचे प्रमोद सावंत यांनी दिली आहे.  एक्झिट पोलमध्ये दाखवलेल्या अंदाजानंतर प्रमोद सावंत काल म्हणाले होते की, आम्हाला पूर्ण विश्वास आहे की गोव्यात भाजप पुन्हा बहुमताने सरकार स्थापन करणार आहे. 10 मार्चला निकाल भाजपच्या बाजूने येईल असा विश्वास यावेळी सावंत यांनी व्यक्त केला आहे. यावेळी भाजपची काँग्रेसशी थेट स्पर्धा आहे. काँग्रेसच्या मनात नेहमीच भीती असते. यावेळी त्यांनी ज्याप्रकारचे उमेदवार निवडले आहेत, ते पाहता कुठेतरी त्यांना असे वाटले असेल की, ते पुन्हा पळून जाऊ नये असा टोलाही सावंत यांनी लगावला. दरम्यान, याआधी प्रमोद सावंत यांनी पंतप्रधान नरेंद्र मोदी यांची दिल्लीत भेट घेतली होती. याबाबत त्यांनी ट्विटही केले आहे. ज्यामध्ये सावंत म्हणाले की, गोव्यात भाजपच्या दमदार कामगिरीची माहिती पंतप्रधान मोदींना देण्यात आली आहे. त्यामुळे जनतेच्या आशीर्वादाने गोव्यात पुन्हा सरकार स्थापन करण्याची संधी मिळेल. पंतप्रधान मोदींच्या नेतृत्वाखाली आम्ही लोकांच्या हितासाठी काम करत राहू असेही सावंत यांनी सांगितले.

इतर महत्त्वाच्या बातम्या: