एक्स्प्लोर

बलात्काराच्या गुन्ह्यात अॅट्रॉसिटीप्रमाणे कारवाई करा : विखे-पाटील

Written By : एबीपी माझा वेब टीम | Updated at : 19 Jul 2016 07:29 AM (IST)

मुंबई : बलात्कारासारख्या गुन्ह्यात अॅट्रॉसिटी कायद्याप्रमाणेच कारवाई करण्याची तरतूद करावी, अशी मागणी विधानसभेचे विरोधी पक्षनेते राधाकृष्ण विखे-पाटील यांनी राज्य सरकारकडे केली आहे. कोपर्डी बलात्कार प्रकरणावर आज विधानसभेत चर्चेला सुरुवात झाली. कोपर्डी प्रकरण ही माणुसकीला काळीमा फासणारी घटना आहे. परंतु सरकारला या प्रकरणाचं गांभीर्य नाही. सरकार या प्रकरणाच्या चर्चेपासून पळ काढतंय, असा आरोप राधाकृष्ण विखे-पाटील यांनी केला. सरकारने पाशवी बलात्कारासारख्या गुन्ह्यात अॅट्रॉसिटी अंतर्गत कारवाई करण्याची तरतूद करावी. शिवाय आरोपींना भरचौकात फाशी द्यावी, अशी मागणीही विखे-पाटलांनी यावेळी लावून धरली. चर्चेदरम्यान राधाकृष्ण विखे-पाटील यांनी यावेळी अहमदनगर जिल्ह्याचे पालकमंत्री राम शिंदे यांच्यावरही निशाणा साधला. राम शिंदेंना नगरमध्ये जाऊन हॉटेलच्या उद्घाटनासाठी वेळ होता. पण पीडित मुलीला भेटण्यासाठी नाही, असा आरोप त्यांनी केला. इकतंच नाही तर स्वत: मुख्यमंत्र्यांनी कोपर्डीला जाऊन पीडित मुलीची, तिच्या कुटुंबीयांची विचारणा केली नाही. त्यामुळे गृहमंत्रीपद स्वत:कडे ठेवण्याचा मुख्यमंत्र्यांचा हट्ट का?, असा सवालही विखे-पाटील यांनी उपस्थित केला. कोपर्डीत अल्पवयीन मुलीवर पाशवी बलात्कार 13 जुलैला कोपर्डीतील नववीत शिकणारी अल्पवयीन मुलगी आजोबांच्या घरुन आपल्या स्वत:च्या घरी जात होती. त्यावेळी तिघांनी शेतात ओढत नेत तिच्यावर अत्याचार केला. तिची हत्या करण्याआधी तिच्या देहाची क्रूर विटंबनाही केली होती. याप्रकरणी जितेंद्र शिंदे आणि संतोष भवाळ या नराधमांना अटक करण्यात आली आहे. दोघांना 25 तारखेपर्यंत पोलिस कोठडी सुनावण्यात आली आहे.

कोपर्डीत अल्पवयीन मुलीवर पाशवी बलात्कार 13 जुलैला कोपर्डीतील नववीत शिकणारी अल्पवयीन मुलगी आजोबांच्या घरुन आपल्या स्वत:च्या घरी जात होती. त्यावेळी तिघांनी शेतात ओढत नेत तिच्यावर अत्याचार केला. तिची हत्या करण्याआधी तिच्या देहाची क्रूर विटंबनाही केली होती. याप्रकरणी जितेंद्र शिंदे आणि संतोष भवाळ या नराधमांना अटक करण्यात आली आहे. दोघांना 25 तारखेपर्यंत पोलिस कोठडी सुनावण्यात आली आहे. संबंधित बातम्या