एक्स्प्लोर

सोलापुरात बनावट नोटा तयार करणारा अड्डा उध्वस्त; दोघेजण ताब्यात

सोलापुरात बनावट नोटा तयार करणारा अड्डा पोलिसांनी उध्वस्त केला आहे. याप्रकरणी दोघेजणांना ताब्यात घेतलं असून सव्वा लाखाचा मुद्देमाल जप्त करण्यात आलाय.

Written By : आफताब शेख, एबीपी माझा | Updated at : 02 Oct 2020 06:11 PM (IST)

Both arrested in counterfeit note case in solapur सोलापुरात बनावट नोटा तयार करणारा अड्डा उध्वस्त; दोघेजण ताब्यात

सोलापूर : सोलापुरात बनावट नोटा तयार करणारा अड्डा पोलिसांनी उध्वस्त केला आहे. या प्रकरणी दोन आरोपींना ताब्यात घेण्यात आलं आहे. विष्णू सिद्राम गायधनकर आणि संजय धनु पवार अशी अटक करण्यात आलेल्या आरोपींची नावे आहेत. या कारवाईत पोलिसांनी शंभर रुपयांच्या 610 आणि पाचशे रुपयाच्या 100 नोटा अशा एकूण 1 हजार 110 बनावट नोटा कारवाई दरम्यान जप्त करण्यात आल्या आहेत. तसेच नोटा तयार करण्यासाठी लागणारे साहित्य देखील पोलिसांनी या कारवाई दरम्यान जप्त केलं आहे.

सोलापुरातील विजापूर नाका पोलिसांना या बाबात माहिती मिळाली होती. एक व्यक्ती बनावट नोटा खऱ्या भासवून वितरीत करीत आहे. विजापूर नाका पोलीस स्थानकाचे पोलीस आसरा चौक या ठिकाणी पोहोचले असता एक व्यक्ती संशयितरित्या फिरत असल्याचं निदर्शनास आलं. त्याची चौकशी केली असता त्याने आपलं नाव संजय पवार असल्याचे सांगितले. तर सदरच्या बनावट नोटा ह्या विष्णु सिद्राम गायधनकर यानी कमशिनवर वितरीत करत असल्याचे कबूल केले. त्याच्या माहितीच्या आधारवर पोलिसांनी सोलापुरातील भारत हौसिंग सोसायटी धाड घातली.

पुण्यात शिवसेनेच्या माजी नगरसेवकाच्या मुलाचा खून; पाच-सहा जणांचा धारदार शस्त्रांनी हल्ला

सव्वा लाखाचा मुद्देमाल जप्त

या ठिकाणी पोलिसांना शंभर रुपये दराच्या 610 नोटा, पाचशे रुपयाच्या 100 नोटा, बनावट नोटा छापण्याकरीता लागणारे कलर प्रिंटर, शाईच्या बाटल्या, पेपर कटर वगैरे असे एकून 1 लाख 21 हजार 790 रुपयांचा मुद्देमाल जप्त करण्यात आला आहे. या दोन्ही आरोपींविरोधात भांदवि 489, 120 ब प्रमाणे गुन्हा दाखल करण्यात आला आहे. या दोन्ही आरोपींना न्यायालयात हजर केले असता त्यांना 6 ऑक्टोबरपर्यंत पोलीस कोठडी सुनावण्यात आली आहे.

ST Workers Protest | मंत्र्यांच्या आश्वासनानंतरही एसटी कर्मचारी नाराज; आंदोलनाच्या भूमिकेवर ठाम

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 02 Oct 2020 06:08 PM (IST)

Tags :

Counterfeit Note Solapur Fake Note Fake Currency