Booster Dose Live Updates : आजपासून 'बूस्टर', वाचा यासंबंधीचे प्रत्येक अपडेट्स

Booster Dose : देशभरात सध्या लसीकरण वेगानं सुरु आहे. आजपासून आरोग्य कर्मचारी तसेच फ्रंट लाइन वर्कर्स यांना बूस्टर डोस देण्यास देखील सुरुवात झालीय.

Background

Maharashtra Vaccination : पंतप्रधान नरेंद्र मोदी (Narendra Modi) यांनी काही दिवसांपूर्वी लसीकरण आणि बूस्टर डोस (Booster Dose) संबंधी महत्त्वाची घोषणा केली होती. त्यानुसार देशात 18 वर्षांखालील मुलांच्या लसीकरणाला (Vaccination) सुरुवात झाली आहे. तसेच आजपासून आरोग्य कर्मचारी तसेच फ्रंट लाइन वर्कर्स यांना बूस्टर डोस देण्यास देखील सुरुवात होत आहे. देशभरात सध्या लसीकरण वेगानं सुरु आहे. सर्वांना लसीचे दोन डोस दिले जात आहेत. मा त्या पार्श्वभूमीवर अनेक देशात बूस्टर डोस देण्यात येत आहे. आता भारतातही बूस्टर डोस देण्यात येणार आहे. आज, 10 जानेवारीपासून आरोग्य कर्मचारी, फ्रंटलाईन वर्कर तसंच 60 वर्षांवरील नागरिकांना बूस्टर डोस देण्यात येणार आहे. 

काय आहे नियमावली? 

• येत्या 10 जानेवारीपासून आरोग्य कर्मचारी, कोव्हिडमध्ये आघाडीवर काम करणारे कर्मचारी आणि 60 वर्ष व त्यावरील नागरिकांना लसीचे डोस देण्यात येणार आहे
• वरील सर्व जण दुसऱ्या डोसच्या तारखेपासून 9 महिने किंवा 39 आठवडे पूर्ण झाले असल्यास तिसऱ्या डोससाठी पात्र
• ऑनलाईन आणि नोंदणी पद्धतीनं सुविधा उपलब्ध होणार 
• 60 वर्ष व त्यावरील वयाच्या सहव्याधी असलेल्या व्यक्तींना तिसरा डोस देताना लसीकरण केंद्रावर कोणतेही प्रमाणपत्र जमा किंवा दाखवायची आवश्यकता नाही फक्त अशा व्यक्तींनी त्यांच्या डॉक्टरांच्या सल्ल्यानुसार लसीकरणाबाबत निर्णय घ्यावा 
• सर्व नागरिकांना शासकीय केंद्रावर लसीकरण विनामूल्य होणार आहे 
• जर वरील कोणत्याही नागरिकांना खासगी लसीकरण केंद्रावर लस घ्यायची असल्यास केंद्र सरकारने घोषित केलेल्या किंमतीत लस घ्यावी लागेल. 

आरोग्य कर्मचारी आणि कोव्हिड योद्धे ज्यांचे वय 60 पेक्षा कमी आहे आणि ज्यांची कोविन ॲपवर नागरिक अशी वर्गवारी झाली आहे अशा लाभार्थ्यांना लसीकरण फक्त शासकीय लसीकरण केंद्रात ऑनसाइट पद्धतीने उपलब्ध असेल त्यासाठी त्यांनी नोकरीच्या ठिकाणाचे प्रमाणपत्र किंवा ओळखपत्र सादर करणे बंधनकारक असेल.

कोरोना प्रतिबंधात्मक लशीचे दोन डोस घेतले असतील तीच लस बूस्टर डोससाठी घेता येणार आहे. याचा अर्थ कोव्हॅक्सिन लशीचे पहिले दोन डोस घेतले असतील त्यांना बूस्टर डोसही कोव्हॅक्सिनचाच देण्यात येईल. तसंच कोव्हिशिल्डचे दोन डोस घेतले असतील, त्यांना बूस्टर डोस कोव्हिशिल्ड लशीचाच देण्यात येईल, असं नीती आयोगाचे सदस्य व्ही. के. पॉल यांनी स्पष्ट केलं होतं.

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha

 

 

महत्त्वाच्या इतर बातम्या :

• Assembly Election 2022 : निवडणूक होणाऱ्या पाच राज्यांमध्ये लसीकरण प्रमाणपत्रावरील पंतप्रधान मोदींचा फोटो हटवणार

• Maharashtra Corona Update : राज्यात कोरोना संसर्गवाढीचा आलेख वाढताच; रविवारी  44 हजार 388 रुग्णांची नोंद
• क्लीन अप मार्शलना दंडाची रक्कम देताय? मग आधी या गोष्टी तपासा; BMCकडून टोल फ्री नंबरही जारी
• मुंबई महानगरात प्रत्येक महापालिकेची वेगळी नियमावली, नागरिक संभ्रमात

 

13:06 PM (IST)  •  10 Jan 2022

 पुण्यात आजपासून 179 केंद्रांवर बूस्टर रोज द्यायची सुरूवात

 पुण्यात आजपासून 179 केंद्रांवर बूस्टर रोज द्यायची सुरूवात महापालिकेने केली आहे ..आज सकाळपासूनच बूस्टर डोस घेण्यासाठी ज्येष्ठ नागरिकांनी लसीकरण केंद्रांवर  गर्दी केलेली पाहायला मिळाली... गेले दोन दिवस कोविन ॲप वरून दोन डोस पूर्ण झालेल्या नागरिकांना बूस्टर डोस संदर्भातली  माहिती देणारे मेसेजेस सातत्याने येत असल्यामुळे ज्येष्ठ नागरिकांनी लसीकरण केंद्रांवर  गर्दी केली आहे... 25 टक्के ऑनलाईन आणि 25 टक्के ऑफलाइन अशा पद्धतीने बूस्टर डोस देण्यात येणार असून 179 केंद्रांवर कोविशील्ड तर दहा केंद्रांवर covaxin देण्यात येणार आहे  

11:04 AM (IST)  •  10 Jan 2022

बूस्टर डोसला नाशिकमध्ये सुरुवात

केंद्र सरकारच्या नव्या मार्गदर्शक सूचनानुसार आजपासून बूस्टर डोसला नाशिकमध्ये सुरुवात झाली आहे. वरीष्ठ अधिकारी, फ्रंटलाईन वर्कर ज्येष्ठ नागरिकांनाही लस दिली जाणार आहे.सकाळी जिल्हा शासकीय रुग्णालयात  मोहिमेचा शुभारंभ झाला. विभागीय आयुक्त राधाकृष्ण गमे, जिल्हाधिकारी सुरज मांढरे, पोलीस अधीक्षक सचिन पाटील, यांच्यांसह जिल्हापरिषद CEO आणि पात्र आरोग्य कर्मचाऱ्यांनी बूस्टर डोस घेतला.

10:36 AM (IST)  •  10 Jan 2022

मुंबईमध्ये आरोग्य कर्मचारी, फ्रंट लाईन वर्कर्स ,60 वर्षावरील सह व्याधी असलेल्यांना बूस्टर डोस द्यायला सुरुवात

मुंबईमध्ये आरोग्य कर्मचारी, फ्रंट लाईन वर्कर्स ,60 वर्षावरील सह व्याधी असलेल्यांना बूस्टर डोस द्यायला सुरुवात झाली आहे

 

ज्या लाभार्थ्यांच्या दुसरा डोस घेतल्यानंतर नऊ महिने, 39 आठवडे झाले आहेत अशा लाभार्थ्यांना बूस्टर डोस दिला जातोय

 

ऑनलाइन त्यासोबतच ऑनलाइन रजिस्ट्रेशन करून बूस्टर डोस घेतला जातोय

 

मुंबईत बूस्टर डोस साठी या पहिल्या टप्प्यात 13 लाख लाभार्थी आहेत

 

मुंबईतील साडेचारशे लसीकरण केंद्रावर बूस्टर डोस दिला जाईल 

 

10:35 AM (IST)  •  10 Jan 2022

पुण्यात आज पासून बूस्टर डोस देणार

पुण्यात आज पासून बूस्टर डोस देणार

शहरातील 179 लसीकरण केंद्रात उपलब्ध असणार बूस्टर डोस

कमला नेहरु रुग्णालयात बूस्टर डोस घेण्यासाठी ज्येष्ठ नागरिकांची रांग

10:34 AM (IST)  •  10 Jan 2022

कोल्हापूर जिल्ह्यासह राज्यभरात बूस्टर डोसचा फज्जा

कोल्हापूर जिल्ह्यासह राज्यभरात बूस्टर डोसचा फज्जा

कोविन अॅप वरील तांत्रिक अडचणीमुळे रजिस्ट्रेशन रखडले

बूस्टर डोस घेण्यासाठी आलेले फ्रंटलाईन वर्कर ताटकळत

कोल्हापूरमधील अलंकार हॉल इथं पोलीस कर्मचाऱ्यांना दिला जाणार बूस्टर डोस 

मात्र सॉफ्टवेअर प्रॉब्लेम असल्यानं कर्मचारी बसुन