Kolhapur Police : कोल्हापूर पोलिसांची दिवाळीपूर्वीच 'दिवाळी'! तीन सलग सुट्ट्यांसह सणातही एक सुट्टी मिळणार

Kolhapur Police : दिवाळी सणाच्या तोंडावर कोल्हापूर पोलिसांना मोठी आरामदायक भेट मिळाली आहे. दिवाळी सणाच्या तोंडावर पोलिस कर्मचाऱ्यांना सलग तीन सुट्या मिळणार आहेत.

Kolhapur Police

Kolhapur Police : दिवाळी सणाच्या तोंडावर कोल्हापूर पोलिसांना मोठी आरामदायक भेट मिळाली आहे. दिवाळी सणाच्या तोंडावर पोलिस कर्मचाऱ्यांना सलग तीन सुट्या मिळणार आहेत. तसेच सणातही एक सुट्टी मिळेल. जेणेकरून ते सण आनंदात साजरा करून नव्या उत्साहाने कामाला लागतील. गेल्या अडीच वर्षांपासून पोलिसांवर अतिरिक्त ताण असल्याने हा निर्णय घेण्यात आला आहे. गेल्या दोन-अडीच वर्षांपासून पोलिस कर्मचारी रस्त्यावर आहेत. 

कोल्हापूर पोलिस दलातील कर्मचारी संख्या 2,800 आहे. प्रत्येक पोलिस कर्मचाऱ्याला दिवाळीच्या सणात एक दिवस सुट्टीचा आनंद घेता येईल. शिवाय, प्रत्येक पोलिस कर्मचाऱ्याला दिवाळी सण सुरू होण्यापूर्वी तीन दिवस सुट्टी मिळणार आहे. ही तीन दिवसांची रजा बॅचमध्ये घेण्यात येणार आहे. एका वेळी, युनिटच्या एक तृतीयांश कर्मचार्‍यांना तीन दिवसांची दिवाळीपूर्वी रजा मिळेल.

पोलीस अधीक्षक शैलेश बलकवडे यांनी दिवाळीपूर्वी पोलीस कर्मचाऱ्यांना सुट्टी देण्याचे नियोजन केले आहे. कर्मचाऱ्यांना आपल्या कुटुंबियांसोबत वेळ घालवू शकतील, सणांसाठी खरेदी करू शकतील आणि थकवा दूर करण्यासाठी आराम करू शकतील आणि स्वत: रिचार्ज करू शकतील, या उद्देशाने हा निर्णय घेण्यात आला आहे. 

पोलिस अधीक्षक शैलेश बलकवडे यांनी सांगितले की, प्रत्येक पोलिस कर्मचाऱ्याला सलग तीन दिवस सुट्टी मिळेल. दिवाळीपूर्वी तीन दिवस एक तृतीयांश फौजफाटा बंद राहणार आहे. आमच्याकडे दिवाळीनंतर विशेषत: कोल्हापूर महानगरपालिका आणि इतर स्थानिक स्वराज्य संस्थांच्या निवडणुका आहेत. मतदानादरम्यान, पोलिस कर्मचाऱ्यांना पुन्हा शांतता व सुव्यवस्था राखण्यासाठी मैदानात उतरावे लागेल. निवडणुका जाहीर झाल्यानंतर गंभीर कारणाशिवाय पोलिस कर्मचाऱ्यांना रजा मिळणार नाही. या सुट्ट्यांमुळे पोलिस तणावमुक्त होतील आणि नवीन परिस्थिती हाताळण्यासाठी सज्ज होतील. 

स्थानिक पातळीवर स्नेह मेळावा आयोजित करण्याच्या सूचना 

बलकवडे यांनी सर्व स्थानक प्रमुखांना घेतलेल्या निर्णयानुसार व्यवस्थापन करण्यास सांगितले आहे. स्थानक पातळीवर स्नेह-मेळावा, पोलिस आणि त्यांच्या कुटुंबीयांसाठी एकत्र येण्यासाठी नियोजन करण्यास सांगितले आहे. या कार्यक्रमास बऱ्याचवेळा पोलिसांना दूर असल्याने सहभाग घेत येत नाही. या पार्श्वभूमीवर बलकवडे यांनी पोलिस ठाण्यांना स्थानिक पातळीवर मेळावा आयोजित करण्यास सूचना केल्या आहेत. त्यासाठी निधीही दिला जाणार आहे. 

इतर महत्वाच्या बातम्या