Who is Baba Neem Karoli : स्टीव्ह जॉब्स, ज्युलिया रॉबर्ट्स, मार्क झुकरबर्गपासून ते विराट-अनुष्कापर्यंत प्रेरणा देणारे बाबा नीम करोली आहेत तरी कोण?

विराट कोहली आणि अभिनेत्री अनुष्का शर्मा यांनी आपल्या मुलीसोबत वृंदावन येथील बाबा नीम करोली आश्रमाला भेट दिली. त्यांनी बाबांच्या 'समाधी'चे दर्शन घेतले, त्याशिवाय 'कुटिया'मध्ये ध्यानधारणाही केली.

Who is Baba Neem Karoli

Who is Baba Neem Karoli : क्रिकेटर विराट कोहली आणि अभिनेत्री अनुष्का शर्मा यांनी आपल्या मुलीसोबत वृंदावन (Baba Neem Karoli Ashram in Vrindavan) येथील एका आश्रमाला नुकतीच भेट दिली. त्यांनी 4 जानेवारी रोजी वृंदावन येथील बाबा नीम करोली आश्रमाला भेट दिली. या जोडप्याने सुमारे तासभर तिथे राहून बाबांच्या 'समाधी'चे दर्शन घेतले, त्याशिवाय 'कुटिया' (झोपडी) मध्ये ध्यानधारणाही केली.

नीम करोली बाबा आश्रमाचे विश्वस्त राधेकृष्ण पाठक यांनी दिलेल्या माहितीनुसार विराट अनुष्का दुपारी येतील अशी त्यांची अपेक्षा होती, पण दोघे सकाळी लवकर पोहोचले. शर्मा यांचे कुटुंब बाबा नीम करोली यांचे अनुयायी असल्याचेही त्यांनी सांगितले. त्यांच्या व्यतिरिक्त, त्यांच्या आश्रमाला भेट देणारे आणि अनुयायी असलेले इतर उल्लेखनीय म्हणजे स्टीव्ह जॉब्स, ज्युलिया रॉबर्ट्स, मार्क झुकरबर्गही आहेत. 

Who is Baba Neem Karoli : नीम करोली बाबा हिंदू गुरु आणि हनुमानाचे निस्सीम भक्त 

नीम करोली बाबा हिंदू गुरु आणि हनुमानाचे निस्सीम भक्त होते. त्यांचे अनुयायी त्यांना महाराज-जी म्हणत. त्यांचे मूळ नाव लक्ष्मण नारायण शर्मा होते आणि त्यांचा जन्म 1900 च्या सुमारास उत्तर प्रदेशातील फिरोजाबाद जिल्ह्यातील अकबरपूर गावात एका सदन ब्राह्मण कुटुंबात झाला होता. वयाच्या 11 व्या वर्षी त्याच्या पालकांनी त्याचे लग्न केले होते. तथापि, ते साधू होण्यासाठी त्यांनी घरावर तुळशीपात्र ठेवले. मात्र, वडिलांनी केलेल्या आग्रहाने वैवाहित जीवन जगण्यासाठी घरी परतले. संसारात परतल्यानंतर त्यांना दोन मुले आणि एक मुलगी झाली.

अमेरिकन लोकांचे आध्यात्मिक गुरु 

1960 आणि 70 च्या दशकात भारतात प्रवास केलेल्या अनेक अमेरिकन लोकांचे आध्यात्मिक गुरु म्हणून ते भारताबाहेर ओळखले जातात. त्यांनी इतरांच्या सेवेला देवावरील भक्तीची उत्कृष्ट अभिव्यक्ती म्हणून पाहिले. ते भक्ती योगाचे आजीवन अभ्यासक होते. आसक्ती आणि अहंकार हे परमेश्वराच्या प्राप्तीमधील सर्वात मोठे अडथळे आहेत. तसेच जोपर्यंत भौतिक शरीरात आसक्ती आणि अहंकार असतो तोपर्यंत शिकलेला माणूस आणि मूर्ख सारखेच असतात, असे ते नेहमी म्हणत. 

स्टीव्ह जॉब्स, मार्क झुकेरबर्ग भेटीसाठी भारतात आले

1974 मध्ये, स्टीव्ह जॉब्स (Steve Jobs) त्यांचे मित्र डॅन काॅटके (Dan Kottke) यांच्यासह हिंदू धर्म आणि भारतीय अध्यात्माचा अभ्यास करण्यासाठी भारतात आले होते. त्यांनी नीम करोली बाबांना भेटण्याचाही बेत आखला होता, पण त्यांचा मृत्यू झाला होता. स्टीव्ह जॉब्सही प्रभावित झाल्याने 2015 मध्ये, फेसबुकचे संस्थापक मार्क झुकरबर्ग यांनी कंपनी कठीण प्रसंगात आली असताना कैंची येथील बाबा नीम करोली यांच्या आश्रमाला भेट दिली होती. 

ज्युलिया रॉबर्ट्सही प्रभावित

हॉलिवूड अभिनेत्री ज्युलिया रॉबर्ट्स देखील बाबांच्या प्रभावाखाली असल्याचे सांगितले जाते आणि त्यांच्यामुळेच ती हिंदू धर्माकडे ओढली गेली. एका मुलाखतीत तिला विचारण्यात आले की हिंदू धर्माची आवड कुठून आली? ती म्हणाली की, “हे नीम करोली बाबा नावाच्या गुरूचे चित्र पाहून आले आणि मी या व्यक्तीच्या चित्राकडे आकर्षित झाले आणि मला माहीत नव्हते की ते कोण आहेत? होते किंवा ते कशाबद्दल होते, परंतु खूप स्वारस्य वाटले."

Someone from #NottingHill share this today.

Julia Roberts, Neem Karoli baba.. Bliss 💙 pic.twitter.com/HMRuvuyPnB

— rahul verma (@rahulverma08) December 19, 2022

बाबांचे 1973 मध्ये देहावसन 

11 सप्टेंबर 1973 रोजी पहाटे बाबांचे वृंदावनमध्ये देहावसन झाले. त्यांचे निस्सीम भक्त, राम दास आणि लॅरी ब्रिलियंट यांनी बर्कले, कॅलिफोर्निया येथे ‘सेवा फाउंडेशन’ची स्थापना केली ज्याला स्टीव्ह जॉब्स यांनी निधीही दिला होता. भारत आणि अमेरिकेतील अनेक शहरांमध्ये त्यांचे आश्रम आहेत.

इतर महत्वाच्या बातम्या