Death Sentence : फाशीच्या शिक्षेला पर्याय देता येईल का? सर्वोच्च न्यायालयाकडून चाचपणी, केंद्र सरकारकडे विचारणा

Death Sentence : सर्वोच्च न्यायालयात दोषींना वेदनारहित शिक्षा देण्यासाठी याचिका दाखल झाली आहे. आज झालेल्या सुनावणीमध्ये फाशीऐवजी अन्य पर्याय काय असू शकतात या संदर्भात न्यायमूर्तींनी चर्चा केली. 

Death Sentence

Death Sentence : देशामध्ये पुन्हा एकदा फाशीच्या शिक्षेवरून (Death By Hanging) चर्चा सुरु झाली आहे. आज (22 मार्च) सर्वोच्च न्यायालयाने केंद्र सरकारला दोषींना फाशीच्या तुलनेत अन्य कमी वेदनेचा पर्याय देता येईल का? याबाबत विचार करण्यास सांगितले आहे. सर्वोच्च न्यायालयात दोषींना वेदनारहित शिक्षा देण्यासाठी याचिका दाखल झाली आहे. या संदर्भात दाखल झालेल्या याचिकेवर पुढील सुनावणी 2 मे रोजी होणार आहे. आज झालेल्या सुनावणीत फाशीऐवजी अन्य पर्याय काय असू शकतात? या संदर्भात न्यायमूर्तींनी चर्चा केली. 

सर्वोच्च न्यायालय काय म्हणाले? 

सर्वोच्च न्यायालयाने फाशीच्या शिक्षेसंदर्भात केंद्र सरकारला चर्चा करण्यास सांगितले आहे. यामध्ये फाशीच्या तुलनेत अन्य विविध पर्यायांचा विचार करून माहिती संकलित करण्यास सांगितले आहे. अॅटर्नी जनरल आर. व्यंकटरामाणी यांना फाशीच्या शिक्षेने परिणाम होत असल्यास त्यासंदर्भात न्यायालयात माहिती देण्यास सांगण्यात आले. सर्वोच्च न्यायालयाने सांगितले की, या विषयावर विचार करण्यासाठी तज्ज्ञांची एक समिती करण्याचा पर्याय खुला आहे. सर्वोच्च न्यायालयात दोषींना वेदनारहित शिक्षा देण्यासाठी याचिका दाखल झाली आहे. या याचिकेवर आज सुनावणी झाली.  याचिकेत फाशीऐवजी गोळी मारणे, प्राणघातक इंजेक्शन किंवा इलेक्ट्रिक खुर्ची असे पर्याय सुचवण्यात आले आहेत.

या प्रकरणी पुढील सुनावणी 2 मे रोजी होणार आहे. आज याचिकेवर सुनावणी करताना सर्वोच्च न्यायालयाचे सरन्यायाधीश यांनी सांगितले की, ही चिंतनाची बाब आहे. आम्हाला आमच्या हातात काही वैज्ञानिक माहिती हवी आहे. आम्हाला या प्रकरणात अभ्यास करण्यासाठी वेळ द्यावा. कदाचित आम्ही या संदर्भात एक समिती स्थापन करू. आम्ही ती पुढील सुनावणीसाठी ठेवू.

...तर फाशी देऊन मृत्यू असंवैधानिक

सरन्यायाधीश म्हणाले की, प्राणघातक इंजेक्शन देखील वेदनादायक आहे. गोळी मारणे हा मानवी हक्कांचे पूर्णपणे उल्लंघन करून लष्करी राजवटीचा आवडता टाइमपास होता. सरन्यायाधीश चंद्रचूड म्हणाले की, ही पद्धत प्रमाणिकतेच्या चाचणीवर समाधानी आहे की नाही? हे पहावे लागेल आणि जर दुसरी पद्धत अवलंबली जाऊ शकते, तर फाशी देऊन मृत्यू असंवैधानिक म्हणून घोषित केला जाऊ शकतो.

न्यायमूर्ती पीएस नरसिम्हा म्हणाले की, आजही मृत्यूमध्ये सन्मान असला पाहिजे हा प्रश्न स्पर्धेत नाही किंवा कमी वेदना देणारा नाही. फाशी या दोन्ही अटी पूर्ण करते असे दिसते. प्राणघातक इंजेक्शन या प्रमाणात समाधान मिळते का? यूएसएमध्ये प्राणघातक इंजेक्शन आहे, पण तत्काळ नाही असे आढळले. प्राणघातक इंजेक्शनमध्ये कोणते केमिकल वापरले जाईल, यावरही संशोधन करण्याचे आवाहन न्यायमूर्तींनी केले.

इतर महत्वाच्या बातम्या :