![metaverse](https://cdn.abplive.com/imagebank/metaverse-top.png)
CoWIN Registration : 12 ते 14 वयोगटातील मुलांचे लसीकरण उद्यापासून सुरु, अशी करा नोंदणी
CoWIN COVID-19 Registration : उद्यापासून (16 मार्चपासून) 12-14 वर्षांच्या मुलांचे कोविड लसीकरण सुरू होणार आहे.
![CoWIN Registration : 12 ते 14 वयोगटातील मुलांचे लसीकरण उद्यापासून सुरु, अशी करा नोंदणी CoWIN Registration how to register 12 to 14 year child for corona vaccine on cowin portal here is the full process CoWIN Registration : 12 ते 14 वयोगटातील मुलांचे लसीकरण उद्यापासून सुरु, अशी करा नोंदणी](https://feeds.abplive.com/onecms/images/uploaded-images/2022/03/15/eb76cd47591026294b3a6f86e5d7fe8a_original.jpeg?impolicy=abp_cdn&imwidth=1200&height=675)
CoWIN COVID-19 Registration : उद्यापासून (16 मार्चपासून) 12-14 वर्षांच्या मुलांचे कोविड लसीकरण सुरू होणार आहे. याबरोबरच या दिवसापासून 60 वर्ष वयाच्या सर्व ज्येष्ठ नागरिकांना बूस्टर डोसही दिला जाणार आहे. 12-14 वर्ष वयोगटातील कोणतीही व्यक्ती CoWin पोर्टल आणि सरकारने निर्दिष्ट केलेल्या इतर प्लॅटफॉर्मद्वारे लसीसाठी नोंदणी करू शकते. यासाठी शासनाकडून मार्गदर्शक तत्त्वेही जारी करण्यात आली आहेत.
बच्चे सुरक्षित तो देश सुरक्षित!
— Dr Mansukh Mandaviya (@mansukhmandviya) March 14, 2022
मुझे बताते हुए खुशी है की 16 मार्च से 12 से 13 व 13 से 14 आयुवर्ग के बच्चों का कोविड टीकाकरण शुरू हो रहा है।
साथ ही 60+ आयु के सभी लोग अब प्रिकॉशन डोज लगवा पाएँगे।
मेरा बच्चों के परिजनों व 60+ आयुवर्ग के लोगों से आग्रह है की वैक्सीन जरूर लगवाएँ।
या संदर्भात, केंद्रीय आरोग्य मंत्री मनसुख मांडविया यांनी ट्विट केले की, "मुले सुरक्षित असतील तर देश सुरक्षित आहे." मला कळविण्यात आनंद होत आहे की, 16 मार्चपासून 12 ते 13 आणि 13 ते 14 वर्ष वयोगटातील मुलांचे कोविड-19 विरोधी लसीकरण सुरू होत आहे. तसेच, 60 वर्षांवरील सर्व लोक आता डोस घेऊ शकतील. मी मुलांचे कुटुंब आणि 60 वर्षांपेक्षा जास्त वयाच्या लोकांना लसीकरण करण्याचे आवाहन करतो.
2008 ते 2010 मध्ये जन्मलेल्या मुलांसाठी
अधिकृत सूत्रांनुसार, नवीन वयोगटातील सुमारे 7.11 कोटी मुलांना लसीकरण केले जाईल. 16 मार्चपासून लसीकरणासाठी नोंदणी सुरू होणार आहे. यासाठी, 12-14 वर्षांचे किशोर किंवा त्यांचे पालक cowin.gov.in पोर्टलवर नोंदणी करून स्लॉट बुक करू शकतात. कोविनवर स्लॉट कसे बुक करायचे ते जाणून घेऊया
Cowin पोर्टलवर नोंदणी कशी करावी ?
- तुमच्या मोबाइल किंवा संगणकावर www.cowin.gov.in वेबसाईट ओपन करा.
- आता नोंदणी/साईन इन पर्यायांपैकी एक निवडा.
- त्यानंतर मोबाईल नंबर आणि ओटीपी टाकून नोंदणी करा.
- जर तुम्ही पहिल्या नोंदणीसाठी वापरलेला फोन नंबर टाकत असाल तर तुम्हाला Add Member या पर्यायावर क्लिक करून मुलाचे तपशील भरावे लागतील.
- जर तुम्ही नवीन फोन नंबर वापरत असाल तर तुम्हाला Add Member वर क्लिक करून तपशील भरावा लागेल.
- आता तुम्हाला फोटो आयडी पुरावा, फोटो आयडी क्रमांक, नाव, लिंग आणि जन्म वर्ष यासह सर्व आवश्यक तपशील प्रविष्ट करावे लागतील आणि नोंदणी बटण दाबावे लागेल.
- यानंतर, उपलब्ध तारीख, वेळ स्लॉट आणि लसीकरण केंद्र निवडून खात्री करा.
महत्वाच्या बातम्या :
- 'द कश्मीर फाईल्स'प्रमाणे विभाजनाच्या वेदना, आणिबाणी आणि 'ऑपरेशन गंगा'वरही चित्रपट बनावेत: पंतप्रधान मोदी
- Corona : चीन-सिंगापूरमध्ये कोरोना रुग्णसंख्येत वाढ, भारतात 12-14 वयोगटातील मुलांना जास्त धोका?
- Covid19 Vaccine : फायझर लसीच्या पाच वर्षाखालील मुलांवरील वापरासाठी प्रतिक्षा, मंजुरीसाठी अधिक माहिती गरजेची : FDA
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)