Gondia Accident : गोंदियात बोलेरोची दुचाकीला मागून धडक, 5 महिन्यांच्या बाळासह तीन जणांचा दुर्दैवी अंत
Gondia Accident : गोंदियात बुलेरोची दुचाकीला मागून धडक, 5 महिन्यांच्या बाळासह तीन जणांचा दुर्दैवी अंत
Gondia Accident : गोंदिया जिल्ह्यातील मोरगाव अर्जुनी तालुक्याच्या नवेगावबांध-बाराभाटी मार्गावर एका चारचाकी वाहनाने दुचाकीला मागून धडक दिल्याने दुचाकीवरील तीन जण जागीच ठार झाले. तर दुचाकी चालक गंभीर जखमी झाल्याची घटना आज सायंकाळी घडली. मृत्यू झालेल्यांमध्ये मोरगाव अर्जुनी तालुक्यातील येरंडी / देवलगांव येथील 25 वर्षीय महिलेसह तिचा 5 महिन्याचा बाळ व घराशेजारी राहणारी 3 वर्षीय मुलीचा समावेश आहे. तर दुचाकी चालक गंभीर जखमी असून त्याला चंद्रपूर जिल्ह्यातील ब्रम्हपुरी येथे हलविण्यात आले असल्याची माहिती आहे.
अधिकची माहिती अशी की, अर्जुनी मोरगाव तालुक्यातील येरंडी देवलगांव येथील संदिप राजु पंधरे (वय 29) हा युवक आपल्या मोटार सायकलने पत्नी चितेश्वरी पंधरे, मुलगा संचित पंधरे व घराशेजारी राहणारी पार्थवी सिडाम (3) यांचेसह दुचाकीने गावावरून नवेगावबांध येथे जात होता. दरम्यान बाराभाटी - नवेगावबांध मार्गावर मागून भरधाव येणा-या चारचाकी बुलेरो पिकअप वाहनाने दुचाकीला जबर धडक दिली. या अपघातात दुचाकीवरील चितेश्वरी संदिप पंधरे, 5 महिन्याच्या चिमुकला संचित पंधरे व घराशेजारील पार्थवी सिडाम हे तिघेही जागीच ठार झाले. तर दुचाकी चालक संदिप राजू पंधरे हा गंभीर जखमी झाला. घटनेची माहीती प्राप्त होताच नवेगावबांध पोलीस लगेच घटनास्थळी पोहचले असून मृतकांना व जखमीला नवेगावबांध ग्रामीण रुग्णालयात नेण्यात आले. प्राथमिक उपचारानंतर जखमी संदिप पंधरे याला पुढील उपचारासाठी ब्रम्हपुरीला हलविण्यात आल्याची माहिती मिळाली आहे. घटनेची नोंद नवेगावबांध पोलिसांनी घेतली आहे...
कार आणि रिक्षाच्या अपघातात दोघांचा मृत्यू, 15 जण जखमी
कार आणि ऑटोच्या अपघातात 2 जणांचा मृत्यू तर 15 जण जखमी झाल्याची घटना वरोरा तालुक्यातील येन्सा येथे घडली आहे. रामपूर येथे काम संपवून ऊसतोड कामगार ऑटोने वरोऱ्याला जात असताना चंद्रपूरकडे जाणाऱ्या बौद्ध भिक्षुकांच्या एका कारने त्यांना मागून जोरदार धडक दिली. या अपघातात रंजना चंद्रकांत झुंजूनकर (46) आणि सविता अरविंद बुरटकर (42) यांचा मृत्यू झाला तर 15 जण जखमी झाले, जखमींना वरोरा उपजिल्हा रुग्णालय येथे दाखल केले असून एका गंभीर जखमी महिलेला चंद्रपूर जिल्हा रुग्णालयात हलवण्यात आले आहे. सर्व मजूर वरोरा येथील रहात असून मोलमजुरीसाठी रामपूर या गावात ऊस तोडण्यासाठी गेले होते.
इतर महत्त्वाच्या बातम्या
महत्त्वाच्या बातम्या
ट्रेंडिंग न्यूज
