Hit And Run Case: छत्रपती संभाजीनगरमध्ये 'हिट अँड रन'; 14 वर्षांच्या मुलानं भरधाव कारनं दुचाकीस्वाराला उडवलं अन् विजेच्या खांबाला दिली धडक, वडीलांविरोधात गुन्हा दाखल
Hit And Run Case: सिटी चौक पोलीस ठाण्यात अल्पवयीन चालकाच्या वडीलावर गुन्हा दाखल झाला आहे. अल्पवयीन मुलगा चालवत असलेली गाडी देखील पोलिसांकडून जप्त करण्यात आली आहे.
छत्रपती संभाजीनगर: छत्रपती संभाजीनगरमध्ये हिट अँड रनच्या (Hit and run) घटनेनं हादरलं आहे. छत्रपती संभाजीनगरमध्ये अवघ्या 14 वर्षीय मुलाने भरधाव वेगात गाडी चालवत स्कुटी चालकाला उडवल्याची घटना घडली. अल्पवयीन मुलाच्या वडीलाच्या विरोधात गुन्हा दाखल करण्यात आला आहे. सिटी चौक पोलीस ठाण्यात अल्पवयीन चालकाच्या वडीलावर गुन्हा दाखल झाला आहे. अल्पवयीन मुलगा चालवत असलेली गाडी देखील पोलिसांकडून जप्त करण्यात आली आहे. पोलीस स्वतः फिर्यादी होत रात्री उशिरा गुन्हा दाखल केला आहे. जखमीवरती रूग्णालयात उपचार सुरू आहेत.
हडको एन-13 भागात हिट अँड रनची घटना घडली. एका भरधाव ह्युंदाई कारने दुचाकीस्वाराला जबर धडक दिली. या अपघाताचा थरार सीसीटीव्ही कॅमेऱ्यात कैद झाला असून, कारचालक घटनास्थळावरून फरार झाला होता.सीसीटीव्ही फुटेजनुसार, फिकट निळ्या रंगाची ह्युंदाई कार वेगात धावत आली आणि प्रथम दुभाजकावर आदळली. त्यानंतर तिने समोरून येणाऱ्या दुचाकीस्वाराला जबर धडक दिली आणि पुढे विजेच्या खांबावर जाऊन धडकली. धडक इतकी भीषण होती की दुचाकीस्वार हवेत उडून रस्त्यावर आदळला, तर त्याची दुचाकीही हवेत फेकली गेली. या घटनेदरम्यान रस्त्यावरून तीन तरुणी समोरून चालत येत होत्या. धडक दिलेली दुचाकी त्यांच्याजवळून अत्यंत थोडक्यात गेली. सुदैवाने त्या या भीषण अपघातातून बचावल्या. अपघाताने परिसरात एकच खळबळ उडाली.
महावितरणचा खांब वाकला
कारने विजेच्या खांबाला धडक दिल्यामुळे महावितरणचा खांब वाकला आणि संपूर्ण परिसराचा वीज पुरवठा सुमारे दोन तास ठप्प झाला. अपघातानंतर कार काही क्षण घटनास्थळी थांबली होती. मात्र नागरिकांनी धाव घेताच अल्पवयीन घटनास्थळावरून पळ काढला. दुचाकीस्वार रस्त्यावर विव्हळत पडलेला दिसून आला. स्थानिक नागरिकांनी तातडीने धाव घेत त्याला मदत केली. घटनेची माहिती मिळताच पोलिसांनी घटनास्थळी धाव घेतली असून, सध्या सीसीटीव्ही फुटेजच्या आधारे अपघातग्रस्त कार व चालकाचा शोध घेतला जात आहे. घटनेचा पोलिसांकडून तपास सुरू आहे.
घटनेचा व्हिडीओ व्हायरल
व्हिडिओत दिसून येत आहे की, एक फिक्कट निळ्या रंगाची ह्युंदाई कार भरधाव वेगात येते आणि प्रथम दुभाजकाला धडकून नंतर एका दुचाकीस्वाराला धडक देते. त्यानंतर हीच कार लगतच्या एका विजेच्या खांबालाही धडक देते. कारने दुचाकीला दिलेली धडक एवढी जोरात होती, दुचाकीस्वार अक्षरशः हवेत उडून खाली आपटला गेला, तर त्याची दुचाकी तशीच पुढे जोरात उडून जाते. ही घटना घडली तेव्हा दुचाकीस्वाराच्या विरुद्ध दिशेने 3 मुली येत होत्या. ही दुचाकी त्यांच्या अगदी जवळून पुढे जाते. त्या मुली थोडक्यात वाचल्याचं दिसून आलं.
महत्त्वाच्या बातम्या
