Bhandara Vidhan Sabha constituency: महायुतीचे विद्यमान आमदार नरेंद्र भोंडेकर यांना काँग्रेस आणि शिवसेना ठाकरे गटाच्या बंडखोर उमेदवारांचं आव्हान, कोण मारणार बाजी?
Bhandara Vidhan Sabha constituency: भंडारा विधानसभा मतदारसंघामध्ये यंदा उमेदवारांसमोर बंडखोर उमेदवारांचं आव्हान आहे.
Bhandara Vidhan Sabha constituency: भंडारा विधानसभा (Bhandara Vidhan Sabha constituency) ही अनुसूचित जाती करिता राखीव आहे. 20 नोव्हेंबरला होऊ घातलेल्या विधानसभेच्या निवडणुकीत भंडारा विधानसभेची निवडणूक रंगतदार होणार आहे. महायुतीकडून शिवसेनेच्या (Shivsena Shinde Group) धनुष्यबाणावर निवडणूक लढणारे विद्यमान आमदार नरेंद्र भोंडेकर (Narendra Bhondekar) यांच्यासमोर महाविकास आघाडीतून काँग्रेसच्या (Congress) या चिन्हावर निवडणूक लढणाऱ्या महिला उमेदवार पूजा ठवकर यांचं तगडं आव्हान आहे. यासोबतच ठाकरे गटाच्या शिवसेनेचे नेते नरेंद्र पहाडे यांनी इथं बंडखोरी केली असल्यानं भंडारा विधानसभेची निवडणूक तिहेरी होणार आहे. या तिघांव्यतिरिक्त काँग्रेस पक्षाचा राजीनामा देऊन निवडणूकीच्या रिंगणात उतरलेले प्रेमसागर गणवीर यांनीही या तिघांसमोर डोकेदुखी वाढविली आहे.
महायुतीकडून लढणारे नरेंद्र भोंडेकर यापूर्वी दोन वेळेस आमदार राहिलेले आहेत. 2009 आणि 2014 च्या निवडणुकीत नरेंद्र भोंडेकर हे धनुष्यबाणाच्या चिन्हावर निवडणूक लढलेत. 2014 मध्ये भाजपचे रामचंद्र अवसरे हे निवडून आले होते, तर बहुजन समाज पार्टीच्या देवांगना गाढवे या दोन नंबर वर होत्या. त्या निवडणुकीत शिवसेनेचे नरेंद्र भोंडेकर हे तिसऱ्या नंबर वर होते. 2019 मध्ये शिवसेनेने नरेंद्र भोंडेकर यांना तिकीट नाकारल्यामुळे भोंडेकर यांनी अपक्ष निवडणूक लढवून त्यांनी भाजपचे अरविंद भालाधरे यांचा पराभव केला होता. या निवडणुकीत नरेंद्र भोंडेकर यांना एक लाख 17 हजार 17 मत मिळाली होती. तर भाजपचे अरविंद भालाधरे यांना 78 हजार 40 मत मिळालीत. त्यावेळी नरेंद्र भोंडेकर यांनी भाजपचे अरविंद भालादारी यांचा 23 हजार 670 मतांनी पराभव केला होता.
2024 च्या निवडणुकीसाठी भंडारा विधानसभेत 19 उमेदवार निवडणूक रिंगणात उभे आहेत. या निवडणुकीत भंडारा विधानसभेत तीन लाख 78 हजार 828 मतदार मतदानाचा हक्क बजावणार आहे. भंडारा विधानसभेत 435 मतदान केंद्र असून एक लाख 85 हजार 529 पुरुष तर एक लाख 88 हजार 296 महिला मतदार आहेत. भंडाऱ्यात तीन तृतीयपंथी यांचं मतदान आहे. शिवसेना, काँग्रेस, ठाकरे गटाचा बंडखोर, काँग्रेसचा बंडखोर, बसपा, मनसे, आप, वंचित बहुजन आघाडी यासह अपक्ष आणि काही छोट्या पक्षांचेही उमेदवार निवडणूक रिंगणात आहेत. मात्र, खरी लढत शिवसेनेचे भोंडेकर, काँग्रेसच्या पूजा ठवकर आणि ठाकरे गटाचे बंडखोर नरेंद्र पहाडे यांच्यात होईल.
ही बातमी वाचा :
महत्त्वाच्या बातम्या
ट्रेंडिंग न्यूज
