Auto Sales: टाटा, टोयोटाची आतापर्यंतची सर्वाधिक विक्री; जुलै महिन्यात इतर कार कंपन्यांनी किती वाहन विकले?

Auto Sales Report July 2022: वाहन उत्पादक कंपन्यांनी जुलै 2022 मध्ये विक्रीचे आकडे प्रसिद्ध केले आहेत. मारुती सुझुकीसोबतच ह्युंदाई, महिंद्रा, किया यांनी जुलै महिन्यात विक्रीत वाढ नोंदवली आहे.

tata tiago

Auto Sales Report July 2022: वाहन उत्पादक कंपन्यांनी जुलै 2022 मध्ये विक्रीचे आकडे प्रसिद्ध केले आहेत. मारुती सुझुकीसोबतच ह्युंदाई, महिंद्रा, किया यांनी जुलै महिन्यात विक्रीत वाढ नोंदवली आहे. तर टोयोटा, टाटा यांनीही या महिन्यात सर्वाधिक मासिक विक्री केली आहे.

Maruti Suzuki

मारुती सुझुकीने (Maruti Suzuki)  सोमवारी सांगितले की, 2021 च्या याच महिन्यात 162,462 युनिट्सच्या तुलनेत जुलै महिन्यात त्यांनी एकूण 175,916 युनिट्सची विक्री केली. या एकूण विक्री संख्येपैकी 155,605 युनिट्स देशांतर्गत बाजारात विकल्या गेल्या, तर उर्वरित 20,311 युनिट्स परदेशी बाजारात निर्यात करण्यात आल्या आहेत. कंपनीला अलीकडच्या काळात अडचणींचा सामना करावा लागला असताना, लहान आणि हॅचबॅक सेगमेंटवर मारुतीची मजबूत पकड कायम आहे. तर प्रमुख वाहन म्हणून ग्रँड विटारा लॉन्च केल्याने कंपनीला पूर्वीपेक्षा अधिक मोठा पल्ला गाठता आला आहे. मारुती सुझुकी कंपनीच्या कारची विक्री वाढण्याची चिन्हे दिसत आहेत. गेल्या महिन्यात मारुती सुझुकीची एकूण देशांतर्गत प्रवासी वाहनांची विक्री 142,850 युनिट्स होती. जी मागील वर्षीच्या याच कालावधीत 133,732 युनिट्स होती. इतर OEM ची विक्री 9,939 युनिट्स आणि निर्यात 20,311 युनिट्सवर होती.

Toyota Kirloskar Motor

टोयोटा किर्लोस्कर मोटरने (TKM)  सोमवारी जाहीर केले की, कंपनीने जुलै 2022 मध्ये एकूण 19,693 युनिट्सची विक्री केली. जी भारतात कंपनी स्थापन झाल्यापासून एका महिन्यात निर्मात्याची आतापर्यंतची सर्वाधिक घाऊक विक्री आहे. गेल्या वर्षीच्या याच कालावधीतील घाऊक विक्रीच्या तुलनेत ही वाढ 50 टक्क्यांनी वाढली आहे. TKM ने जुलै 2021 मध्ये 13,105 युनिट्सची विक्री केली. तर जून 2022 मध्ये घाऊक विक्री 16,500 युनिट्सची विक्री झाली. यात 19 टक्के वाढ झाली आहे.

Tata Motors

भारतातील प्रमुख तीन कार निर्मात्यांपैकी एक Tata Motors ने जुलैमध्ये प्रवासी वाहनांच्या विक्रीत तब्बल 57 टक्के वाढ नोंदवली आहे. कंपनीने गेल्या महिन्यात 47,505 वाहनांची विक्री नोंदवली आहे. गेल्या वर्षी याच कालावधीत 30,185 युनिट्सची विक्री झाली होती. एकूणच टाटा मोटर्सने जुलैमध्ये 81,790 वाहने विकली. ज्यात व्यावसायिक वाहने आणि निर्यात केलेल्या युनिटचा समावेश आहे. गेल्या वर्षी जुलैमध्ये 54,119 युनिट्सच्या तुलनेत एकूण विक्री 51 टक्क्यांनी वाढली आहे.

Hyundai

Hyundai Motor India ने जुलैमध्ये एकूण वाहन विक्रीत सहा टक्के वाढ नोंदवली आहे. जी गेल्या वर्षी याच महिन्यात विकल्या गेलेल्या 60,249 युनिट्सच्या तुलनेत जुलै 2022 मध्ये 63,851 युनिट होती. गेल्या महिन्यात कंपनीची देशांतर्गत विक्री 50,500 युनिट्सवर होती. जी जुलै 2021 मध्ये 48,042 युनिट्सच्या तुलनेत 5.1 टक्क्यांनी वाढली आहे. दक्षिण कोरियाच्या वाहन निर्मात्या कंपनीची निर्यात 9.4 टक्क्यांनी वाढून 13,351 युनिट्सवर गेली आहे. जी मागील वर्षी याच महिन्यात 12,207 युनिट्स होती.

Mahindra 

महिंद्रा अँड महिंद्राने सोमवारी सांगितले की, त्यांनी जुलै महिन्यात एकूण 56,148 वाहनांची विक्री केली. त्यापैकी जवळपास निम्मी एसयूव्ही लाइनअपची होती. 2020 मध्ये लाँच केलेल्या अपडेटेड थार आणि 2021 मध्ये लॉन्च झालेल्या XUV700 चे प्रचंड यश महिंद्राला चांगला नफा देत आहेत.

Kia

Kia India ने सोमवारी जुलैमध्ये घाऊक विक्रीत 47 टक्क्यांनी वाढ करून 22,022 युनिट्सची नोंद केली. तर जुलै 2021 मध्ये 15,016 युनिट्सची विक्री झाली. गेल्या महिन्यात कंपनीने सेल्टोसच्या 8,451 युनिट्स, सोनेटच्या 7,215 युनिट्स, कार्निव्हलच्या 5,978 युनिट्स आणि कार्निव्हलच्या 288 युनिट्सची विक्री केली.