Tata Cars : टाटा कारवर बंपर डिस्काउंट! Tata Tiago ते Tata Safari पर्यंत 'या' कारचा यादीत समावेश

Discount Offers On Tata Cars : टाटा कंपनी ग्राहकांना त्याच्या फ्लॅगशिप SUV च्या सर्व व्हेरिएंटवर 40,000 पर्यंतचा एक्सचेंज बोनस देत आहे.

Tata Car

Discount Offers On Tata Cars : जर तुम्ही नवीन कार घेण्याचा विचार करत असाल. तर ही बातमी तुमच्यासाठी आहे. कारण प्रसिद्ध कार निर्माता कंपनी टाटाने (Tata) एक सुवर्णसंधी आणली आहे. या महिन्यात टाटा कंपनी आपल्या काही निवडक कारवर बंपर सूट देत आहे. ही ऑफर संपूर्ण सप्टेंबर (September) महिन्यासाठी उपलब्ध आहे. या ऑफरच्या माध्यमातून टाटा आपल्या ग्राहकांना कॅश डिस्काउंट, एक्सचेंज बोनस यांसारखे फायदे देत आहे. या ऑफरच्या माध्यमातून तुम्ही टाटा मोटर्सच्या खरेदीवर जास्तीत जास्त 40,000 रुपयांपर्यंत बचत करू शकता. या ऑफर अंतर्गत Tiago, Tigor, Harrier आणि Safari या मॉडेल्सचा समावेश करण्यात आला आहे.  

टाटा टिगोर सीएनजी (Tata Tigor CNG) : 

टाटाच्या या सेडानला (Sedan) CNG किटसह 1.2-लीटर तीन-सिलेंडर इंजिन मिळते. टाटा या कारवर 10,000 रूपयांची रोख सवलत आणि 15,000 रूपयांचा एक्सचेंज बोनस देत आहे. अशा प्रकारे, ग्राहक या कारच्या खरेदीवर एकूण 25,000 रूपयांपर्यंत बचत करू शकतात. Tata Tigor CNG वर अधिक कॅश डिस्काउंट उपलब्ध आहेत. 

टाटा टियागो (TATA Tiago) :

टाटा या हॅचबॅक कारच्या सर्व व्हेरिएंटवर 10,000 रूपयांची रोख सवलत आणि 10,000 रूपयांचा एक्सचेंज बोनस देत आहे. याचबरोबर 3,000 रूपयांचे कॉर्पोरेट फायदे देखील त्याच्या सर्व प्रकारांवर उपलब्ध आहेत. तर त्याच्या CNG व्हेरिएंटवर कोणतीही सूट नाही.

टाटा टिगोर पेट्रोल (Tata Tigor Petrol) : 

Tata कंपनी Tigor च्या पेट्रोल व्हर्जनच्या सर्व व्हेरिएंटवर 10,000 रूपयांचा कॅश डिस्काउंट आणि 10,000 चा एक्सचेंज बोनस देखील देत आहे. या कारच्या सर्व व्हेरिएंट्सवर 3,000 रूपयांची कॉर्पोरेट सूट देखील देत आहे. अशा प्रकारे, या कारवर एकूण 23,000 रूपये ऑफर उपलब्ध आहेत.  

टाटा सफारी (Tata Safari) :

टाटा (Tata) आपल्या फ्लॅगशिप एसयूव्हीच्या (SUV) सर्व व्हेरिएंटवर ग्राहकांना 40,000 रुपयांपर्यंतचा एक्सचेंज बोनस देत आहे. 

महत्वाच्या बातम्या :