Kia ने आपल्या नवीन कार्निवल फेसलिफ्ट MPV ची टेस्टिंग केली सुरू, 2024 मध्ये होऊ शकते लॉन्च

Kia Carnival Facelift: भारतात सध्या फक्त थर्ड जनरेशन किआ कार्निव्हल विकली जाते. तर फोर्थ जनरेशन मॉडेल जागतिक बाजारपेठेत विकले जाते. तरीही कंपनीने दक्षिण कोरियामध्ये कारच्या फेसलिफ्ट मॉडेलची टेस्ट सुरू केली आहे.

Kia Carnival Facelift

Kia Carnival Facelift: भारतात सध्या फक्त थर्ड जनरेशन किआ कार्निव्हल विकली जाते. तर फोर्थ जनरेशन मॉडेल जागतिक बाजारपेठेत विकले जाते. तरीही कंपनीने दक्षिण कोरियामध्ये कारच्या फेसलिफ्ट मॉडेलची टेस्ट सुरू केली आहे. या एमपीव्हीमध्ये नवीन डिझाइनसह हायब्रीड पॉवरट्रेन दिसेल. कार्निवल फेसलिफ्ट MPV बद्दल बरीच माहिती समोर आली आहे, याबद्दलच आपण जाणून घेणार आहोत...

Kia Carnival Facelift: कार्निवल फेसलिफ्टची डिझाइन कशी असेल? 

स्पाय फोटोंमधून असे दिसत आहे की, फेसलिफ्ट केलेल्या कार्निव्हलमध्ये Kia EV9 SUV प्रमाणेच नवीन व्हर्टिकल स्टॅक केलेले हेडलॅम्प डिझाइन मिळेल. यात LED DRL साठी नवीन लेआउट अधिक कट आणि क्रिझसह पुन्हा डिझाइन केलेले बोनेट देखील मिळेल. याची डिझाइन सध्याच्या मॉडेलशी मिळतीजुळती आहे. याच्या अलॉय व्हील्सची डिझाइनही सध्याच्या मॉडेलप्रमाणेच आहे. मागील प्रोफाइलला अपडेटेड टेल-लॅम्पसह सेल्टोस फेसलिफ्ट सारखा लूक मिळतो.

Kia Carnival Facelift: किया कार्निवल फेसलिफ्ट पॉवरट्रेन

नवीन कार्निवल फेसलिफ्टच्या पॉवरट्रेनबद्दल फारशी माहिती समोर आलेली नाही. मात्र काही मीडिया रिपोर्ट्सनुसार, याला हायब्रिड पॉवरट्रेन मिळण्याची अपेक्षा आहे. हे इलेक्ट्रिक मोटरसह 1.6-लिटर पेट्रोल इंजिनशी जोडले जाईल. याच्या पॉवर आउटपुटचा तपशील उघड झालेला नाही. सध्याच्या कार्निव्हलला दोन इंजिन पर्याय मिळतात. ज्यात 2.2-लिटर डिझेल आणि 3.5-लिटर पेट्रोल इंजिन समाविष्ट आहे, जे अनुक्रमे 201hp आणि 296hp ची पॉवर जनरेट करतात. ही दोन्ही इंजिने 8-स्पीड ऑटोमॅटिक गिअरबॉक्सशी जोडलेली आहेत.

Kia Carnival Facelift: कधी होणार लॉन्च?

नवीन कार्निव्हल फेसलिफ्ट पुढील वर्षी जानेवारीपर्यंत जागतिक बाजारपेठेत येऊ शकते. कंपनीने ऑटो एक्स्पो 2023 मध्ये आपला सध्याचा फोर्थ जनरेशन कार्निव्हल KA4 MPV म्हणून प्रदर्शित केली आहे. ज्याचे लॉन्चिंग या वर्षाच्या अखेरीस अपेक्षित आहे. Kia भारतात फेसलिफ्ट कार्निव्हल कधी लॉन्च करू शकते, याबाबत अद्याप कोणतीही माहिती समोर आलेली नाही. Kia KA4 भारतात लॉन्च झाल्यानंतर याची किंमत सुमारे 50 लाख रुपये असण्याची शक्यता आहे.

Kia Carnival Facelift: टोयोटा इनोव्हा हायक्रॉसशी करेल स्पर्धा 

भारतीय बाजारपेठेत लॉन्च झाल्यानंतर ही कार टोयोटा इनोव्हा हायक्रॉसशी स्पर्धा करू शकते, जी पेट्रोल इंजिनसह स्ट्राँग हायब्रिड पॉवरट्रेनने सुसज्ज आहे.

इतर ऑटो सेगमेंट संबंधित बातमी: